OCCITANIA !! Forum


Vous n'êtes pas connecté. Connectez-vous ou enregistrez-vous

Interdiccion de las listas abertzale a las eleccions bascas

Voir le sujet précédent Voir le sujet suivant Aller en bas  Message [Page 1 sur 1]

Zengi


Trobador !!
Trobador !!
Comunicat d'Anaram Au Patac

Ne's comptan pas mei las atacas contra lo pòble basco, mes la repression que s'ei intensificada enqüèra aquestas darrèras setmanas. En efèit lo tribunau constitucionau espanhòu que vien d'interdíser a Democracia 3 Milions (D3M) e au colectiu Askatasuna de participar a las eleccions de la Comunautat autonòma basca deu 1er de març. Qu'ei ua decision istorica de la justícia espanhòla: peu purmèr còp l'esquèrra abertzale non serà pas representada a las eleccions deu govern basco.

A l'imatge d'aqueth mancament democratic deus grans qui priva 15% de l'electorat basco deu dret de representacion, l'Estat espannhòu que pròva un còp mei que non s'escad tostemps pas de virar huelha per rappòrt au son passat fascista, e que ne vòu pas portar nada solucion au conflicte basco. Aquera vertadèra guèrra de repression miada contra lo pòble non harà pas empach au combat deu movement abertzale, au contra non pòt pas qu'ahortir la necessitat d'aquera luta.

Anaram Au Patac, movement revolucionari de l'esquèrra occitana, que pòrta lo son sostien au pòble basco, e que bremba que lo govern basco, lo PNV, EA, que son autant responsables d'aquera situacion com lo govern de Madrid. La lor politica sosmésa e iresponsabla que condamna joens bascos a la tortura, e qu'avita lo conflicte basco.

Qu'aperam tots los pòbles en luta a préner consciença d'aquera realitat en País Basco, e a la denonciar haut e clar. L'unica solucion qu'ei l'autodeterminacion d'Euskal Herria, arron 40 ans de conflicte.

Solidarité dab lo pòble basco !
Autodeterminacion !
Nani a la tortura !

Anaram Au Patac
http://anaramaupatac.blogspot.com

Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum