OCCITANIA !! Forum


Vous n'êtes pas connecté. Connectez-vous ou enregistrez-vous

Violéncias policièras a Pau- Comunicat d'AAP

Voir le sujet précédent Voir le sujet suivant Aller en bas  Message [Page 1 sur 1]

Zengi


Trobador !!
Trobador !!

Anaram Au Patac, movement revolucionari de l’esquèrra occitana
e Jeunesse marxiste de Pau


COMUNICAT DE PREMSA - COMMUNIQUE DE PRESSE / 2009

Mercés de har passar aus vòstes lejedor(a)s e auditor(a)s aquera informacion
Merci de relayer auprès de vos lecteurs / lectrices et auditeurs / auditrices cette information


Pau, lo 27 de març de 2009

Dijaus lo 26 de març, Anaram Au Patac qu'organizè un concèrt dens lo son locau ded la Tor deu Borrèu au Hedàs. Aqueth concèrt que s'ei acabat, com previst, abans 10 òras deu ser per arrespectar au mei possible los vesins deu quartièr.
La serada qu'a seguit, coma de costuma, a l'estanquet de la Tor deu Borrèu, pendent las òras d'ubertura legaus, e dab un centenat de personas a l'exterior, shens nat problèma particular a signalar.

A miejanuèit, mantuns vehicules de polícia que son baishats dens lo quartièr deu Hedàs, e qu'an interpelat un joen. En seguir, los policièrs qu'an jetat 4 a 5 bombas lacrimogènas de cap tau monde amassat per davant l'estanquet, shen nada requerida ni avertiment.

Ua militanta d'Anaram Au Patac, ensenhanta dens lo parçan tolosan, qu'estó trucada per la BAC, Brigade Anti-Criminalité. Evacuada a l'espitau, lo medecin de las urgéncias que li a remetut un certificat medicau dab 5 dias d'ITT. Qu'ei dens l'incapacitat au dia de uei d'utilizar la man esquèrra.

Cap a d'aqueras violéncias policièras, cèrtas personas an jetat tres canetas au ras de la polícia. Un cinquantenat de personas, dens l'incapacitat de erespirar en per'mor deus gas jetats dens las carrèras vesinas, que's son amassats dens lo locau noste. Un joen qui's volè esluenhar qu'estó arrestat dab violéncia, mantuns testimònis que l'an vist la matraca devath lo còth, los uelhs virats.

En detz dias sonque, la repression policièra a Pau qu'a utilizat tres còps gas lacrimogènas – dus còps contra los estudiants – dab ua violéncia de non pas compréner. Aqueras faiçons inadmissiblas que son de hicar dens un contèxte exagonau de repression sistematica de tot movement popular, a l'imatge deus dus joens, a Naoned/Nantes e Tolosa qui's son perduts un uelh arron tirs de flahsball. La Brigade Anti-Criminalité, dab lo pretèxte de har arrespectar la lei, utiliza metòdes de cocarros.

Anaram Au Patac, dab lo sostien de la Joenessa Marxista de Pau, que denóncia un Estat policièr qui sembla non pas mei suportar tota opausicion politica.
Atau qu'aperam a manifestar contra las violéncias policièras aqueste diluns lo 30 de març a 6 òras deu ser, per davant la prefectura deus Pireneus Atlantics.

Hartèra de la violéncia d'Estat ! Cò que volem: justícia e libertat !

Danís


Adjudant
Explosiu Guerilla

admin


Trobador !!
Trobador !!
Ei l'impression que las festivitats de la Tor deu Borreu son de mensh en mensh agradantas tà'us milicians de l'Estat Hrancés ... Poce Clinat


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Marxelin


Occitan Warrior
Occitan Warrior
Hartèra d'aqueth Estat francés e de las soas repressions. Adara, occitans que cau arrestar d'estar brave e vam au patac ! Colèra Guerilla

http://www.anaram.org

Zengi


Trobador !!
Trobador !!
Que pensi que quitament au nivèu deu mitan 'culturau', cèrtes an comprés que se bolegam pas mei, crevaram tranquilament, shens bruth ..

La repression que creish per'mor qu'ei la nocion mèma d'Estat francés qui ei mei anar mei hicada en causa. Aquò l'Estat n'ac pòt pas suportar.

Per çò qui ei de l'ataca de la Tor, tot qu'estó filmat per ua vesina, ua videò de grana qualitat. Que serà publicada, que l'espèri, dens quauques dias.

Mertyl


Occitan Warrior
Occitan Warrior
La BAC a totjorn estat una mèrda que respècta pas los estatjants d'una vila, a Milhau i a pas un òme que vòl d'eles, mas son totjorn aquí.

http://www.occitanews.com

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum