OCCITANIA !! Forum


Vous n'êtes pas connecté. Connectez-vous ou enregistrez-vous

debat sus TLT

Voir le sujet précédent Voir le sujet suivant Aller en bas  Message [Page 1 sur 1]

1 debat sus TLT le Mar 5 Juin - 11:59

ceba e roi


Guelha de bonda
Guelha de bonda
vaqui, en duas partidas, la gravacion d'ua charradissa que transmeto la cadea locau TLT (teletolosa), e qui pertoca uns tèmis qui serén estat de tota importància menter la campanha presidenciau qui ven d'acabar...
m'agrada susquetot la discutida generau de las ideias de nacion/nacionalitat occitana, be pensi que'ns seré nessit pregondir aquesta reflexion tad avançar drin sus l'ideia de societat que los occitans volem
ha òc, e au començament de la dusaua partida que tractan ua estona de l'ostal d'occitània de tolosa, e deu ligam qu'a aqueth ostau dab l'accion politica... important a ua setmana de l'amassada non ??
http://2.upload.dailymotion.com/related/2664014/video/x1ni49_tlt-debat-sur-loccitanie-part1/1
http://2.upload.dailymotion.com/related/2776185/video/x1nlu7_tlt-debat-sur-loccitanie-part2/1


_________________
La ceba fai bèure e manten la sed

2 Re: debat sus TLT le Mar 5 Juin - 15:19

occitaneta


Occitan Warrior
Occitan Warrior
Mouais...
Lo desbat sus la nacion occitana non'm sembla pas naveth... E au contrari que'm sembla que quauquas personas deu desbat han arrecular lo processus mei qu'auta causas. Lo problem qu'es enquera un desbat entaus pessimistes, entau mond qui non cred pas a la nacion occitana e aquo que'm gonfla e que'm truca hort...
Apres suu heit de pregondir la reflexion que'm sembla qu'es un drin aisit de diser aquo shens espiar a l'entorn... Que i a ja movements qu'an jetat lo desbat mes com d'acostume si non es pas lo POC o lo PNO n'existeish pas... En efeit, AAP que toca tostemps ad aqueth idea de quina societat entà lo mond occitan per exemple e lo heit de militar autan suu punt sociau que culturau e tot lo demora qu'ac prova plan. Ne voli pas enquera har la caganta, mes que cau tanben dubrir los uelhs e espiar çò qui's passa en Occitania e har bolegar las causas !!!
Perque totjorn s'estancar au POC e au PNO... Perque devem totjorn estar pessimiste...

3 Re: debat sus TLT le Mar 5 Juin - 15:41

ceba e roi


Guelha de bonda
Guelha de bonda
ei occitaneta, non t'enrabies pas atau !
de tot segur m'estanqui pas au poc o au pno, e preteni pas tanpauc que sia naveth lo subjècte de la nacion occitana ; m'agradaré trobar quauquarren suu tèmi dab lo punt de vista d'aap; benlèu tu sauras ont se pot trobar (suu web d'aap per exemple, i avèva lo texte debat occitan, mès ne's pot pas mei trobar oi ?).
puish que m'interessa tot aquesta mena de discutida sus la nacionalitat, pr'amor me sembra qu'ei un concèpte qu'a plan evoluat au hiu deu segle passat, e qui pòt estar tanplan un terrenh deus perilhos (i a pas sonqu'a véder de quin biais ei tractada l'ideia nacionau peus gus com sarkozi e tota la dreta radicau francesa) com ua valor mei que mei actuau e necessaria dens las nòstas societats.
après, segur que'u maine nacion/nacionalitat dèu pas estar l'unic d'estar pertocat dens la construccion de l'occitània, n'i a d'autes qui son autant o mei importants, au mensh deu mon vejaire: los de l'independéncia economica, deus poders legislatius e executius, de la gestion de l'agricultura e deu torisme, evidentament de la cultura e de la lenga, brèu deu poder viver e existir au pais
çò qui m'agradava dens lo subjècte de TLT, b'èra qu'estossen lhevats tèmis qui'm sembran pas d'estar pro sovint pertocat per las televisions o mei generaument per los pseudos debats democratics de l'estat francés; pas particularament lo punt de vista deu pno o poc, puslèu la via que's dubreish quan parlan d'ua volontat politica occitana sus ua cadea de television...


_________________
La ceba fai bèure e manten la sed

4 Re: debat sus TLT le Mar 5 Juin - 16:35

occitaneta


Occitan Warrior
Occitan Warrior
Rha mes ne soi pas enerviada !!!

Que't disi sonque que lo desbat presentat qu'es un drin (quite hort) reductor e que'm gonfla que l'idea de nacion occitana sia sovent considerada com falsa !
Apres de segur las ideas de nacion e de nacionalitat que son de las importantas mes ne deven pas estar tractadas d'un biais maishant com podem lo veder sus TLT. A mon viejaire n'han pas sounqu'ahortir l'ideau d'ua Occitania shans nacion e solament culturau... e divisida enter dus grops, lo POC e lo PNO (de segur, qu'es caricaturau...). De mei, lo sol ta diser quauqu'arren d'un drin contructiu qu'es lo Leclercq... Lo demora que son dens l'amassa conerias de las granas ... Per exemple, ne'm vas pas diser que lo heit de seguir l'exemple de la Catalunha Sud qu'es quauqu'arren de plan entà Occitania, que sabes plan autan com jo la merda que pot estar entaus catalans l'embaradura dens aquera autonomia ( apres de segur, qu'es ja aquo...). Breu, un desbat que poderé estar deus interessants si non estava pas tractar com aquo... si tots los actors de l'occitania i estava arrepresentats...
Adara, qu'es tanben a nosautes occitanistas de tribalhar enquera e enquera entad avançar totjorn mei aquera idea de nacion occitana e qu'es tanben a nosautes de construir e pregondir lo desbat entà en sortir quauqu'arren de constructiu entau pais noste...

Ah, e suu siti d'AAP que i a enquera un istòric deu desbat occitan ( sus la dreta de la pagina d'arcuelh). Après entau desbat sancèr que cau espiar dens los vielhs Har/Far e si n'acs as pas que podi espiar a casa si qu'arretrobi los numeros bons...

5 Re: debat sus TLT le Mar 5 Juin - 19:45

ceba e roi


Guelha de bonda
Guelha de bonda
e seré pas lo moment e lo lòc perfèctes entà pregondir drin lo desbat sus la nacionalitat (quina pretencion, ma mair!! Uèlhs al Cèl )?

lo teorician catalan Antoni Rovira i Virgili que pensa la nacion com lo conjunt de mantuns factors, objectius e subjectius (çò qui's pot tanben exprimir en parlar de factor naturaus e politics). Que classifica per exemple l'existéncia d'ua istòria, d'ua cultura, d'ua lenga, d'ua economia partatgada com los factors objectius/naturaus dens la realitat nacionau; los factors subjectius/politics que son mei mauaisit de percéber, principaument son contienuts dens la volontat deu pòble d'estar ua nacion, d'aver ua linha politica e un aviéner comun.

atau, los factors objectius/naturaus que sembran d'existir dens lo cas d'occitània, enqüèra que non sian pas vertadèrament dens ua pausicion de fòrça o dens ua situacion hèra assegurada (l'istòria comua qu'existeish, mès que demora mesconeguda taus non-occitanistes; la lenga tanben qu'existeish, mès que cad cada jorn mei dens la desbrembança -- desencusa'm occitaneta, segur que s'èri au ton costat, me clapatejarés o au mensh m'escridassarés d'estar tant pessimiste)
çò qui manca lo mei totun a la nacion occitana uèi-lo-dia que son los factors politics : jo tanben que credi a l'ideia d'autodeterminacion, mès cau confessar que l'autodeterminacion, o la volontat comua de viver un futur amassa en tant qu'occitans, n'ei pas sonqu'ua paraula dens la nòsta situacion.

De segur que'ns cau avançar e lutar dincs a qu'aparescan aqueths sentiments e volontats au cap deus occitans, mès au mon vejaire, avant qu'ua partida larga deu pòble d'òc, benlèu pas la majoritat mès au mensh ua fraccion mei significativa que non pas la d'uèi-lo-dia, e s'afirme occitana, parlar d'ua nacion occitana de vertat be seré ua error, ua enganada, qui riscaré de portar tòrt a l'occitanisme sancer en amagà'ns las condicions reaus qui mestrejan la consciéncia occitana.
De tot segur, Occitània que podré, que podrà estar ua nacion, que'n a l'istòria e lo potenciau, mès ne's pot pas arreclamar aqueth estatut uèi-lo-dia; clar qu'ei a vàder aquesta ideia dens cada còp mei d'esperits (i a pas sonque d'espiar las chifras de frequentacion de las manifestacions de Carcassona e de Bésiers entà véder quina evolucion s'ei hèita en 2 ans dens las consciéncias), mès, totjorn au mon vejaire, la nacion occitana n'existeish pas vertadérament uèi-lo-dia, pas com existeishen la nacion basca, la catalana, la corsica, la kurda, de qué sabi ??? e çò que disi n'ei pas un pessimisme arresignat, sonque çò que pensi d'estar lo mei correcte istoricament e objectivament, e de servir lo mielhs la nòsta causa de cap tà l'autodeterminacion....


_________________
La ceba fai bèure e manten la sed

6 Re: debat sus TLT le Mer 6 Juin - 0:06

occitaneta


Occitan Warrior
Occitan Warrior
L'idea de nacion qu'es tanben com l'as dit un partida subjectiva e aquera subjectivitat que podem diser qu'Occitania l'a... Aquo que's veder en espiar un drin lo mond a l'entorn de nosautes dens l'importancia e l'estancament que pot portar tau pais... De segur, n'es pas enquera clarament exprimit mes aquo existeish e qu'es a mon vejaire lo mei important dens l'idea de nacion.
Quitament qu'as rasons, los autes factors que son tanben important, ne vedi pas en que avançar l'idea (reau segon jo) d'ua nacion occitna podere estar dangeros entau pais noste ?
Après de segur, nosautes occitanistes non han pas arren entà consientisar un drin lo mond d'Occitania, aquesta idea nacionau n'avançara pas jamei...
Breu ( qu'es drin tard entà escriure un roman), segon jo, lo volem viure au pais es plan lo revelator deu heit qu'ua nacion occitana existeish, quitament aquo n'es pas enquera vertaderament clar dens las nostas ideas en tant que pòple...

E ne soi pas ua hemna de las violentas tanpauc, ni ua isterica... :conilh: :palhassa:

7 Re: debat sus TLT Aujourd'hui à 6:10

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum