OCCITANIA !! Forum


Vous n'êtes pas connecté. Connectez-vous ou enregistrez-vous

Europencas de dimentge

Aller à la page : Précédent  1, 2, 3  Suivant

Voir le sujet précédent Voir le sujet suivant Aller en bas  Message [Page 2 sur 3]

1 Europencas de dimentge le Mar 2 Juin - 19:27

LaurençD


Occitan Warrior
Occitan Warrior
Rappel du premier message :

http://www.dailymotion.com/video/x9fk44_rps-europeennes-2009_news


_________________
http://lacabraelolop.canalblog.com/

31 Re: Europencas de dimentge le Mer 10 Juin - 10:26

Zengi


Trobador !!
Trobador !!
"ua votz qui ei pas estada comptada"

de perqué ?
Qu'èi 4 o 5 amics de Pau que sei qu'an votat per EHA, e sus las chifras oficiau, n'i a pas qu' UA votz de comptabilizada sus la comuna.

Medisha causa aparentament en Dordonha.

Jo quan soi anat votar, qu'èi demandat se mon bulletin èra valedèr, qu'an aperat a la mairia, qui a aperat a la prefectura, com per asar qu'èra lo son exemple de bulletin telecargadèr sus internèt qu'avon pas ..

Fin finala, qu'an donc devut decidit que se podèva votar per EHA sonque en Pais Vasco, mentre que la lista ei inscriuta dens la grana circonscripcion Sud Oèst.

Beròja democracia, un còp mei.

32 Re: Europencas de dimentge le Mer 10 Juin - 10:55

Mertyl


Occitan Warrior
Occitan Warrior
Es grèu çò que dises, ne deuriás parlar amb la comuna o contactar un jornal local per parlar d'aquò qu'es segon ieu quicòm de fòrça grèu..

http://www.occitanews.com

33 Re: Europencas de dimentge le Mer 10 Juin - 11:13

fredoc


Occitan Warrior
Occitan Warrior
Arf a écrit:
tot simplament per'mor qu'eths joens i eras classas popularas se son massivament abstienuts !

Plan segur, los joens e los praubes que vòtan tots a esquèrra. Qu'ei causa coneguda.
Au contra, que son sonque los vielhs e rics qui vòtan a dreta.

N'ei pas mei Euròpa, que son los Estats-Units : 2 partits, 2 biais de pensar, 2 classas sociaus.

:uelhscel:Cò qui ne cau pas léger !!!


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

34 Re: Europencas de dimentge le Mer 10 Juin - 11:46

Arf


Occitan Warrior
Occitan Warrior
fredoc a écrit:

Plan segur, los joens e los praubes que vòtan tots a esquèrra. Qu'ei causa coneguda.
Au contra, que son sonque los vielhs e rics qui vòtan a dreta.

Que desformas volontariament eth men perpaus. Atau qu'ei aisit de discreditar ua posicion.
Enquistas, sondatges i estudis qu'amuishan qu'eths joens an meileu tendencia a votar a esquerra, i eths vielhs meileu a dreta. Ne sembla pas estar ua question d'atge mes meileu d'apartiença sociau.
Eras medishas enquistas qu'amuishan, shens suspresa donc, qu'eths rics votan majoritariament a dreta. Co qui ei mes estonant, mes qui's pot explicar, qu'ei qu'ua bona part deras classas sociaus popularas an leishat desempuish un vintenat d'annadas era esquerra enta votar ara dreta extrema, i ara eleccion presidenciau passada, enta NS, qui a sabut captar aqueth electorat.
Quauques ligams :
http://www.lexpress.fr/informations/les-vieux-donnent-de-la-voix_647859.html
http://74.125.77.132/search?q=cache:BepLXwYtlmQJ:elections.france2.fr/presidentielles/2007/26700452-fr.php+les+jeunes+votent+majoritairement+%C3%A0+gauche&cd=9&hl=fr&ct=clnk&gl=fr

35 Re: Europencas de dimentge le Mer 10 Juin - 13:19

Zengi


Trobador !!
Trobador !!
Tot depen de çò qu'aperan "esquèrra"

Es grèu çò que dises, ne deuriás parlar amb la
comuna o contactar un jornal local per parlar d'aquò qu'es segon ieu
quicòm de fòrça grèu..
Òc segur qu'ei grèu. Mes pensi francament que la comuna se'n fot, shens parlar de Sud Ouest o La Repugnante ..

36 Re: Europencas de dimentge le Mer 10 Juin - 13:22

fredoc


Occitan Warrior
Occitan Warrior
Arf a écrit:
fredoc a écrit:

Plan segur, los joens e los praubes que vòtan tots a esquèrra. Qu'ei causa coneguda.
Au contra, que son sonque los vielhs e rics qui vòtan a dreta.

Que desformas volontariament eth men perpaus. Atau qu'ei aisit de discreditar ua posicion.
Enquistas, sondatges i estudis qu'amuishan qu'eths joens an meileu tendencia a votar a esquerra, i eths vielhs meileu a dreta. Ne sembla pas estar ua question d'atge mes meileu d'apartiença sociau.
Eras medishas enquistas qu'amuishan, shens suspresa donc, qu'eths rics votan majoritariament a dreta. Co qui ei mes estonant, mes qui's pot explicar, qu'ei qu'ua bona part deras classas sociaus popularas an leishat desempuish un vintenat d'annadas era esquerra enta votar ara dreta extrema, i ara eleccion presidenciau passada, enta NS, qui a sabut captar aqueth electorat.
Quauques ligams :
http://www.lexpress.fr/informations/les-vieux-donnent-de-la-voix_647859.html
http://74.125.77.132/search?q=cache:BepLXwYtlmQJ:elections.france2.fr/presidentielles/2007/26700452-fr.php+les+jeunes+votent+majoritairement+%C3%A0+gauche&cd=9&hl=fr&ct=clnk&gl=fr

D'abòrd, n'èi pas cambiat los tons mots, que'us èi copiats. Libre qu'ès d'afirmar que ne'us as pas dits .

Dusau, ne podem pas har d'ua tendéncia ua vertat absoluda. Donc ne podem pas afirmar que si l'UMP arriba en cap qu'ei per'mor los joens o los praubes n'an pas votat. E que pensi tanben que las classas popularas (segon los sondadges) avèvan votat entà Chirac en 97. De verificar.


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

37 Re: Europencas de dimentge le Mer 10 Juin - 13:27

fredoc


Occitan Warrior
Occitan Warrior
Matieu a écrit:Tot depen de çò qu'aperan "esquèrra"


E joen, e vielh e ric e praube...

Ne m'agrada pas briga la categorizacion Question sistematica e las vertats absoludas qui ensajan de nos har créder los sondadges e los mèdias.
Arren n'ei definitiu, lo monde que cambia a contunhar. Cò de vertat un dia qu'ei faus l'endedia.

Alavetz quan legi o enteni "la dreta qu'a ganhat per'mor d'aquò..." o " la gaucha qu'a pergut per'mor de las abstencions..." que'm hè cagar.


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

38 Re: Europencas de dimentge le Mer 10 Juin - 15:32

Cyril06


Occitan Warrior
Occitan Warrior
Arf a écrit:
jfrieux a écrit:Alara, si lo Parlament a pas tròp de poder, es lo sol organ democratic ; e los moments de se faire ausir son escàs
+ 1
Que pensi qu'un parlament majoritariament d'esquerra que podere, en ua certa mesura, har contrapes ara politica ultraliberau miata per executiu europeu. Qu'ei totun un comble qu'ath moment qui vedem tots, dab era crisi, eras consequencias catastroficas d'aquera politica ultraliberau,

Non discuti pas manco de cen qu'es per ieu una trompería manifèsta! Lo Parlamant n'a pas manco de poder: qu'es aquesta sistèma don lu euròdeputats non poadon prepauar de leis e directivas??? Imaginatz un còup se en França lu deputats de l'Assemblada non auguesson lu poder de prepauar un projèct de lei e se siguesse solament quaucu comissaris - non eliejuts au sufratge universau - qu'auguesson aquesta prerogativa...

Tota l'estructura de l'Union Europenca non es democratica! Qu decida dei grandi orientacions? Lo Conselh, que compòson lu governaments e caps d'estats dei 27 país membres. De segur, dirètz que son eliejuts dau pòble, mas lo pòble a votat per lu sieu programas nacionals, e non europencs! De mai, en politica estrangièra e europenca, lu doi candidats de 2007 Sarko(llabo) e Sego(go) avíon lu memes ponchs de vist brusselés e atlantistas.

Doncas, quand li aurà dei eleccions per chausir lu membres dau Conselh e de la Comission, si porrà parlar de democratia dins l'UE. Ma malurosament, non es lo cas.

Arf a écrit:eth parlament sia denguera mes blu qu'abans, tot simplament per'mor qu'eths joens i eras classas popularas se son massivament abstienuts ! Mes eths plats copats, que'us pagaran aquestes, com tostemps.

Promierament, degun non sabi qu s'es abstengut: bessai de rics tamben...
Segondament, lu rics non son toi vièlhs, e lu vièlhs non son toi rics...
Terçament, lu rics non son toi de drecha e lu paures non son toi de seneca...
Quatrenament, pensi que la vèra democratia seria de considerar lo vot blanc com' una votz: vedries coma l'abstencion non seria tant massiva!



Dernière édition par Cyril06 le Jeu 13 Aoû - 0:27, édité 1 fois

39 Re: Europencas de dimentge le Mer 10 Juin - 17:23

jfrieux


Occitan Warrior
Occitan Warrior
Per dire de respondre a un pauc tot lo monde…



I a de saber que al Parlament europenc, tot se fa a la discutida ; las decisions son votadas per lo PPE e lo PSE, amassa, sus una version comuna. Aquò es pas França, amb la seuna cultura bipolara. Alara, parlar d’esquèrra e de dreita, es un pauc complicat. Los partits socialistas europencs son pauc o pro liberals, i a que de veire çò que votèron desempuèi vint ans.

Si se vòl anar cap a l’esquèrra, i a de far moment : l’esquèrra vertadièra vòl un poder fòrt, se fot de l’òme, de la seuna cultura, de l’istòria, eca. Vòl bastir una societat nòva, lo demai compta per pas res.Per acabar, l’occitanisme, si vòl viure, a de comptar sus las seunas fòrças. Serai caluc de pensar que qualqu’un va pagar per s’aflacar. Mai aquò se sona lo liberalisme…

40 Re: Europencas de dimentge le Mer 10 Juin - 17:27

fredoc


Occitan Warrior
Occitan Warrior
Cyril06 a écrit:

Quatrenament, pensi que la vèra democratia sería de considerar lo vot blanc com' una votz: vedríes coma l'abstencion non sería tant massiva!

Jo que pensi que la vertadèra democracia que seré purmèr de respectar lo vòta (cf referendum pertocant la constitucion europèa). Per'mor quan los politics an decidit d'acceptar qq'arren, que siam d'acòrd o pas, de tota faiçon que serà acceptat.
Colèra


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

41 Re: Europencas de dimentge le Mer 10 Juin - 20:00

zo


Occitan Warrior
Occitan Warrior
A arf: +1. 10 sus 10 !

Soi completament d'acòrdi amb tu, tots los estudis sociologics sus la question o pròvan.

A tots: Fasiá longtemps qu'èri pas intervengut sus aqueste forum, mas aqui francament m'en pòdi pas empachar de tant que lo nivèl del desbat es ridicul.
"Vòli far viure l'occitan aladonc non vòti pas o vòti per una escura lista que quitament a pas sos bulletins dins los oficis de vòta."

Solide qu'aital cambiarètz las causas.Se los franceses capitan pas a tuar la lenga, se pòdon totjorn apevar suls occitanistas! Uèlhs al Cèl

42 Re: Europencas de dimentge le Mer 10 Juin - 20:09

LaurençD


Occitan Warrior
Occitan Warrior
jfrieux a écrit:
I a de saber que al Parlament europenc, tot se fa a la discutida ; las decisions son votadas per lo PPE e lo PSE, amassa, sus una version comuna. Aquò es pas França, amb la seuna cultura bipolara. Alara, parlar d’esquèrra e de dreita, es un pauc complicat. Los partits socialistas europencs son pauc o pro liberals, i a que de veire çò que votèron desempuèi vint ans.
De segur qu'al parlament de França es fòrça mai simple : dreita e esquèrra s'insolentan, s'estripan, e que te raqui dessus, coma aquò l'elector n'a per sos sòus. E a la fin es lo tèste del governament qu'es adoptat, tot lo mond a l'estanquet !


_________________
http://lacabraelolop.canalblog.com/

43 Re: Europencas de dimentge le Mer 10 Juin - 20:18

fredoc


Occitan Warrior
Occitan Warrior
zo a écrit:A arf: +1. 10 sus 10 !

Soi completament d'acòrdi amb tu, tots los estudis sociologics sus la question o pròvan.

A tots: Fasiá longtemps qu'èri pas intervengut sus aqueste forum, mas aqui francament m'en pòdi pas empachar de tant que lo nivèl del desbat es ridicul.
"Vòli far viure l'occitan aladonc non vòti pas o vòti per una escura lista que quitament a pas sos bulletins dins los oficis de vòta."

Solide qu'aital cambiarètz las causas.Se los franceses capitan pas a tuar la lenga, se pòdon totjorn apevar suls occitanistas! Uèlhs al Cèl

Alavetz, mercés hèra, mercés hòrt au nom de tots per aver hèit tornar pujar lo nivèu deu noste praube debat.
Idèa
E Zo, la lutz qu'esté !


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

44 Re: Europencas de dimentge le Mer 10 Juin - 22:16

Arf


Occitan Warrior
Occitan Warrior
fredoc a écrit:
D'abòrd, n'èi pas cambiat los tons mots, que'us èi copiats. Libre qu'ès d'afirmar que ne'us as pas dits .

Copiats !? E d'on ? Que caricaturas era mia pensada en me hant diser que tots eths vielhs votan a dreta i tots eths joens a esquerra, i en suberpes qu'as eth front de diser qu'as copiat un post men !

fredoc a écrit:
Dusau, ne podem pas har d'ua tendéncia ua vertat absoluda. Donc ne podem pas afirmar que si l'UMP arriba en cap qu'ei per'mor los joens o los praubes n'an pas votat.


Qu'ei ua explicacion qui esto avançata, i que torni prener ath men compte. Ne'n hei pas ua vertat absoluta.
D'autes elements qu'an poscut contribuir ara victoria dera dreta, com per exemple era paur dera crisi economica. En periode dificile eth monde que pensan, d'un biaish pro estonant per jo, qu'un govern de dreta sabera mielher vira'us de mau.

fredoc a écrit: E que pensi tanben que las classas popularas (segon los sondadges) avèvan votat entà Chirac en 97. De verificar.
Qu'eras classas popularas avossen votat enta Chirac en 1995 aquo qu'ei segur, sustot que haso campanha sus eth tema dera fractura sociau (abans de pethmudar autanleu arribat ath poder) ; qu'avossen votat majoritariament enta eth, que sere mes estonant.

fredoc a écrit: Jo que pensi que la vertadèra democracia que
seré purmèr de respectar lo vòta (cf referendum pertocant la
constitucion europèa). Per'mor quan los politics an decidit d'acceptar
qq'arren, que siam d'acòrd o pas, de tota faiçon que serà acceptat.

+ 1

Cyril06 a écrit:Promierament, degun non sabi qu s'es abstengut: bessai de rics tamben...
Segondament, lu rics non son toi vièlhs, e lu vièlhs non son toi rics...
Terçament, lu rics non son toi de drecha e lu paures non son toi de seneca...
Arrens n'a dit eth contrari...
Mes eras purmeras constatacions qu'amuishan qu'er'abstencion esto mager en ço deths joens, deras classas popularas i mejanas, qu'en ço deths vielhs, eths quaus, per diferentas rasons, an tendencia a votar mes a dreta qu'era resta dera populacion.

jfrieux a écrit:
I a de saber que al Parlament europenc, tot se fa a la discutida ; las decisions son votadas per lo PPE e lo PSE, amassa, sus una version comuna. Aquò es pas França, amb la seuna cultura bipolara. Alara, parlar d’esquèrra e de dreita, es un pauc complicat. Los partits socialistas europencs son pauc o pro liberals, i a que de veire çò que votèron desempuèi vint ans.

Que soi d'acord. Que renvia tanben ath messatge de Matieu sus ço que vou diser "esquerra" uei.
Era seguita deth ton post qu'ei mes subjecte a polemica Ironic

45 Re: Europencas de dimentge le Mer 10 Juin - 22:45

Arf


Occitan Warrior
Occitan Warrior
D'apres un sondatge eth dia deth vote :

  • abstencion (mes blanc i nul) per atge :
18-24 : 72 %
25-34 : 70 %
60 ans i mes : 42 %


  • abstencion per categoria socioprofessionau :
CSP+ : 65 %
CSP- : 76 %

Que s'i pot veder tanben pagina 14 qu'eths joens votan majoritariament peths partits dits d'esquerra (eths ecologistas qu'i son tradicionaument restacats) i eths vielhs peths partits de dreta.

46 Re: Europencas de dimentge le Jeu 11 Juin - 8:54

Zengi


Trobador !!
Trobador !!
"Vòli far viure l'occitan aladonc non vòti pas o
vòti per una escura lista que quitament a pas sos bulletins dins los
oficis de vòta."

Solide qu'aital cambiarètz las causas.Se los franceses capitan pas a tuar la lenga, se pòdon totjorn apevar suls occitanistas!

Jà purmèr, supòrti pas que jutjes lo men vòte. Qui ès per parlar de "lista escura" ?
Los militants d'aquera lista "escura", que'ns pòden véder tot dia per carrèra a lutar per la lor lenga e per lo lor pais, e ei pas lo cas deus "militants" deu PS o de qué que sia.
E eths serén mensh legitimes per presentar lo lor projècte politic ?

Jo disi pas arren aus occitanistas (99%) qui pensan enqüèra cambiar las causas per Occitania en votar per partits franchimands.

E totun, qui a tuat lo projècte occitan politic ? lo CULTURALISME e la tactica merdica deus occitanistas de las annadas 80 qui pensèn que la solucion èra dab Mitterrand e lo PS. Quin resultat uei !

Mes quant d'annadas d'umiliacion, de regression, de sosmission e cau aus occitans per compréner que la solucion se tròba pas dens los partits francés, ni dens Euròpa ?

La Republica jacobina ei la natura mèma de França. Shens aqueth sistèma, i a pas mei de França.
Que soi utopista ? Mes que'u cau estar mei que jo per pensar que França pòt fonccionar autadament.

Cò que nos an portat 50 ans d'occitanisme "a la francésa" ?
Las calandretas ? Plan, mes quant de mainats escolarizats en lenga nosta ?
L'occitan per las carrèras ? Ne'n i a pas o quasi pas.
Occitan a la television ? Quasi nat.
Occitan dens los servicis publics ? Nat.
Ua autonomia per Occitania ? Ne'n parli pas ..

Contunhatz de votar per los franchimands "uberts aus regionalismes", se vos hè plaser.

Jo me senteishi pas mei francés. Crèdi pas en ua França multicuturau qui arrespècte las culturas e los pòbles per'mor arribarà pas jamei.

N'èi pas de solucion miracle, mes ne'n espèri pas de la part de las autoritats franchimandas, qui pòden hicar en plaça mesuretas mes qui sauvaràn pas la lenga, manca se la pression populara ei hòrta e multipla.
A nos de participar a la conscientizacion de la populacion, de pesar sus l'opinion publica e de perpausar ua vertadèra alternativa politica au sistèma franchimand.

Estar acusat de tuar la lenga en non votar pas per partits franchimands, mes quina vergonha ..

47 Re: Europencas de dimentge le Jeu 11 Juin - 9:38

Mertyl


Occitan Warrior
Occitan Warrior
Pr'aquò n'i un d'endrech ont l'occitan es fòrça e serà fòrça utilizat, avèm l'astre d'èsser un país ric e d'aver un accès a internet e donc de poder difusar la lenga per aqueste biais.

Es segur qu'es pas coma aver d'occitan a la television mas es ja plan..

http://www.occitanews.com

48 Re: Europencas de dimentge le Jeu 11 Juin - 9:50

fredoc


Occitan Warrior
Occitan Warrior
Que voi hornir ua remarca a Zo entà perlongar lo beròi argumentari de Matieu (quin astre an a Ràdio país d'aver un jornalista com tu ! ).

Donc, que parlas (Zo) de partits politics qui defenden l'occitan. Que supausi que parlas d'Euròpa Ecologia qui avèva engatjat un representant deu POC.

Segon tu, si èi plan comprés, tot defensor de l'occitan que deveré votar tà eths per'mor que son los sols a aver representants deu medish movement. Ok, que's pòt defénder.

Mes alavetz, si un dia non son pas mei los de gaucha mes los de la dreta estrema qui ac hèn. E tieneràs lo medish devís ?

E òc, petit, qu'ac cau tot imaginar abans de s'engatjar sus ua via eslurradissa. Adara, e pòts resoóner a la mea question ?


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

49 Re: Europencas de dimentge le Jeu 11 Juin - 13:42

Cyril06


Occitan Warrior
Occitan Warrior
fredoc a écrit:Jo que pensi que la vertadèra democracia que seré purmèr de respectar lo vòta (cf referendum pertocant la constitucion europèa). Per'mor quan los politics an decidit d'acceptar qq'arren, que siam d'acòrd o pas, de tota faiçon que serà acceptat.
Colèra

As completament rason!!! L'adopcion dau Tratat de Lisbòna per via parlamentaria non es ren d'autre qu'una violacion flagranta e vergonhosa de la noastra libertat promièra: lo dréch de vote!!! Demai, quand un país membre voata còntr' un tratat, es de seguida considerat com'una parià, lo marrit elèva de l'Euròpa, ò pejo, lo canardon gambin... Era lo cas dau Danemark en 1992 e de l'Irlandía en 2001 e l'anada passada.

Matieu a écrit:Cò que nos an portat 50 ans d'occitanisme "a la francésa" ?
Las calandretas ? Plan, mes quant de mainats escolarizats en lenga nosta ?
L'occitan per las carrèras ? Ne'n i a pas o quasi pas.
Occitan a la television ? Quasi nat.
Occitan dens los servicis publics ? Nat.
Ua autonomia per Occitania ? Ne'n parli pas ..

+1! Es exactament cen que pensi! Toi lu principals partits francés son jacòbins e ròbespierristas. Donca vau pas la pena d'esperar quaucu amelioraments dai partits tradicionals.

Arf a écrit:D'apres un sondatge eth dia deth vote :

abstencion (mes blanc i nul) per atge :

18-24 : 72 %
25-34 : 70 %
60 ans i mes : 42 %

Abstencion per categoria socioprofessionau :

CSP+ : 65 %
CSP- : 76 %

Per la classa d'atge sieu d'acòrdi, mas per li categorias socioprofessionali, li a pas totplen de diferéncia.



Dernière édition par Cyril06 le Jeu 13 Aoû - 0:30, édité 1 fois

50 Re: Europencas de dimentge le Jeu 11 Juin - 15:09

Einucent


Occitan Warrior
Occitan Warrior
Ieu votèi per Europe Écologie, per 'mor que correspond a l'engatjament qu'ai pogut aver dins lo partit davant de militar essencialament per Occitània. Qu'es pas un acte de sosmeson a degun « capitalisme verd », suèi conscient que tots dins lo combo pertejan pas mos punts de vusdas en mena d'organisacion sociala.
L'autra lista que me semblava dins 'na vertadiera logica europenca era lo MoDem, e queraque ajan l'onestetat de caucionar pas la deicha de Sarkozy, son denguerras mai luenh de quò que vòle.
Tots los autres, sens deguna excepcion desmeritarian d'èsser tirats daus burèus de votacion tant fan 'na campahnha fòra subject, de la mena « franco-française ».

Me sembla importent que i aja daus candidats preocupats per la question occitana (cite pas los autres países) dins mantunas familhas politicas. Chausir son vòte en foccion de lor presença pòt menar a votar per un partit qu'a un programe conrtradictòri amb las nòstra eperanças. Fredoc a rason de ò dire.
Me sembla quitament que qu'es quela logica que permetèt au Mitterrand d'endofar lo moviment occitaniste (tot anava plan n'i avia un que prometèt la Luna !)

Me sentisse pas gès Françès Matieu, seriá puslèu de ton eivis. Mas si vau au fons de la logica, m'interdisse de perticipar au suffratge universau dins lo casdre de la République Française. Fau lo minimum de compromès en considerir qu'es lo biais qu'avèm de nos esprimir, amai tras daus pertits de logica exagonala, vòle ben creire qu'es pas satisfasent.

http://einucent.wordpress.com

51 Re: Europencas de dimentge le Jeu 11 Juin - 17:30

jfrieux


Occitan Warrior
Occitan Warrior
Adieu Einucent, soi a pauc prèp d’acòrdi sus la teuna primièra part. Los verds e los democratas-umanistas son de partits federalistas. La plaça de l’occitan es ma fe fòrça pichona : lo numerò nòu de Guilhèm Latrubesse e l’ausida de La Mal Cofada a l’acamp de Lila, o l’entrevista de Francés Vairon sus radio-occitania son simbolicas, e mai aquò faguèt plaser.



Aprèp, i a de faire atencion, i a una doga entre sosténer la lenga e voler l’indepéndencia. En França, se pòt pensar los doas van ensems, dins lo monde, se pòt viure dins un pais, e parlar dins una autra lenga ; pensi per exemple a los Estats Units. Es un pais fòrça liberal, aquò mena a aquela question, de saber si una indepéndencia occitana se pòt faire sens fotre debàs çò qu’a bastit França : la Seguretat Sociala, lo dreit de los trabalhadors, tota la pecunha qu’arriba. I a de pensar que Catalonha, Flandes o Padanha son de pais rics.



Per acabar, Einucent, que vòl dire « endofar » lo moviment occitanista ? cercaguèri un pauc, dins Alibert, Tot en Un, la tela.. trobèri pas res. Voliás dire fotre al cuol, o puslèu se trufar ?

52 Re: Europencas de dimentge le Jeu 11 Juin - 22:44

Arf


Occitan Warrior
Occitan Warrior
Matieu a écrit: Qui ès per parlar de "lista escura" ?

Ne serei pas autan severe com Zo enas conclusions, mes que pensi qu'ua lista qui cau imprimir si medish eth bulletin s'amerita totun que la qualifiquen d'escura. En feit ne coneishevi mema pas eth concepte. En aqueras condicions quin vos har un resultat aute que minuscule ? Shens parlar deth risc de nullitat deths votes, qui esto vertader. Qu'ei de bona guerra. Qu'esperi que seratz mes plan organizats eth prochen cop. Partir tath combat politic qu'ei plan, mes ana'i shens armas enta ha's espotir tanleu sortit dera trencada, ne serv pas d'arren.

Einucent a écrit:L'autra lista que me semblava dins 'na vertadiera logica europenca era lo MoDem, .
Vertat, qu'ei dilheu eth partit tradicionaument mes european, o europeanista. Mes justament que m'aveva semblat endener qu'augan Bayrou aveva essajat de har d'aqueste escrutin un vote sanccion contra NS. Qu'esto ua error. Com d'autas qui haso, que la pagara car.

53 Re: Europencas de dimentge le Ven 12 Juin - 0:45

Einucent


Occitan Warrior
Occitan Warrior
jfrieux a écrit:Aprèp, i a de faire atencion, i a una doga entre sosténer la lenga e voler l’indepéndencia. En França, se pòt pensar los doas van ensems, dins lo monde, se pòt viure dins un pais, e parlar dins una autra lenga ; pensi per exemple a los Estats Units.
Sem pas dins la situacion daus latinos imigrats aus USA, sèm chas nos, e lo françès nos es estats impausat. Los afars d'Occitània se deslimitan pas a 'na question de lenga. Los Irlandès an lor país conegut e pratican pas tots lo gaelic. Voldria pas de 'na Occitània ente las gents parlan mas an totjorn l'obligacion morala de se sentir francès.
…çò qu’a bastit França : la Seguretat Sociala, lo dreit de los trabalhadors, tota la pecunha qu’arriba.
L'i suèi estachat ieu tamben en tant coma sindicaliste, au mesme títol que l'equivalença daus diplòmes ò lo dreit a l'avortament. Quela mena de chausas poden èsser seguradas per l'union europenca, França a pas lo monopòle dau modèl sociau.
Que vòl dire « endofar » lo moviment occitanista ?
Mitterand colhonèt las gents que pensavan ad'un perlonjament politic de las luchas coma lo Larzac. Dempuèi esperèrem 30 ans per calclular de las vertadieras protesta, e d'engueras « per la lenga »


Arf a écrit:…pensi qu'ua lista qui cau imprimir si medish eth bulletin s'amerita totun que la qualifiquen d'escura. En feit ne coneishevi mema pas eth concepte.
L'estampatge daus butletins es daissat a la charja daus candidats, quò costa un braç e quò pòrta tòrt a las depensas de campanha. D'engueras urós que aura siá acceptat quèu biais de far.
Einucent a écrit:L'autra lista que me semblava dins 'na vertadiera logica europenca era lo MoDem, .
Vertat, qu'ei dilheu eth partit tradicionaument mes european, o europeanista. Mes justament que m'aveva semblat endener qu'augan Bayrou aveva essajat de har d'aqueste escrutin un vote sanccion contra NS. Qu'esto ua error. Com d'autas qui haso, que la pagara car.
Se mesntaja la possibilitat de 'na candidatura presidenciala en 2012 lo típe…

http://einucent.wordpress.com

54 Re: Europencas de dimentge le Ven 12 Juin - 8:01

Zengi


Trobador !!
Trobador !!
En aqueras condicions quin vos har un resultat
aute que minuscule ?
Minuscule ? 6% deus vòtes en Euskal Herria totun.
Lo dia quan ua lista occitanista e anticapitalista arribarà a d'aqueth percentatge, qu'auràm hèit un gran pas.

Qu'ei de bona guerra. Qu'esperi que seratz mes plan
organizats eth prochen cop. Partir tath combat politic qu'ei plan, mes
ana'i shens armas enta ha's espotir tanleu sortit dera trencada, ne
serv pas d'arren.
Qu'es charmant, mes ne semblas pas saber la realitat d'ua campanha atau. Sabes quant còsta d'enviar bulletin a la populacion d'un quart d'Exagòne ?
N'ei pas ua causida tactica de la part de l'esquèrra abertzale, simplament ua obligacion financèra.Qu'an distribuït bulletins en Iparralde sancèr, qu'ei jà pesuc.

55 Re: Europencas de dimentge le Ven 12 Juin - 8:44

zo


Occitan Warrior
Occitan Warrior
fredoc a écrit:

Alavetz, mercés hèra, mercés hòrt au nom de tots per aver hèit tornar pujar lo nivèu deu noste praube debat.
Idèa
E Zo, la lutz qu'esté !

Diable Content HAHAHA! Que soi fièr de ieu! Diable Content As remarcat? Ara se parla de politica vertadièra, pas sonque d'utopia (mas ai pas res contra Thomas Moore, entendem nos plan!).

Lo jorn que l'extrema drecha sostendra las lengas minoritarias e que l'esquèrra o farà pas pus, los grapalds seràn pialuts Risolet Progressiu . E ieu votarài per l'esquèrra ça-que-la, qu' a mon vejaire i a de causas mai importantas que l'occitan dins la vida.
Mas pel moment i a Europe écologie que son programa me conven a tot punt de vista (avètz legit "l'économie verte expliquée à ceux qui ne la connaisse pas"?), qu'a una portada politica reala al nivèl nacional e europenc. Doncas, esiti pas.
E cadun pòt votar çò que vòl, aquò me derenga pas, mas vos venètz pas planher se las vòstras idèas non son pas representadas quand votatz pas. Diable Content Soi rufe benlèu, mas avètz pas que çò que meritatz! Diable Content

56 Re: Europencas de dimentge le Ven 12 Juin - 8:55

Zengi


Trobador !!
Trobador !!
E cadun pòt votar çò que vòl, aquò me derenga pas

Waw ! Mercés gran mèstre ! Mercés per estar tant generos dab nosautis !

57 Re: Europencas de dimentge le Ven 12 Juin - 10:20

fredoc


Occitan Warrior
Occitan Warrior
zo a écrit:
fredoc a écrit:

Alavetz, mercés hèra, mercés hòrt au nom de tots per aver hèit tornar pujar lo nivèu deu noste praube debat.
Idèa
E Zo, la lutz qu'esté !

Lo jorn que l'extrema drecha sostendra las lengas minoritarias e que l'esquèrra o farà pas pus, los grapalds seràn pialuts Risolet Progressiu . E ieu votarài per l'esquèrra ça-que-la, qu' a mon vejaire i a de causas mai importantas que l'occitan dins la vida.
Mas pel moment i a Europe écologie que son programa me conven a tot punt de vista (avètz legit "l'économie verte expliquée à ceux qui ne la connaisse pas"?), qu'a una portada politica reala al nivèl nacional e europenc. Doncas, esiti pas.

Alavetz que't contradises completament. Si tu vòtas un partit per'mor las soas ideas que son toas, que poderés acceptar que los autes ac hàcian tanben. Sias aunèsta, ne't harà pas nat mau.
N'ès pas prèste a tot entà la lenga nosta, e lavetz qu'es parièr entà nosautes.

E entà arrebombir sus çò qu'an dit Einucent e Matieu, e qu'anarèi mei luenh, jo que me'n foti de la lenga occitana.
Que m'expliqui : que parli tot dia occitan au tribalh, dab amics, en famillha, dab vesins...e aci, suu fòrum. Que militi tostemps en anant quan poish tà las manifestacions, hèstas, seradas, activitats qui pertòcan a la lenga e la cultura nostas.
Alavetz, n'èi pas nada leçon a recéber de las parts de politicians de Paris qui son d'acòrd entà mantiéner lo "patés" per'mor "c'est trop marrant quand vous vous parlez en béarnais, on comprend rien, mais c'est joli à entendre. Ca fait authentique."
Malaut Regolant

Lo sol partit qui harà un dia quauqu'arren ertaderament entà las lengas regionaus que serà un partit autonomista, lhèu independentista. Pas los socialistas, ecologistas, modemistas, gauchistas, dretistas, nacionalistas...

E enfin, que voleri anar enqüèra mei luenh. As dejà pensat que los qui ne vòtan pas poderén non pas estar d'acòrd dab lo sistèmi politic en plaça ?
E devem obligatòriament estar democrata o republican ?
Èm obligats d'acceptar las modalitats deu vòta com lo coneishem uei ?

E i as pensat ?

E t'avisas qu'ua decision importanta tien a la mieitat mei ua persona ? N'ei pas de mau viver açò ?


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

58 Re: Europencas de dimentge le Ven 12 Juin - 11:21

zo


Occitan Warrior
Occitan Warrior
E enfin, que voleri anar enqüèra mei luenh. As
dejà pensat que los qui ne vòtan pas poderén non pas estar d'acòrd dab
lo sistèmi politic en plaça ?
E devem obligatòriament estar democrata o republican ?
Èm obligats d'acceptar las modalitats deu vòta com lo coneishem uei ?

E i as pensat ?

A ben non ten , i avia pas pensat, que soi trop colhon per aquo probable... Uèlhs al Cèl
Doncas, se te seguissi plan, per cambiar lo sistem, digam pas res. Sufis de s'exprimir pas e tot anarà melhor.
Soi desolat mas quand vesi l'istoria de la democracia, estimi que val lo cop de batre per ela.

59 Re: Europencas de dimentge le Ven 12 Juin - 12:40

Einucent


Occitan Warrior
Occitan Warrior
De las modalitats mai ò mens democratica, n'i a, amai d'unas que son de las bravas panatalonadas.

Quora militèi dins « Chiche », l'orga de jòunes daus Verds e daus Alternatius (aurua suèi pus jòune), aviam per modalitat de comptar los butletins blancs, si despassavan la meitat, se comptava pas mai luènh e tornavan votar amb d'autras prepausicions dobadas au compromès. Quora la votacion es de bon comptar, 'na decision importenta, coma los estatuts (e qu'es lo mesme cas per un texte constitucionau) devia èsser validada amb 'na majoritat qualifiada : 2/3 daus inscrichs. Si de non era pas pro representatiu.

Per elegir lo chap d'Estat en França la majoritat absoluda ,coma lo disès Fredoc, es de 1 vote + 50% daus exprimits. Quò fai que los 82% de Chirac en 2002 volen ren-dire.

Per chausir los Euro-deputats qu'es un sistème a la proporcionala au reste lo mai fòrt, coma per los conselh universitaris. Quò permet suvent a las testas de lista de passar mas qu'es pas totjorn 'na bona chausa,quò permet tamben daus elegits d'extresma-drecha.
Si prenèm un cas simple de 5 sètis de furnir amb 50 vòtes exprimits, fau 20%, siá 10 vòtes, per aver un sèti. Avèm 4 listas per se los percir.

Listavòtes 1er sèti resta 2nd sèti resta 3enc sèti resta 4enc sèti resta 5enc sèti elegits
AMators d'Occitan Radicau 24 (48%) x 14 x 4 4 4 2
Braves Occitans Fotralhèrs 13 (26%) 13 13 x 3 3 1
Comitat d'Union Occitan Liberau 8 (16%) 5 8 8 x - 1
Desgotents Exejètes Trantolhants5 (10%) 5 5 5 5 x 1

Vesèm que lo DET se nauça per prenèr lo darrièr sèti allèra qu'es 5 còps mens representatiu que l'AMOR. Meitat Chen Meitat P

[edit]
http://fr.wikipedia.org/wiki/Scrutin_proportionnel_plurinominal
http://fr.wikipedia.org/wiki/Paradoxe_de_l%27Alabama
per daus exemples amb daus chifres mai seriós.

http://einucent.wordpress.com

60 Re: Europencas de dimentge le Ven 12 Juin - 17:06

fredoc


Occitan Warrior
Occitan Warrior
Einucent a écrit:

Per elegir lo chap d'Estat en França la majoritat absoluda ,coma lo disès Fredoc, es de 1 vote + 50% daus exprimits. Quò fai que los 82% de Chirac en 2002 volen ren-dire.



E piéger : si lo president es elegit mercés a 10 000 001 votz contra 10 000 000 au son adversari au segond torn, que serà lo president. E la mieitat mensh 1/2 persona que serà obligada de subir çò qui ne vòl pas.

Bon sistèmi ?


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

61 Re: Europencas de dimentge Aujourd'hui à 4:39

Contenu sponsorisé


Voir le sujet précédent Voir le sujet suivant Revenir en haut  Message [Page 2 sur 3]

Aller à la page : Précédent  1, 2, 3  Suivant

Permission de ce forum:
Vous ne pouvez pas répondre aux sujets dans ce forum