OCCITANIA !! Forum


Vous n'êtes pas connecté. Connectez-vous ou enregistrez-vous

Creacion de l'aficha per la manifestacion de Carcassona

Voir le sujet précédent Voir le sujet suivant Aller en bas  Message [Page 1 sur 1]

Danís

avatar
Adjudant
Als grafistas, illustrators, artistas tot
simplament…


Lo 24 d’octòbre se debanarà una manifestacion
en favor de la lenga occitana a Carcassona. Doas manifestacions d’aquela mena
foguèron jà organizadas p
el comitat Anem Òc (Institut
d'Estudis Occitans, Felibrige, FELCO, Calandreta, Oc-bi) a Carcassona en 2005
(12000 manifestants) e a Besièrs en 2007 (20000 participants).

Per aquela novèla manifestacion, lo comitat Anem Òc recèrca de bonas volontats per
l’elaboracion de l’aficha que li servirà d’apèl. Lo comitat organizator dispausa
de cap bugdècte per aquò. Las bonas volontats seràn doncas tanben benevòlas.

Benlèu qu’auretz enveja de far una prepausicion d’aficha, pr’aquò !


De qué botar sus aquela aficha ?


- luec :
CARCASSONA


- data : 24
d'octòbre de 2009, a 14h


- eslogan : Anem
Òc ! per la lenga occitana !


- preséncia de la crotz
occitana, mai discreta...


- Debàs un espaci
per marcar lei coordonadas :


" Coordinacion Anem Òc!" :
Institut d'Estudis Occitans, Felibrige, FELCO, Calandreta, Oc-bi.

www.manifestarperloccitan.com / comitat.anem-oc@club-internet.fr

La prepausicion es de presentar per l’amassada venenta del
comitat, valent a dire que la cal remetre ABANS LO 4 DE FEBRIÈR.


Se la vòstra prepausicion es retenguda, serà declinada jos
diferents, supòrts : afichas, desplegants, camisets, pegasolets… e auretz en
contrapartida, s’es pas la fortuna, serà la glòria d’aver participat a un
eveniment occitanista dels bèls !


La vòstra prepausicion es de mandar
a l'adreiça seguenta:

comitat.anem-oc@club-internet.fr

Bona
soscadissa!

Barbet

avatar
Occitan Warrior
Occitan Warrior
Danís a écrit:Lo comitat organizator dispausa de cap bugdècte per aquò. Las bonas volontats seràn doncas tanben benevòlas.

As ben fach de va dire dins "Agéncia Occitana per l'Emplec"... D'uneis occitanistas si fan idèias sus lo trabalh bòna que per balar davans l'armari!
E ieu qu'esperavi gonflar mon bujèct vacanças Escacalassant

Danís

avatar
Adjudant
Tu creses enquera qu'un pòt ganhar sa vita NONMAS emb l'occitan ? Escacalassant

posoèra

avatar
Occitan Warrior
Occitan Warrior
Danís a écrit:Tu creses enquera qu'un pòt ganhar sa vita NONMAS emb l'occitan ? Escacalassant
ehh ne copes pas lo men saunei !! Colèra
Escacalassant

Marxelin

avatar
Occitan Warrior
Occitan Warrior
En tot cas espèri que l'aficha de Carcassona 2009 serà pas tant poirida coma la de besièrs que faguèt lo Ben, aviái l'impression qu'èra un pichon de mairala de Calandreta que la faguèt.

http://www.anaram.org

admin

avatar
Trobador !!
Trobador !!
Ah ? Perque ? Ben, es pas lo nom d'un calandron ?


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Zengi

avatar
Trobador !!
Trobador !!
En tot cas espèri que l'aficha de Carcassona
2009 serà pas tant poirida coma la de besièrs que faguèt lo Ben, aviái
l'impression qu'èra un pichon de mairala de Calandreta que la faguèt.
Qu'ei un escarni aus pichons de Calandreta, aquò ..

Cerièra de Mai


Trobador !!
Trobador !!
Danís a écrit:e auretz en
contrapartida, s’es pas la fortuna, serà la glòria d’aver participat a un
eveniment occitanista dels bèls !
Bojarron a écrit:D'uneis occitanistas si fan idèias sus lo trabalh bòna que per balar davans l'armari!
E ieu qu'esperavi gonflar mon bujèct vacanças Escacalassant
Danís a écrit:Tu creses enquera qu'un pòt ganhar sa vita NONMAS emb l'occitan ? Escacalassant
Sens desconar, es un marrit biais de faire, per doas rasons :
• la primièra es que se pòt pas demandar a qualqu'un mai o mens professional de trabalhar a gratis, se fa tot simplament pas ! I a de las gents que vivon d'aquela acrtivitat, es pas sonque per faire mumuse lo dimenge ! An investit en materiau, an de cargas de pagar en mai del lotjament, minjar… e mèrda ! I a totojorn d'argent que se tròba per emplegar un comptable e pas jamai pel grafiste.
• la segunda es lo costat « concors » qu'es a la mòda… faire trabalhar mantunas personas (que balhon de lor temps) per ne causir una a la fin, ben se fa pas tapauc… imagina anar veire mantunes menusièrs e lor dire « fasètz-me totes un polit mòble, causirai lo que m'agrada lo mai ! », e lo autres ? Ben tant pièger pels autres !! E mèrda DOS !!

Tot aquels metòdes me conflan plan, e se ves pas sonque dins lo mitan associatiu… d'organisacions qu'an lo bidget tanben fan çò meteis, quina vergonha ! Ai enviat cagar a la vinha lo « Marathon des mots » per aquela rason, e… ben… m'an pas jamai tornat la clau !! Ironic

Cerièra, que n'a pron e que s'en va faire un autre cafè, pfff… Redola-Uèlhs

Einucent

avatar
Occitan Warrior
Occitan Warrior
Cerièra de Mai a écrit:se pòt pas demandar a qualqu'un mai o mens professional de trabalhar a gratis, se fa tot simplament pas ! I a de las gents que vivon d'aquela acrtivitat, es pas sonque per faire mumuse lo dimenge ! An investit en materiau, an de cargas de pagar en mai del lotjament, minjar… e mèrda ! I a totojorn d'argent que se tròba per emplegar un comptable e pas jamai pel grafiste.
+1 Poce Levat

http://einucent.wordpress.com

Barbet

avatar
Occitan Warrior
Occitan Warrior
Emai s'aquò es per la "bòna causa", quauqua ren que nos interessa totei (encara que, Carcassona...avèm tot dich Uèlhs al Cèl ) emb aquò sensa ges de finalitat comerciala que justificariá encar' mai de pagar quauqu'un... tot aqueu blabla de caire: siáu completament d'acòrdi emb tu Risolet

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum