OCCITANIA !! Forum


Vous n'êtes pas connecté. Connectez-vous ou enregistrez-vous

Lo Dalon

Voir le sujet précédent Voir le sujet suivant Aller en bas  Message [Page 1 sur 1]

1 Lo Dalon le Jeu 7 Juin - 12:32

Danís

avatar
Adjudant
A la frontiera entre la Dordonha e la Coresa se tròba un daus luecs los mai simbòlics d'Occitania. Mas sei segur qu'aqui lo coneissetz pas. Una pichòta presentacion en imatjas s'impausa.



Coma vesetz, lo luec es ara privat e aparten a una familha. Avem dau mau a creire, en veire quela maison esnòb, qu'a sa plaça se teniá un abadia, e una de las mai grandas jamai construsidas sus lo territòri frances.

Un pauc d'istòria :

Lo Dalon (entau s'apela) siguet construsit en 1114. Siguet la prumiera abadia consacrada per los Cistercians en Peirigòrd (en 1162). Lo centenat de monges que i vivián (es fòrça a l'espòca) ganhavan de sòus de lurs expleitacions agricòlas o peschairitz. Aviá la particularitat d'aver de las salinas atitradas en Charenta, e fasián venir especialament la sal d'Angolesme en chareta...
En 1404, l'abadia se tròba dins la lista daus "monasteris de lenga d'òc". La seguida de l'istòria dau Dalon es facha de destruccions, de reconstruccions, de novelas destruccions,...jusinca la Revolucion. Mas contrarament a d'autras abadias, qu'es pas la Revolucion que tuet lo Dalon (puei qu'un nòble parvenguet a protegir lo luec), mas l'Empire. En 1811, lo Dalon, vengut "bien public", es destrusit e vendut peira per peira.
En 1920 una rumor ditz que lo miliardari american Rockfeller ensaia de tornar montar l'abadia per lo Cloister Museum de New York. Degun poguet jamai dire se qu'era la vertat, los papiers dau merchant corresian que 'chaptet totas las peiras monumentalas de l'abadia sigueren jamai tornats trobar...
Mas dins los vilatges a l'entorn se disiá jusinca fai pas longtemps que las peiras "partissián per America"...
I a pas beucòp d'arqueològues que son venguts veire lo luec. La rechercha la mai importanta parvenguet nonmas a definir las limitas istoricas dau Dalon e a decubrir daus còrs de romieus (emb la coquilha a l'entorn dau còu).

Çò que vene de dire es la partida istorica de l'afar. Avant de passar a la partida mitica, vos daisse bufar sus quauquas fòtos (emb legenda) qu'ai pres sus plaça.



Dernière édition par le Jeu 7 Juin - 15:19, édité 3 fois

2 Re: Lo Dalon le Jeu 7 Juin - 13:28

Danís

avatar
Adjudant
Veiqui çò que demòra de mai "entier" de l'abadia. Vesem que, en rapòrt emb la talha granda de l'abadia a l'espòca, quelas doas archas representavan una partida ridicula de la totalitat. Ai compres qu'aviam perdut un fum de chausas...



Mas tròbe tot parier la nautor d'aquò impausanta, rapòrt emb çò qu'exista en abadia. Per relativisar un pauc, senhale que los 4 traucs carrats que vesem a mieja-nautor son la demòra d'un planchat, e donc d'un segond estatge. Se vei mielhs sus aquela :



Aqui dessus avem lo costat dreta de las doas archas d'avant. Veiqui l'interior :



Remarcaretz que demòra un pauc de pintura (en naut a dreta). Contrarament a çò que cresem, l'interior daus mònasteris era pas gris coma las peiras que lo compausen, qu'es juste que las pinturas an tendencia a partir emb lo temps. Vesem que i aviá quitament de las colors un pauc vivas (aqui de rotge, de jaune...)
I a au Dalon quauques braves chapiteus :






Mas coma beucòp de peiras dau Dalon, an servit a construsir de las bòrias a l'entorn, e quò lur balha un estil...especiau Meitat Chen Meitat P :



Per 'chabar la seria de fòtos, veiqui un monge en bois que se tròba dins la Gleisa de Senta-Tria, vilatge au quau aparten lo Dalon (canton d'Exciduelh) :



Dernière édition par le Jeu 7 Juin - 15:20, édité 1 fois

3 Re: Lo Dalon le Jeu 7 Juin - 14:32

Danís

avatar
Adjudant
Bon, ara, anem en venir a çò que nos interessa...
Sabetz que dins las "vidas" daus trobadors, se parla dau Dalon ? E òc, l'abadia siguet aparentament lo luec de retirada de Bertran de Born, lo trobador-guerrier que demorava a Hautefòrt (a vint kilòmetres dau Dalon, a vusda de nas. Aurai benleu l'ocasion de far un reportatge dessus, enfin dessus çò que demòra dau chasteu de Bertran, puei que un chasteu mai grand siguet bastit dessus a la Renaissença).
Los istorians son casi d'acòrd sus lo fach que Bertran de Born aja demorat aqui, mas demòra un dobte per çò qu'es d'un trobador mai conegut, mas tanben mai misteriós, qu'auriá aparentamen chabat, eu tanben, sa vita au Dalon : Bernat de Ventadorn (aqui tanben, lo chasteu de Ventadorn es pas fòrça luenh dau Dalon). La legenda ditz que los dos trobadors aurián quitament passat de temps ensemble a l'abadia (qu'es cronologicament possible).

E i son enquera. E òc, en 1914, a l'ocasion de traveus (podem pas vertadierament parlar de folhas arqueòlogicas, se mancava de professionalisme...), un obrier descobret una cripta, e un sarcòfage. A l'interior, trobet dos tipes, testas-viradas ("tête-bêche", en frances). S'agissiá de Bertran de Born e de son fraire, Constantin.
Los que l'an estudiat saben plan que tota lur vita los dos fraires se son menats una guerra tarribla (Bertran faguet empresonar Constantin), chascun voliá possedir los chasteus de l'autre.
E fin finala, l'abadia la mai richa dau Lemosin reconciliet dins la mòrt lo trobador e son fraire... (:lagrema: Ironic)

L'obrier prenguet paur, e leu-leu (aquò es un pauc una legenda), tornet cobrir lo trauc, entarrant la cripta, lo sarcòfages e los còrs dau trobadors...
Jamai diguet a degun l'emplaçament exact de la cripta. E lo proprietari actuau se garda plan de cherchar : faudriá destrusir sa maison per la trobar ! (mas io crese que n'en sap mai que çò qu'a ben vougut me dire, dempuei lo temps que demòra sus plaça : seisanta ans, tot parier !)

Una autra peça ven s'ajustar au mite. Un "gisanta" siguet enlevada d'un mur exterior de l'abadia (en frances se ditz un "enfeu"). Se tròba ara dins la gleisa d'un vilatge vesin (Boissuelh). Se ditz qu'aquela polida dròlla, chara ovala e mans juntas, es... Ameline de Born, filha de Bertran. Veiqui sa fòto (enfin, pas SA fòto, la fòto de son "gisant"...Uèlhs al Cèl) :





(Los pés en bas apartenen pas a Ameline, è, mas podiá pas me botar diferentament... e vene juste de me rendre compte de lur presencia......sei pas enquera un fotografe professionau...Bide Total )

Per 'chabar, un detalh, qu'a d'importança per lo que li en balha...(Confús) :



Qu'es aquò, qu'es aquò ? Aqui sem dins la sala capitularia, devenguda ara la sala de minjar daus proprietaris (...) e fòrça bien conservada (ia intéres, i a de monde que i viu, tot parier !).
Responsa :



UNA CROTZ OCCITANA ???

Non, benleu pas, mas enfin, au mens una "croix à 4 branches et 12 pommettes", simbeu benleu a l'origina de l'actuala crotz occitana...
Estranh, non ? Risolet

Es l'ora de laissar tranquiles los monges, los romieus, los trobadors, las vielhas peiras e tot 'quò... Quauques mòts avant de partir :



Pensar que jos aquela èrba que verdís repausen dos daus pioniers de la literatura occitana... Aquò te balha l'enveja de far lo trobador :


Ara no vei luzir solelh,

Tan me son escurzit li rai!

E ges per aisso no.m esmai,

C'una clardatz me solelha

D'amor, qu'ins el cor me raya!

E, can autra gens s'esmaya,

Eu melhur enans que sordei,

Per que mos chans no sordeya.

Prat me semblon vert e vermelh

Aissi com el doutz tems de mai !

B. de Ventadorn


Nòta : io ai profieitat d'una excursion en grop per visitar lo Dalon, mas fau saure que tot lo terrenh es privat, e que lo proprietari, tot simpatic e interessat qu'es (ai quitament vist de revistas occitanas dins sa biblioteca !) n'a pas mens 94 ans (!) e a passat l'atge de far visitar sa maison tots los diumencs a daus toristes ! Autrament dich, podetz i anar, mas fau telefonar e damandar a l'avança, e qu'es mielhs d'i anar en grop, per pas desrenjar tot lo long de la jornada.
Veiqui. Las fòtos an estada presas per un bon aparelh (numeric) e se i a un probleme, quò ven dau fotografe... parierament, seretz amable de pas distribuir tròp las fòtos, per l'eternala rason que s'agís d'una proprietat privada (io ai damandat la permission per las prener).

4 Re: Lo Dalon le Jeu 7 Juin - 17:56

Stephaliyah

avatar
Trobador de Comptador
Trobador de Comptador
Mei interessant tot aquo ! ^^

http://www.surein.org/forum/weblog.php?w=22

5 Re: Lo Dalon le Mar 19 Juin - 17:40

Le Guilhèm

avatar
Occitan Warrior
Occitan Warrior
Poce Levat
podes metre l'article sus wikipedia ?? Clucant

6 Re: Lo Dalon le Sam 23 Juin - 20:04

Tiston

avatar
Occitan Warrior
Occitan Warrior
plan brava presentacion de 'queu brave endrech!
e ai vist que t'avias las mesmas chaussuras coma ieu...de las NB (marcarai pas la marca en son entier, pas de publicitat!) Clucant

7 Re: Lo Dalon le Dim 24 Juin - 22:47

Danís

avatar
Adjudant
Escacalassant Escacalassant Escacalassant
Tene a senhalar qu'ai chanhat de chaussaduras... me sei aperçe gut qu'avián pas l'aer "freschas-freschas" sus la fòto, e efectivament... Geinat

Pensarai a botar l'article sus Wikipedia... quand trobarai lo temps de m'ocupar d'aquò...

8 Re: Lo Dalon le Mar 16 Oct - 19:59

Danís

avatar
Adjudant
Triste Triste Triste
Marrida novela (n'en fau tanben) : lo propiretari dau Dalon (lo de 94 ans) que me faguet visitar l'abadia, ven de morir.
Emb eu morís benleu la darriera chança de veire lo luec de vita de dos daus mai grands trobadors occitans.
Era lo darrier tipe que sabiá ente es la famosa cripta ente los còrs son enterrats (ara degun sap pas mai son emplaçament).
E era tanben un occitan (era quitament abonat a Lemouzi).

Veiqui, profitatz ben dau darrier reportatge fach sus queu luec, lo meu (per lo còp, regrete de pas esser anat mai luenh). Neutre



Dernière édition par Danís le Jeu 5 Juin - 15:04, édité 1 fois

9 Re: Lo Dalon le Mer 17 Oct - 6:15

EUP

avatar
Platussaire
Platussaire
tras qu'interressant, li anirai quand tornarai en Corresa.

http://www.esperaunpauc.eu

10 Re: Lo Dalon le Jeu 5 Juin - 14:39

Lafontan

avatar
Occitan Warrior
Occitan Warrior
Danís a écrit:


UNA CROTZ OCCITANA ???

Non, benleu pas, mas enfin, au mens una "croix à 4 branches et 12 pommettes", simbeu benleu a l'origina de l'actuala crotz occitana...
Estranh, non ?
Pensi plan qu'es una crotz occitana. On la pòt comparar amb las crotz de
12 brancas boletadas del cimentari de Montferrand dins Aude

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum