Signar per lei suves

Aparar la biodiversitat gràcia a nòstrei suvieras, tornar desvolopar lo mestier de levaire de rusca e ansin aparar lei bòscs dei fuecs e crear d'emplecs intelligents: http://www.petitionpourleliege.org/

La rusca encuei serve de segur per lei taps, tanben per far de panèus per l'isolacion sonòra, emb aquò intra dins la fabricacien dau linoleum, e pas mau de cauvas encara.

Es una matèria sanica que crompam ara a l'estrangier. Encuei au nòstre, es malurosament levada quasi soncament en riba de camins... èra ren lo cas li a quauquei desenaus d'ans onte l'Esterèu e lei Mauras vivián l'estiu a l'entorn de la rusca! (cf: La rusca ais Adrechs )

Sai pas se cambiarà quauqua ren, coma que siegue còsta ren de signar

Quora arribèt dai Valadas, ma grand trabalhèt dins un obrador de taps dins Var. Ara n'i a plus ges, e crema la foresta...

Òc, aviáu una "bochonariá" pròche dau mieu, que foguèt remplaçada li a gaire per un magasin de bricolatge...ara abandonat. Fòrça fremas trabalhavan dins leis usinas de taps, emb aquò èra la soleta industria qu'aviam!

Lei bòscs son de còps un pauc bruts, li venon de romes e de marrits boissons mai lei suves son encar' aquí, bastariá de lei tornar esplechar.
Pareis que de joves si son installats coma rusquiers dins lei Mauras, mai ai pas mai d'infos.

Adiéu coulègo !
Ai signa la peticioun !
A bén léu , amista