OCCITANIA !! Forum


Vous n'êtes pas connecté. Connectez-vous ou enregistrez-vous

comunicat Calandreta Sijan

Voir le sujet précédent Voir le sujet suivant Aller en bas  Message [Page 1 sur 1]

1 comunicat Calandreta Sijan le Dim 8 Mar - 18:10

Marxelin


Occitan Warrior
Occitan Warrior
Comunicat de premsa d'Anaram au Patac - Lengadòc
L’Occitan victima d’una novèla ataca jacobina



Dijòus 19 de février 2009 lo conselh municipal de Sijan a decidit a 19 voses contra 2 e 5 abstencions, de renovelar pas la convencion que ligava la comuna amb la Calandreta. Aquò significa qu’a la dintrada de setembre de 2009 un vintenat d’enfants riscan de se trobar per carrièra e quatre personas al caumatge dins une region sinistrada al punt de vist emplec (la region Lengadòc Rosselhon es la que coneis lo taus mai fòrt de caumatge de l’Estat francés).

L’escòla Calandreta de Sijan dobriguèt sas pòrtas en setembre de 2006, permet a 21 enfants de seguir un ensenhament en immersion de l’occitan (l’occitan i es lenga ensenhaira et ensenhada). Beneficiava fins ara d’una convencion, signada amb la majoritat municipala anciana per de locals comunals (l’anciana escòla dels dròlles de la vila) que logava.

A las eleccions municipalas passadas una equipa novèla foguèt elegida ; tre la debuta faguèt saber son ostilitat a Calandreta, en efièiet déclarèt que la comuna aviá pas los mejans de finançar doas escòlas a Sijan mentre que Calandreta li còsta quasi res. En mai afirmèt que los locals èran vetustes e dangieroses donc podián pas aculhir d’enfants. Aquel argument es completament fals perqué per la seuna dobertura l’escòla aguèt una vesita de la comission de seguritat (compausada de pompiers, servicis de la prefectura, etc…) que jutjèt lo local apte mas aquò sembla pas contentar la comuna qu’a prepausat ça que la doas solucions de relòtjament : un ostal sens cort e que pren l’aiga e una cava.

Mai se lo cònsol e son equipa se ne defendon e dison qu’an pas res contra Calandreta e l’occitan, la volontat es d’escafar aquela escòla del paisatge sijanés perqué son ostils a l’ensenhament privat, d’unes elegits son de retirats de l’educacion nationala e subisson pressions de sos collègas.

Anaram au Patac denóncia aquela caça a l’occitan d’un autre temps, al moment ont l’occitan comença d’aver une reconeissença pichona, sembla que los demònis vièlhs d’antan ressorgisson e que lo pièger de las idèas jacobinas se vòlon impausar dins aquela vila plan occitana a la pòrta de Catalonha.

Fasèm remarcar coma d’autres qu’aquela decision de la comuna de Sijan tomba mal e ressona coma un insult, aquest an anam commemorar los 800 ans de la Crosada.

Anaram au Patac pòrta son sosten tot als parents, associatius e personal de la Calandreta de Sijan.


Anaram au Patac - Lengadòc

http://www.anaram.org

2 Re: comunicat Calandreta Sijan le Dim 8 Mar - 21:07

Mertyl


Occitan Warrior
Occitan Warrior
Una escòla per 21 dròlles es pauc, seriá melhor d'aver l'occitan dins l'escòla publica amb una mena de contracte o quicòm coma aquò que permet a çò que vòlon de seguir de corses en occitan e los autres en francés solament, lo tot mesclat dins lo meteis luòc.

http://www.occitanews.com

3 Re: comunicat Calandreta Sijan le Dim 8 Mar - 23:39

Zengi


Trobador !!
Trobador !!
l'escòla publica ei pas capable de balhar ua plaça a la lenga nosta, alavetz urosament que i a las calandretas per aquò, que las cau sostiéner.

E 21 mainats en 2 ans d'existéncia, jo pensi pas qu'ei pauc. Qu'ei hèra encoratjant, e que permet d'aver classas a talha umana, dab ua auta pedagogia. Qu'ei aquò tanben Calandreta.

4 Re: comunicat Calandreta Sijan le Lun 9 Mar - 11:24

Arf


Occitan Warrior
Occitan Warrior
Matieu a écrit:l'escòla publica ei pas capable de balhar ua plaça a la lenga nosta, alavetz urosament que i a las calandretas per aquò, que las cau sostiéner.

E 21 mainats en 2 ans d'existéncia, jo pensi pas qu'ei pauc. Qu'ei hèra encoratjant, e que permet d'aver classas a talha umana, dab ua auta pedagogia. Qu'ei aquò tanben Calandreta.


+ 1

5 Re: comunicat Calandreta Sijan le Ven 27 Mar - 21:53

Marxelin


Occitan Warrior
Occitan Warrior
Sabi pas çò que vos cal : l'ensenhament public fa pas son trabalh per l'occitan. Noasautres a Calandreta prepausam un ensenhament en imersion (pas de corses en francés de la pichona seccion de mairala fins al Ce 1) amb una pedagogia activa.
En mai al cap de 5 ans podèm aver d'escòlas jos contract d'estat. Calandreta permet d'aver de corses per adultes tanben en partenariat amb lo CFPO e dins los locals de las Calandretas. 21 pichons en 2 ans pensi que per un vilatge de 5000 estajants es pas mal, lo cal faire lo trabalh de recrutament.
Abans de dire causas pensi que se cal informar.

http://www.anaram.org

6 Re: comunicat Calandreta Sijan le Sam 28 Mar - 5:08

Einucent


Occitan Warrior
Occitan Warrior
Calandreta qu'e l'ensenhament de la lenga per imersion coma lo precisa Marxellin, segurat per daus ensenhaires que lor salari es pres en charja per la federacion regionala pendent los 5 ans d'existença que son necite davant de poder passar un contract amb l'Education Nationale per que los regents sian pagats per lo Ministèri.
amai la pedagogia es pas la parrièra e los afarsadministratius son segurats per daus pairin d'escolan benevolents.
L'ensenhament dins lo public, qu'es siá quauquas oras opcionalas (de veire a quin orari !), siá au maximum la paritat oraria, quora i a 'na seccion bilinga de duberta.
Suvent quò vòu dire en 6ena dins un collegi que i a 'na Calandreta dins lo sector. Qu'es l'estraegia per Midi Pyr, en defòra l'i a dos collegis Calandreta.
Me sembla 'na bona chausa se de las seccions bilingas son dubertas en primaria dins las vilas ente i a pas de Calandreta, per crotzar las possibilitats. Qu'es pas a Sijan, Limós, Narbona ò Carcassona que fau 'na publica, qu'es a Quilhan, Leucate ò Lesinhan.

http://einucent.wordpress.com

7 Re: comunicat Calandreta Sijan Aujourd'hui à 4:38

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum