Òlt

L'Òlt (sem entre n'autres, podem parlar de Carcin, anem...), coneissetz ? Queu canton es riche de gròtas, de rius, de chasteus, de vilatges...e de toristas...

D'en prumier, una pita vusda dau chap-luec, que coneissetz au mens per son vin, Caurs (e a Caurs, an pas paur, es conegut)



E un panorama, un :



De veire : las roinas galò-romanas, lo pont Valentré, la catedrala, la vielha vila... (pas de fòtos per lo moment... )

Rocamador, quo es conegut mondialament ; classat patrimòni mondiau de l'umanitat, es lo vilatge lo mai visitat de França apres lo Mont Sent Micheu. La destinacion numerò 1 d'Occitània, donc...

Sus la rota de Sent Jaume, Rocamadour es una estapa oblijada dempuei l'Atge Mejan, e la descuberta dau còrs de Sent Amador dins la ròcha ente vivia en ermita. La celebritat dau site n'en faguet un luec de romiuvatge apres una seria de miracles atribuits a sa Vierja Negra, que se pòt veire enquera uei dins 'na chapela. Un conta que la clòcha sonava tota sola quand quauqu'un (especiaument los marins) la prejava.

Entau, Rocamador veguet passar un nombre impressionant de romius coneguts : Roland, Sent Lois, Blancha de Castilha, Alienor, Simon de Montfòrt, Jacques Cartier...e òc, ai dich "coneguts", ai pas dich qu'eran tots frequentables...





'Quela mania qu'avian los ancians de pincar lurs vilatges ente las 306 pòden pas 'nar sens tussir...













I a un pitit quauquarren de las vilas trogloditas de l'Orient...



Ara, atencion los uelhs. Avetz auvit parlar de Roland ? Lo nebot de Charlamanha, tuat per los "sarrasins" (daus sarrasins basques, mai que mai...) a Roncesvaus ? Lo que, avant de morir, per pas que los maures prenhan son espasa Durandal, la lancet luenh luenh, en far au passatge un famos trauc que pòrta son nom a Gavarnia ? La legenda ditz que l'espasa 'ribet a Rocamador e s'i plantet dins la ròcha. E ben, l'i es enquera (si, si...) :



Era fòrt, queu Roland, io auria pas aimat li sarrar la man...
Alara, per la pita istòria, quand era sus plaça io era suspres de veire que los toristas (alemands o soisses en majoritat) la vesian pas e s'en fotian, e d'alhors la vila fai pas talament de "produchs derivats" 'qui-dessus...alara que francament, coma miracle, una espasa plantada dins la ròcha per un tipe qu'era a 450 kilometres e que ten dempuei 1200 ans, quo es pas mau...
En cherchar un pauc sus lo net, ai trobat UN site qu'auset dire que quo era pas la vertadiera... la vertadiera se seria facha enlevar per los angles au segle IX, sia avant que los angles 'ribessen (quitament avant qu'existessen...), e avant que Roland moriguesse...
Atrapa-colhons ? Pensatz donc...

Anem, per chabar, veiqui en panorama çò que vesem dempuei Rocamadour (pas lo mai naut, voliam nos far paiar, 'quilhs ...)

Danís a écrit: La destinacion numerò 1 d'Occitània, donc...

Après Milhau, d'un vejaire toristic.

Hein ? Argumentacion please ?

Se la tòca es de compar lo nombre de toristas que venon dins la comuna, sèm abans en Occitània, après Lorda de segur.

Mertyl a écrit:Se la tòca es de compar lo nombre de toristas que venon dins la comuna, sèm abans en Occitània, après Lorda de segur.

D'ente sortisses 'quò ? Voles rire ? Lordas, Carcassona, Sarlat, St Tropes, Marselha, Bordeu, n'i a un fum de vilas avant que son de las destinacions toristicas emb mai de monde que Milhau ! E comptar lo monde que passa sus lo viaduc per 'nar a la platja, 'quò compta pas !

Umm... Mas comptar lo monde qu'i van per veire lo viaducte?

Vertat es que dempuèi la construccion del pont i a un monde qu'aquò's pas de creire per carrièra a Milhau...
De chifras, volèm de chifras!!!

Sai pas se sem la destinacion numero 1 mas segur qu'amb aquela merda de Viaduc e las cavas de Rocafort, 'quo fa venir un fumaras de toristas.

merces a Danis e l'Omi per aqueth tribalh