OCCITANIA !! Forum


Vous n'êtes pas connecté. Connectez-vous ou enregistrez-vous

Carcassona, Rebelòta.

Voir le sujet précédent Voir le sujet suivant Aller en bas  Message [Page 1 sur 1]

1 Carcassona, Rebelòta. le Sam 28 Fév - 16:38

Setori


Òmi/Hemna de Situacion
Òmi/Hemna de Situacion
Bonjorn a tots. Sieu novel sus aqueste fòrum.
Cresiai estre sol dins mon canton a renegar sus la causida de Carcassona per la granda amassada del 24 octobre 2009 (ai pas res contra aquela ciutat).
Atanben pauseri la question: perqué Carcassona e pas Tolosa o Marselha per exemple ? A mon vejaire, en aquest'an d'aniversari de la crosada-guerra-de-colonisacion francimanda, Tolosa s'imposava coma capital-simbòl de la lucha e la resistancia.
Escrigueri donc al Collectiu "Anem-Óc", a l'IEO-lengadoc, a Laportadoc, al cap-redactor de La Setmana, e tamben escrigueri un pichòt text per lo jornal. Digus respondet pas. Pasmens costa pas res d'explicar perqué e cossi. L'impression d'estre mespresat fa pas totjorn plaser...
Mas de fach i aguet cinq non-responsas: aquesta question es pas "politicament correcta" e deu pas estre posada. Es una question que malcontenta.
E perqué ? Perqu'aquel monde qu'a decidit del luòc e de la data, l'a fach sens damandar lo vejaire del pòble. A benleu un pauc desoblidat qu'es lo pòble (vos e ieu) qu'era per carrieras a Besiers. Saique, auria estat aisit per internet de faire un pichòt sondatge, d'interrogar totes los clubs, cercles e associacions afilhats als IEO departamentals, per exemple.
E ara, dins lo mitan dels decidaires occitans, sembla que vòlon pas que se faga de bruch sus aqueste sicut, de paur que las gens se mainan qu'an estat pres per d'abestits. Anaretz a Carcassona e pas mai.
Benleu qu'an paur tanben de se trobar un pauc solets lo 24 octobre 2009. Vesetz pas que los jornals del 25 titolan: "Amassada a Carcassona per la lenga d'Óc: al mens 150 personas"... Quana espetada de rire!
Mercé Mos-Senhers per la vertat e la transparencia. Comença plan la democracia en republica d'Óc...

2 Re: Carcassona, Rebelòta. le Sam 28 Fév - 19:37

Mertyl


Occitan Warrior
Occitan Warrior
Cal ben causir un endrech, seriá Marselha o Tolosa, seriá la meteissa causa per ieu. Se trabalhi pas e qu'ai pas de serada i vau, senon i vau pas. Ironic

http://www.occitanews.com

3 Re: Carcassona, Rebelòta. le Sam 28 Fév - 20:30

Sokolovic


Trobador !!
Trobador !!
Vaquí çò que manderiam nautres a l'organizacion.
La respònsa, generica semblariá, que nos faguèron es en dessota.

Senhers, Dònas,

Vos escrivi per vos far part de nòstra sospresa a la seguida de la decisien de causir un còp de mai Carcassona per la manifestacien « anem òc » de 2009.

L'Ostau dau País Marselhés mandèt una lètra clara a l'ieo avans que la decisien fuguèt presa.
Voliam PAS d'una autre vila de la regien lengadoc rosselhon. Per mantunei rasons :
Jà, fa dos còp que si debana ailà. E pensam que lo moviment occitan a besonh de mostrar a la França emai ai gens dei regiens occitanas que la lenga occitana es pas la lenga solament dau lengadoc. Es per aquò qu'eriam d'acordi per anar siá dins Aups, siá en Provença, siá en Auvernha, siá en Lemosin, siá dins las Lanas, siá dins Biarn.
Ieu personalament, m'auriá tras qu'agradat una manifestacien dins Occitania Nord. Lemotges, Gueret, Clarmont, Briançon, Gap.
Perqué si parla JAMAI d'elei.
E la segonda rason, es que cada còp, far una manif dins la regien lengadoc dòna ais associaciens occitanas d'aquela regien un argument de talha per demandar de subvenciens. Es aisit coma aquò de dire a l'administracien "vesètz, eriam 20 000", segur aquò dòna de credit. Mai per leis associaciens que luchon en Provença còntra la man mesa poletica dei provençalistas que dison pertot que l'occitan es pas de provençau e que lo provençau es pas d'occitan, aquò's un brave present de pas far la manif en Provença.
Per totei leis associaciens deis autrei regiens talas que Lemosin, Biarn, Aups, qu'an un brave besonh d'aguer d'ajuda e de supòrt, aqui tamben gramaci per lo sosten.

L’Ostau dau País Marselhés sostendrà pas aquela manifestacien, nimai li balharà d’ajuda dins son organisacien, pasmens, cada sòci es liure de far ce que li agrada.


Per l'OPM. Rodin Kaufmann.


Respònsa ai questions pausadas après l’anóncia de la manifestacion.


La causida de Carcassona siguèt facha per mai d’una rason.

Entre autrei, lei condicions d’accessibiltat per la rota e lo trin e la centralitat geografica que permete de limitar au maximum lei desplaçaments deis uns e deis autrei (mai que mai per leis extremes)…
Mantuneis idèias de luecs èran sortidas, pasmens, en mai de la posicion geografica, nos faliá prendre en còmpte, una environa favorabla, una còla locala solida e experimentada e totei lei constrenchas materialas d’organizacion de la manifestacion .

Totei lei proposicions (sovent contradictòrias) avián d'avantatges e d'inconvenients.
Avèm causit en foncion de critèris e factors materiaus mutiples. Avèm fach la causida que podiam faire ambé leis elements d'organizacion que conoissèm.
Podètz creire que i aguèsse agut una solucion mai bòna l'auriam presa. Pensam d’aver pres la mai bòna dei solucions en foncion de tot aquò…

Volèm tanben ramentar que la manifestacion de Carcassona es pas una manifestacion localizada mai aquela de tot lo país d’Òc, e que ven desenant ai comitats locaus de comunicar e agir dins son canton per que siegue vista coma un luec de convergéncia d’una dinamica panoccitana.

2005 e 2007 an demostrat que podiam faire parlar de nautrei en manifestar a l'ostau.

CARCASSONA 2009 SERA LA MANIFESTACION DE TOTEI LEI DEFENDEIRES DE LA LENGA !
NOS FAU MOBILIZAR TRE ARA !

Fau que cada region siegue tocada per lo messatge e la preparacion dau grand recampament.

MERCÉ de l'ajuda que portaretz per que CARCASSONA 2009 siegue una capitada dei bèlas!

La Coordinacion Anem Òc !

4 Carcassona le Dim 1 Mar - 7:28

Setori


Òmi/Hemna de Situacion
Òmi/Hemna de Situacion
Mercé a Matieu C. per aquestes precisions sus la responsa qu'aguet del Collectiu. Adieusiatz

5 Re: Carcassona, Rebelòta. le Dim 1 Mar - 13:23

Sokolovic


Trobador !!
Trobador !!
Òc.

Çò que mai m'agrada es lo concepte de "centralitat geografica".
Per de gents que sensadament luchan en còntra dau centralisme parisenc, es pron risolent.
E passarai sus leis argumentas coma la famosa "còla locala solida e experimentada" que fa passar leis autreis associaciens per de farandolaires.

6 Re: Carcassona, Rebelòta. le Dim 1 Mar - 14:15

Lafontan


Occitan Warrior
Occitan Warrior
Encara un còp l'avenidor d'aquelas protèstas es pas dins una manifestacion unica, mas dins una jornada exagonala amb los bretons, basques, catalans...e mai d'una protèsta en Occitània al mens tres per plan cobrir lo nòstre territòri qu'es plan grand, es una donada de prene en compte tanben.
Aquela jornada seriá tanben organisada sus Paris amb los exilhats de cada pòble e sabèm qu'es important per la mediatisacion, aquí lo nombre compta mens, l'imatge de las bandièras de totes los nòstres pòbles conjunts seriá espectaclosa. Al final una jornada unitària de las lengas podriá acampar prèp de 100.000 personas çò que podèm pas capitar solets. Aquel eveniment seriá vertadièrament istoric e incortonable per los poders publics estatal coma locals. Totas las lengas de França son pel moment dins la meteissa barca de l'estat françés, nos cal èsser solidaris e profitarà a totes, i avèm totes interés a mai los qu'an "un sud" es lo sol mejan de far plegar l'estat amb una vertadièra politica linguistica pertot e a cada nivèl, de balhar totas las competéncias dins aquel domèni a las Regions...Es un vertadier rapòrt de fòrça que cal botar en plaça, lo farèm pas solets!
Aquela jornada seriá un pauc la debuta dels novèls estats generals dels pòbles de França.
Plan segur per Carcassona 2009 es tròp tard, i cal anar, mas en preparar tre ara la seguida sus aquelas basas. Prepausi mesme d'impulsar de comitats locals per endralhar tot aquò e prendre contact tre ara amb los autres pòbles de França.

7 Re: Carcassona, Rebelòta. Aujourd'hui à 4:37

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum