Es vertat, sabi que lo nom sol vos va pas téner boca fresca, mas vos asseguri que val lo còp de lo tastar, ja qu'es deliciós, del país e de plan bon far!

Pelatz una dotzena de patanas, fasètz-las còser al banh maria e espotissètz-las per ne far de purèa. D'aquel temps, mesclatz quatre uòus, lo chuc d'un limon e tres cents gramas de mèl, qu'ajustaretz pauc a pauc a las patanas. Puèi, susposcatz de raspadura de pan e botatz-i un rajolat d'òli d'olivas. Fin finala, i a pas pus qu'a daissar lo tot al freg e çai sètz!

Notatz qu'es plan pesuc e qu'un bricon sufís a vos emplenar la pança... o a vos far venir lo vòmit! Bon apetís!

Òc-es, es pusleu un plat d'ivèrn !
Mas perque pas, io m'agrada los dessierts au miau e las pompiras quò vai bien dins los gateus, alara...