Visita de Niça

Adieusiatz,

Pensi anar visitar Niça en junh e coneissi pas cap la vila e lo canton. Cerqui d'informacions sus las causas e los luòcs de veire e mai que mai las causas que se tròban pas dins los guidas toristics. Senon, m'agradariá de saber ont es l'endrech melhor per tastar de soca ! (mas tanben per manjar quicòm mai !). E en delà de Niça, a l'est, quines son los cantons de veire ? Ai pensat a Menton, ... S'avètz de conselhs o d'idèias, esitetz pas !

Vos mercegi,

Devèrs l'est, ti fau anar veire Sospel, la vau de Roia, Saorge...

A Nissa, la vièlha vila, qu'es agradiva de veire subretot per quauqun que parla occitan. La còla de Cimiez ambé son pargue dei bèus.

N'i a de cauvas de veire, depende se seràs a pè, se siás puslèu mar ò montanha...

Per la sòca, emb un pichin rosat... "Pipo", tot lo monde conois davau!

Lacuzon a écrit:Adieusiatz,

Pensi anar visitar Niça en junh e coneissi pas cap la vila e lo canton. Cerqui d'informacions sus las causas e los luòcs de veire e mai que mai las causas que se tròban pas dins los guidas toristics. Senon, m'agradariá de saber ont es l'endrech melhor per tastar de soca ! (mas tanben per manjar quicòm mai !).

Que si tròvan pas dins lu guidas toristics? Es dificil perqué lu melhors endrechs de Nissa e de lo sieu canton si tròvan esquasi toi dins lu guidas...

Ti poadi conselhar óubligatòriament la vièlha vila, don poderàs assajar la socca, la pissaladièra e la vertadièra saladeta nissarda emb'un veire de rosat. Ti propòsi tambèn de vèire lo poart, la Promenada dei Inglés e sobretot lo jardin botanic de la coala dòu casteu que si tròva subre lo poart e que domina la Baia dei Anges: d'ailà poderàs vèire tot lo panorama de la vila.

Li a tanbèn lo Mont-Bòron, plus a l'èst. Poades anar vèire lu quartiers nòrd: Cimiez, Ray, Sant-Maurice... A Jan Medecin si tròva una bèla basilica blanca: Noastra-Dama.

A l'oèst de la vila si tròva lo parc Phoenix, qu'es tanbèn un jardin botanic embé de bèstias sauvatgi, ma non m'agrada foarça perqué son pas liuri e mi fa mau de li vèire dins li gàbias!

Donca, coma véhes, li a totplen de cauas da vèire.

E en delà de Niça, a l'est, quines son los cantons de veire ? Ai pensat a Menton, ... S'avètz de conselhs o d'idèias, esitetz pas !

Vos mercegi,

A costat de Nissa li a de bèli vilas: à l'oèst Cannes, Antibol (la vièlha vila) e Théoule/Mar (sobretot per la beutat dòu paísatge). A l'èst li a Sant-Jan Cap Ferrat, Monegue e Menton (don si tròva una foarça polida vièlha vila).

Non dobligar de visitar lo rèire-país: lo Palhon, l'Esteron, la Vesubia e sobretot li montanhas dòu Mercantor se ti rèsta de temps. La rota es longa ma vau la pena de la far!

Vos mercegi !