Una recepta per los provençaus perqué quò deu estre mai aisat de culhir las esparguetas sauvatjas per ilhs que per los lemosins.

'Na recepta tota aisada de far :
- quauquas espargues verdas o b'etot de las sauvatjas
- 'na padena
-dau burre o d'òli
-dau pebre
-'na 'lissa

Botatz lo fuòc sos la padena, quante 'la es chauda, un bocin de burre o de l'òli (quò vau mielhs emb dau burre, mas bon, a nòstra epoca, i a de la gent enregimats e l'òli passa mielhs).
Botatz las espargues, pebratz un còp, 5 minutas aprep remudatz las, tornatz pebrar, botatz l'alissa, boiratz un còp, tuatz lo fuòc e...

minjatz.