OCCITANIA !! Forum


Vous n'êtes pas connecté. Connectez-vous ou enregistrez-vous

Escapolaire : diplòma nivèu A2 d'occitan gascon

Voir le sujet précédent Voir le sujet suivant Aller en bas  Message [Page 1 sur 1]

patacepec


Francimand's Killer
Francimand's Killer
ESCAPOLAIRE

Diplòma Nivèu A2 d’Occitan Gascon


Qu’ei aqueth diplòma ?

Lo diplòma d’escapolaire que certifica un nivèu elementari en occitan gascon modèrne (A2 deu QECRL)
Emparat suu Quadre Europèu Comun de Referéncia tà las Lengas, que guaranteish un tribalh de qualitat : lo diplòma d’Escapolaire que poderà vàder un certificat de competéncia reconeishut com ua sòla seriosa en lenga taus emplegaires per exemple…
Tà daubuns, aquera reconeishença en lenga que hè hrèita, e viste !

Quitament tau plaser, un « diplòma » d’occitan que pòt arrepresentar e vàler hèra.


Data e Modalitats :

La tienuda d’augan que serà lo dissabte 16 de junh a Pau
Au nivèu « administratiu », ua participacion de 10 euros qu’ei demandada.
Ficas d’inscripcion dab totas las informacions que seràn estampadas tà’s poder inscríver.

Lo CFPÒC que’v convida a l’amassada d’informacion lo divés 11 de mai a 6 òras deu ser a l'Institut Occitan, castèth d'Este a Vilhèra.


Quin se debana ?

Los Candidats :
« L’Escapolaire » que’s vira de cap a dus publics :

- D’un costat, de cap taus mainats de 10 a 15 ans (CM1 – 4au)
- D’un aute costat de cap taus joens e taus adultes (aprenents o pas).


Aprestar « Escapolaire » :
Com tot diplòma, « L’Escapolaire » que s’apresta : cada an un programa de tres òbras qu’ei causit.
Totun, per proposar ua tienuda en junh de 2007, augan lo programa qu’ei alèugerit :

· Taus mainats : Sauvar la Cristal ! de Joan-Miquèu Dordeins. IEO, 2003.

· Taus joens e adultes : Miratges d’Albert Peyroutet. Reclams, 1996.
Pr’amor d’estar un recuélh de novèlas, 5 (que n’i a 8 en tot)
qu’estón causidas : Miratges, Lo secret deus cagòts, Los curs, Lo gatòt, Lo huec roi.


« Escapolaire » que demanda donc un tribalh personau, mes :

-Que poderatz participar a pausas com amassadas tà parlar deus libes, responer a questions etc…(data(s) e hrèitas de definir amassa)
-Estagis « Parlar » que permeteràn, tà’us qui ac vòlen ua practica mei intensiva de la lenga.


Lo dia de l’espròva :
Taus uns com taus autes, l’examen que’s debana en duas partidas :

- Ua avaloracion escriuta : lo candidat qu’a 45 minutas tà léger (de votz baisha) e compréner un tèxte* de +/- 300 mots. Que’n tira las idèas màgers ; qu’ei mei que mei un tribalh de reformulacion.

- Ua avaloracion orau : lo candidat qu’a un navèth tèxte* de + / - 300 mots. Que’u lei un còp de votz baisha puish de votz hauta autant plan com posca! Qu’ei la soa capacitat tà har tringlar la lenga qui ei « jutjada ».
Puish, lo candidat que respon a uas questions dens ua lenga simpla e clara. N’a pas de prosejar òras e òras !

Tots los tèxtes que son gessits de las òbras au programa !


Qu’est-ce que le « Diplòma d’Escapolaire » ?

Le « Diplòma d’Escapolaire » garantit un niveau élémentaire (A2 du CECRL) en occitan-gascon moderne.
La référence au Cadre Européen Commun de référence pour les Langues (CECRL) est un gage de sérieux : le « Diplòma d’Escapolaire » se veut un certificat de compétence reconnu comme une base solide en langue.
C’est un outil tangible pour les employeurs, les salariés…
Beaucoup ont besoin, et rapidement, d’une reconnaissance en langue : que ce soit pour évaluer un apprentissage ou valoriser un savoir.
Même pour le plaisir, un « diplòma » d’occitan a une grande valeur.

informacions : www.cfpoc.com

Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum