OCCITANIA !! Forum


Vous n'êtes pas connecté. Connectez-vous ou enregistrez-vous

Nissa Rebela

Aller à la page : Précédent  1, 2

Voir le sujet précédent Voir le sujet suivant Aller en bas  Message [Page 2 sur 2]

1 Nissa Rebela le Lun 4 Juin - 14:25

Danís


Adjudant
Rappel du premier message :

Se tòrna parlar de las Jòunessas Identitarias.
Los Nissards son plan gastats puei que lo president frances daus JI, Philippe Vardon, se presenta a las legislativas E a las Municipalas, enfin, s'es pas en preson...
Sabetz que los JI an plan colonisats Novopress, e es encara una intrevista plan complasenta que vos perpausi de veire :

http://www.dailymotion.com/related/3580525/video/x1698h_philippe-vardon-pour-novopress/1

Sabe pas se quo a una fòrta valor, mas au mens vesem la testa d'un de nòstres mai grands enemics... e notaratz que lo tipe a pas un sol accent, tot "Nissart" qu'es...


31 Re: Nissa Rebela le Dim 24 Juin - 21:08

Tiston


Occitan Warrior
Occitan Warrior
maime a écrit:

Non, Tiston, qu'es pas 'quò. Veiqui coma comprene las chausas : los fafs son autorizats dins las manifestacions culturalas (perque era pas politica Besiers de segur...) merces a lor revista Montsegur ; mas AAP, se anan au patac justament son bannits de quelas manifestacions...

d'accord comenci a mielhs comprener!

32 Re: Nissa Rebela le Dim 24 Juin - 21:10

Tiston


Occitan Warrior
Occitan Warrior
ceba e roi a écrit:pavonejas en clamar que calèva estar mei durs dab eths; benlèu serà que non vedi pas qui és tu, mès puslèu pensi que tant de parladura be's deben a çò qu'ei mei aisit d'aperar au patac darrèr deu son teclat que non pas dens la vita vitanta....
planta-te de m'insultar, veses ben qu'ensaie de comprener!

33 Re: Nissa Rebela le Dim 24 Juin - 21:11

ceba e roi


Guelha de bonda
Guelha de bonda
Lo problema especific a la preséncia deus fafs a bésiers non dèu pas estar con.honut dab la ligason necessaria enter politica e culturau !

Segur que'ns cau har cadèr aquest prejutjat qui hora-bandeish los qui creden en ua occitània politica, e segur tanben qu'amassar los dus aspèctes de l'occitanisme b'ei l'amira a quina dévem espiar, mès aquò ne pertoca pas forçadament lo problema generau de la pujada deu racisme dens las societats occidentaus.

Vaqui duas lutas disparièras a l'encòp que ligadas d'un biais estret : d'un costat lo nòste projècte politic de cap a ua societat occitàna (evidentament antifascista), e de l'auta ua luta qui's dèu miar suu plan locau com internacionau encontra de las ideias racistas). Con.honer las duas que seré contra-productiu; jo pensi que'ns cau destriar las duas questions: d'un costat soscar e bastir la societat que volem, e mei ponctuaument, clinà'ns de tota pressa sus çò que haràm a la manifestacion grana qui vién...


_________________
La ceba fai bèure e manten la sed

34 Re: Nissa Rebela le Dim 24 Juin - 21:14

ceba e roi


Guelha de bonda
Guelha de bonda
Tiston a écrit:
planta-te de m'insultar, veses ben qu'ensaie de comprener![/quote]

be i avo un problema de sincronisacion enter los messatges, quauquarren qu'avèvas escrivut e qu'avèvi pas legit au moment d'enviar lo mon tèxte; desencusa'm


_________________
La ceba fai bèure e manten la sed

35 Re: Nissa Rebela le Dim 24 Juin - 21:16

Tiston


Occitan Warrior
Occitan Warrior
...



Dernière édition par le Mar 26 Juin - 8:39, édité 2 fois

36 Re: Nissa Rebela le Dim 24 Juin - 21:20

occitaneta


Occitan Warrior
Occitan Warrior
Eh ben de segur Ceba e Roi, n'es pas los culturaus qui an convidat los fascistas... Mes si la relacion enter lo politic e lo culturau qu'era desperera que'm sembra qu'aurei benleu podut cambiar la situacion... Apres dab deus "si" que podem tornar har lo mond...

Apres ne sembra pas que l'occitanisme e l'antifascisme (quitament qu'ei entenut lo heit que vos ua societat occitana antifa) sian duas lutas vertaderament separadas... pr'amor dens la mia logica l'antifascisma qu'es quauqu'arren que's deu estar "universau" e n'i a pas mei istoria de nacion o pas... mes ne soi pas trop clara Geinat

Tanben qu'anirei un drin mei luenh, n'ei pas hami que los autes colhons que contunhan a's desenvelopar e que'm sembra donc que non cau pas esperar la manifestacion qui vien o que mes meileu ja soscar e ja ensajar de crear alternativas naveras au problem...

S'arrivetz a comprener lo mon messatge es qu'ei de l'escaduda ...

37 Re: Nissa Rebela le Dim 24 Juin - 21:24

Tiston


Occitan Warrior
Occitan Warrior
occitaneta a écrit:
Tanben qu'anirei un drin mei luenh, n'ei pas hami que los autes colhons que contunhan a's desenvelopar e que'm sembra donc que non cau pas esperar la manifestacion qui vien o que mes meileu ja soscar e ja ensajar de crear alternativas naveras au problem...
'qu'es justament ço que m'interessava quand ai començat d'intervenir dins 'quela discussion! sei d'accord ai pres un chamin un pauc particulari per li 'ribar... Redola-Uèlhs



Dernière édition par le Mer 27 Juin - 11:40, édité 1 fois

38 Re: Nissa Rebela le Dim 24 Juin - 21:33

occitaneta


Occitan Warrior
Occitan Warrior
Ah ben en efeit b'emplegas metodios plan particularas ! Bandat
Après personaument non'm chepica pas de devisar d'antifascisma mes shens har de la pub a deus praubes colhons qu'an heit la loa sortida de l'anada...

39 Re: Nissa Rebela le Dim 24 Juin - 21:36

Tiston


Occitan Warrior
Occitan Warrior
tu trobas que lor ai fach de reclama? alora efectivament me sei mau fach comprener!!!!!!
la reclama se la fan tot soles, e an pas fach lor surtida de l'annada coma dises, fau los prener au serios, 'qu'es un problema plan greu!

40 Re: Nissa Rebela le Dim 24 Juin - 21:42

maime


Lemosin de prumiera !
occitaneta a écrit:Eh ben de segur Ceba e Roi, n'es pas los culturaus qui an convidat los fascistas...

Mas benleu, aurian pogut refusar l'estand a Montsegur... Auria estat mielhs ? sabe pas...

http://ieumaitot.nireblog.com/

41 Re: Nissa Rebela le Dim 24 Juin - 22:04

ceba e roi


Guelha de bonda
Guelha de bonda
lo mon vejaire, qu'ei pas hèra originau de tot segur, b'ei qu'ua de las pistas mei eficaças tà lutar contrau fascisme en tant qu'occitans, b'ei de clamar e susquetot de crear de vertat la mescladissa, o puslèu que mescladissa la convivéncia de las culturas; aqui la luta culturau que's hè politica.

evidentament, qu'ei ua direccion que gahè l'occitanisme dempuish pausa, pensi que'ns cau enqüèra desenvelopar aquera union de tots los pòbles dispariers, que sian los nòstes vesins (bascos, catalans, bretons, còrses, francés!) e tanben los qui son mei esluenhats (e que sian minorisats o pas, per exemple los qui viven aqui e qui son originaris per exemple d'algéria, deu maròc, de kabilia, deu territòri berber, deu kurdistan, deu territòri senegalès......).
Be'ns cau de vertat construsir ua diversitat dens los hèits e susquetot ua egalitat, qui soleta podré sortì'ns de l'andròna racista qui'ns enclava cada jorn mei estret, ua diversitat efectiva e vertadèra, dens lo respècte de cadun e cadua, e a tots los grads, economic, sociau, politic, culturau, linguistic .. Includir los autes minorisats dens lo nòste projecte e dens las nòstas accions; e perqué pas convidar hèra mei de monde a las manifestacions occitànas - associacions e moviments de cada sector de la societat, e de cada provenància
Tot aquèra construccion que passa per lutar tà la libertat generalisada deus pòbles a dispausar d'eths-medishs, solide, mès susquetot au nivèth locau occitàno-francés, per la luta tà l'arrespècte de cada ciutadan, de quauqua origena que sia, de l'arrespècte deus sons drets e de la soa faiçon de viver...

que pòt tanben passar per ua arredefinicion vertadèra de l'ideia de nacion (tad aquò, caleré evidentament sortir deu carcan dens quau ei empresoada l'ideia nacionau dens la pensada francesa, totjamei ligada a l'etnisme o aus corrents reaccionaris... mès vertat que'u passat de l'ideia nacionau en frança n'ei pas hèra gloriosa), e tanben per l'evaluacion seriosa de la plaça deu sentiment nacionau dens la vita colectiva contemporaneva. aqueth sentiment que'm sembra jogar un ròtle plan mei important que çò que'n ditz l'esquerra francesa -qui denega totau aqueth factor, e aqui parli tanben e susquetot de l'esquerra vertadèra, pas de l'esquerra-Pseudo Socialiste
Atau, ua arredefinicion e ua sosca entà plan analisar aquèra plaça, e dab un punt de vista mei progressiste que non pas lo que causi la dreta reaccionaria dab lo son ministeri de l'identitat nacionau e de l'imigracion, que pòt estar un purmer pas deus nessits entà lutar contra l'eishida de las ideias fascistas suus nòstes territòris.

la nacion qu'ei ua realitat, la denegar que mia totjamei au fascisme tantplan com de la des.héner tròp.


_________________
La ceba fai bèure e manten la sed

42 Re: Nissa Rebela le Dim 24 Juin - 22:14

occitaneta


Occitan Warrior
Occitan Warrior
Rho ben que soi espantada !!! Ostia !!! Quin gojat intelligent quan espleitas lo ton potenciau Content
Breu que diser aprés aquo ?
Que partatji la toa parladura dens las granas linhas quitament que pensi qu'aquo se pot har en parallèle d'autas alternativas tanben...

43 Re: Nissa Rebela le Dim 24 Juin - 22:27

ceba e roi


Guelha de bonda
Guelha de bonda
bé mercès gojata ! serà lo kanut qui m'ajuda !! bon, que clavi la mia participacion au desbat desser dab uas paraulas deu massilia sound system

Cansoneta farai, francament siáu gonflat /Òc i a tròp d'emboucants per poder somilhar !
Urosament que lei cònòs vòlon jamai ! / Veiriam pas lo soleu e son dardai.

Mon paure que malur ! Qunta vergonha ! /De veire per carriera s'espandir la caronha.
Lo marrit drac de segur es encara tornat / E i a gies de Santa Marta per l'anar esquichar.

Aquela cridadissa es la cançon de l'òdi / Veici la passejada de totei lei fadòlis,
Lei racistes encara son a defilar / Morres de nervis dins tota la ciutat.

Viéu ma paura bandiera dedins lo verminier / De que fa " Sang e Aur " dedins lo bordilher ?
Aussa ti Frederic! Desvilha ti Gelu ! / Que cresi ben qu'aici son devenguts caluts !

Buai ! D'aqueleis estrassas que juegon ai crosats / D'aquela trista armada serai pas lo sordat,
Marsilha, ma polida, assosta teis enfants / E fòra lei fascistes francès ò occitans !


Massilia Sound System, Cansoneta farai, 1997


_________________
La ceba fai bèure e manten la sed

44 Re: Nissa Rebela le Lun 30 Juil - 11:48

joan_cavalier


Trobador !!
Trobador !!
Gavach a écrit:Soi pas segur que siá de bona politica de botar de ligams que van cap a de sitis fafs. Lor fa de publicitat a mai i a de ligams, mai Google considera lo siti coma "pertinent" e donc apareis de naut de la tièra dins una recèrca...

Personalament, pensi (e sap gavachas qu'avem aguda mantunas contestas sus aquò tu e ieu e que sem pas d'acòrdi) que cal vertadierament prevenir lo monde del dangier (cresi ieu personalament que lo monde sons pas colhas, sabon reconeisser cora i'a ideas racistes e dangerosas).

Faire tròp de reclama a d'aquel monde es un dacòs, faire mine qu'eissiston pas (ço que far lo mitan occitanISTE dempuei d'anadas, avem pro luchat, tu, ieu e un molon d'autre per faire cambiar aquò) me sembla pas tanpauc una solucion, e mena als problemes qu'avem connegut a Besiers.

Aprep, caldria tanben fintar aquel probleme e trapar solucion (em pòt aver mantunes, i'a l'opcion de lor amanhagar l'esquine a còp de barròt, mas pensi que caldria tanben una organisacion que siaguesse fotuda de reagir tre que commenceran de comunicar vertadierament e dangerosament al nivel de la lenga nòstra (d'unes me van diser aquò arrivara pas jamai, ausigueri ja aquò sus "gausaran pas venir a una protesta oficiala per l'occitan"...coneissem la seguida

Amistats occitanas, anarquistas independentistas e mai que mai antifascistas

Cedric

http://www.myspace.com/joan_cavalier

45 Re: Nissa Rebela le Lun 30 Juil - 13:03

maime


Lemosin de prumiera !
joan_cavalier a écrit:cresi ieu personalament que lo monde sons pas colhas, sabon reconeisser cora i'a ideas racistes e dangerosas

Ah ? sei pas segur... Sem dins un pais ente lo monde voteren per un tipe qu'avia promes de crear un ministeri de l'imigracion. E a tengut sa promessa. Aura avem un brave ministeri de l'imigracion per lo quau van trabalhar los inspectors dau trabalhar... Logic, perque lo trabalh au negre coma l'indica son nom, qu'es dau trabalh per daus sens-papiers... E lo monde disen ren de tot 'quò...

http://ieumaitot.nireblog.com/

46 Re: Nissa Rebela le Lun 30 Juil - 13:10

joan_cavalier


Trobador !!
Trobador !!
maime a écrit:
joan_cavalier a écrit:cresi ieu personalament que lo monde sons pas colhas, sabon reconeisser cora i'a ideas racistes e dangerosas

Ah ? sei pas segur... Sem dins un pais ente lo monde voteren per un tipe qu'avia promes de crear un ministeri de l'imigracion. E a tengut sa promessa. Aura avem un brave ministeri de l'imigracion per lo quau van trabalhar los inspectors dau trabalhar... Logic, perque lo trabalh au negre coma l'indica son nom, qu'es dau trabalh per daus sens-papiers... E lo monde disen ren de tot 'quò...

Adieu maime,

Cresi pas qu'aquò es una question de saber o pas saber, cresi que sem mai que mai dins una situacion ont lo monde ven de mai en mai individualiste, e se tracha de son embonil melhor de se lo vesin es de crevar.

Aprep, de vertat que ço que ieu ma far riser jaune, es que a cada còp qu'òm charra amb un fòrastier que votet Sarkojoui, a totjorn l'impression que l'imigrat es lo d'al costat e que cora Sarko parla de fargar lo seu ministeri putassier, es lo dal costat que va tornar al pais

http://www.myspace.com/joan_cavalier

47 Re: Nissa Rebela le Lun 30 Juil - 19:43

Danís


Adjudant
cada còp qu'òm charra amb un fòrastier que votet Sarkojoui, a totjorn l'impression que l'imigrat es lo d'al costat e que cora Sarko parla de fargar lo seu ministeri putassier, es lo dal costat que va tornar al pais

Completament d'acòrd... Uèlhs al Cèl En França, qu'es totjorn la fauta dau vesin, quò m'estona pas, après, que dins los autres pais nos prenen per daus jaus fiers, mespresents e egòcentrics...

48 Re: Nissa Rebela Aujourd'hui à 6:10

Contenu sponsorisé


Voir le sujet précédent Voir le sujet suivant Revenir en haut  Message [Page 2 sur 2]

Aller à la page : Précédent  1, 2

Permission de ce forum:
Vous ne pouvez pas répondre aux sujets dans ce forum