las Antilhas

Occitania en cap de seguici tolosan, per sostiéner Guadalope


http://www.ladepeche.fr/article/2009/02/25/563928-Guadeloupe-le-soutien-des-Toulousains.html

Mai d'autonomia per las illas francesas, seriá melhor pels estatjants qu'aquestas illas e de la metropòli del mieu vejaire.

Per lo primièr còp, los occitanistas an capitat a Tolosa amb lo POC e Combat d'Oc-AAP e d'antilheses de prener lo cap d'un passa carrièra
de protèsta per la solidaritat amb la Guadelopa. Aquel acte mòstra que quora
fasèm la ligason entre lo combat per l'autonomía, lo federalisme e
l'actualitat amb oportunitat, avèm una clara legitimitat! Avèm vist los
antilheses prendre la nòstra banderòla de solidaritat
Guadelopa-Occitània e la menar amb nautres al davant del passa carrièra.
Per un còp lo NPA, Lutte ouvrière, lo Parti Gauche...(que romegava a la
"recuperacion"...) èron darrèr, d'antilheses an mesme distribuit
lo tract del POC e se poguèt ausir cridar d'eslogans en creòl e occitan!

La question institucionala es pas populara a priori, mas quora podèm
mostrar la ligason entre lo blocatge de la societat francesa e lo
centralisme sèm compreses.

Òsca, òsca ! aus militants deu Pòc e de Combat d'Òc

La pròva qu'avem pas d'estar timides, nòstras ideas parlan au monde ..

(E se i a un partit qui ei pas credible dens aqueth ahar, qu'ei plan lo deu fascò-jacobin de Melenchon ..)

Compreni pas çò que fotavan los partesans de Melechon aici... Volian cridar d'eslogans en creòl ? L'enjòc es plan l'autonomia de las Antilhas, quitament se degun o daussa dire. A la fin, de tot biais, los jacobins d'esquèrra seran del costat de la flicalha, coma al moment de la guèrra d'Argeria.

LaurençD a écrit:Compreni pas çò que fotavan los partesans de Melechon aici...

Los de l'esquèrra jacobina espèron far creire qu'es sonque un combat social e que lo cal reproduire aicí, es un sosten partesan "Soutien aux travailleurs de Guadeloupe..." e vòlon pas ausir l'eslogan cantat de pertot aval "La Gwadloup sé ta nou, la Gwadeloup sé pa ta yo..." Per eles La Guadelopa es un despartament francés coma un autre, mas es pas la realitat un còp de mai. Ont es l'egalitat dels ciutadans ?....Dins la protèsta, n'avèm ausit un del "Parti de la Gôche" que romegava contra la recuperacion dels occitans, mas son plan eles que voldrian recuperar un conflicte ligat a la "profitacion" eiritada del colonialisme per ne far un conflicte social ordinari e l'assimilar a las lutas socialas de la metropòla. Urosament es lo combat de tot un pòble e cal esperar que saupràn contunhar la cauma fins a ganhar çò que demanda lo L.K.P.

Auèi dijòus 26 de febrier la situacion es tornamai blocada pel despart del MEDEF de la negociacion. Lo LKP demanda de sosten, aquela luta arriba a un punt critic los cal ajudar en fasent d'informacion e de pression ençò nòstre...
SOLIDARITAT !!!
LKP - "Liyannaj Kont Pwofitasyon" - Le site officiel du collectif ...

Aquela luta es pas acabada, los cal ajudar en fasent d'informacion e de pression ençò nòstre...
SOLIDARITAT !!!
LKP - "Liyannaj Kont Pwofitasyon" - Le site officiel du collectif ...
Auèi dissabte 28 de febrièr manif a 14 oras a la prefectura de Tolosa a l'appèl del comitat unitari (jacobin) e del Partit Occitan.