La vila de Montpelhier lança un grand concors per far que leis estajants de nòstra bòna vila inventessan una recepta tipicament clapassenca. Estonant, non? Cercarian-ti a defugir son eimagi de 21en arrondiment de Paris?

An besonh d'inventar una recepta ? I a pas ja res de tipicament Montpelherenc ?

E ben! Quela paubra vila d'a Montpelier se ne'n pren plen la gola sus tots los forums (occitans o pas)... li sei mas 'nat dos o tres cops, e jamai mai de 'na jornada, la vila me paresset esser genta, brava, multicolora, ensolelhada, richa d'un plan riche passat (notadament ambe l'Universitat)... pertant ai estat, daus cops, temptat de la prener com'argument per ilustrar mos perpaus occitanistes, e coma marid'eisemple...
Los occitanistes li son mautratats mai qu'alhors a Montpelier, cresetz? Quo siria piger que dins los 3/4 de las autras vilas occitanas?
Quant'eria 'nat a Montpelier lo pumier cop, me sentia dins 'na vila meridionala coma d'autras... mas a força de legir e auvir tant de mau sus quela vila, comence seriosament a me ne'n far un orr'imatge...
Se los Montpelierencs (de mai occitanistes) començan ilhs-mesme a ne'n dire dau mau, qu'es fotut! Comprene plan que quante criticatz Montpelier, criticatz l'elita, l'administracion, la mairaria eca, mas l'amalgame comença de se far dins las testas dau monde que coneissen pas ben la vila (coma me).
Foldria pas, tot de mesma, qu'un joune occitaniste montpelierenc de 16 o 18 ans n'aja vergonha d'esser montpelierenc en ribar sus un forum coma Occitania... quo siria greu, quo siria balhar la victoria aus franchimands parisianistes que semblatz ne'n esser envasits dins vostra vila...
Dins l'occitanisme, i'a tres vilas que tornen totjorn dins la conversacion : Tolosa (aaaaaaaaa, nostra CAPITALA!!!! ), Montpelier (aaa paubra vila, completament parisianisada, pus p'una specificitat occitana, completament venduda, perduda...) e Clarmont d'Auvernha, a non perdon, Clarmont degun ne'n parla...
Pense que fau pas, sens vos comandar, amics montpelierencs, trop entretener quel' imatge de vostra vila, se de non un jorn vendra podretz pus la tornar prener!

Matieu, perqué dises aquò ?

Ieu, m'agradariá pas d'èsser montpelherenca e de legir, coma ditz Tiston, tant de mal sus ma vila (vila parisenca, sabon pas parlar occitan correctament, a pus res d'occitan… eca…)
Cresi que deu pas èsser aisit de :
1/ se far completament colonisar pels parisencs (3 oras de París, lo solelh, la plaja pas luènh…)
2/ aver una vila occitana (de fait !) mas mal reconeguda istoricament (pas de « passat istoric lengadocian » visible coma a Carcassona, Tolosa, crosada, tot aquò… que facilia plan la possibilitat de se dire vila occitana, sens gròs esfòrç de far)
3/ aver un universitat, coneguda per lo fait que s'i apren l'occitan, se fa criticar, seriá responsabla de fabricar de locutors de « Pau-Valerian » (una mena d'occitan aparentament artificial)
e, fin-finala… 4/ ben èsser montpelherenc, de Montpelher, fièr d'o èsser, e se dire occitan !
E ben bon coratge, pichon bassòl… bon coratge…

Seriosament, Tiston a rason, lo mian occitan es ben missant amb los montpelherencs/bassòls e per extension lengadocians… (mas macarèl, de qué vos an fait ???)

Boh, es pas aisit aisit d'ester bordalés tanpauc, mes quitament se lo Juppé o la còla borgésa deu quartèr deus Chartrons son pas tròp occitanistas, ensajem de har quauqu'arren ...

Pas piei qu'alhors io tròbe. Se fau lo compte, sus queu forum, son surtidas las ideias que :

-A Montpelhier son daus parisencs
-A Bordeu son daus borges
-A Pau son daus cons (los biarnes son limitats)
-A Marselha son daus fenhants de marrida fe
-A Tolosa se cresen (Tolosa capitala...)
-A Clarmont... e ben... a Clarmont i a degun, podem ren dire...

Avetz pas l'imrpession que utilisem los mesmes "clichés" sus las vilas que Paris ensaia de nos fotre en testa ?

Personalament, ai totjorn far que "passar" a Mtp, mas a priori ai ren contra quela vila, mon jutjament esperarà que l'aie visitada un pauc mai pregondament.

Perpausi Clarmont coma capitala de l'Occitania

Longtemps crotzèi mas daus parlaires de Pau-Valerian, qu'avian 'na militança praticada coma si qu'era un job de GO dau Club Med ; me sadolavan. Eran lo sol imatge que m'era esta balhat de Montpelhièr e auria reagit coma MatieuC. Aura que trabalhèi amb 'na dròla qu'era passad per quí sens èsser membra dela secta, vòle bien eschivar de lor sogalar dessur a quilhs paures bassòls. Totparrièr sentisse un biais de se creire refernciaus perqué son au mitan dau país que me fai totjorn orsar los piaus. Trape deguna autenticitat chas ilhs (quilhs de las vilas gròssas), amai dise tamben dau mau daus tolosans sus quela basa. Tolosa capitala, ne'n suei tornat dempuèi qu'auviguèi desblaterar lo Sicre. Clarmont presenta dau mens l'avantatge d'existir tras lo cliché ; Limòtges, la citam pas jamai, allèra que me sembla 'na vila d'importença plan magèr rapòrt a Montpelhièr. Deve èsser un pauc gelós mas assumisse.

'Na recepta titpicament clapassiana ne'n deu ben aver ò allera queu concors los enfonsara un pauc mai dins lo cliché « vila en carton que tot i es estat petaçat au segle XX. »

Avetz desbrembat Besiers (fasia bel temps) onte una annada sul Vilatge Occitan de la Feria i'avia una Calandreta que servissia lo "Vertadier Ragout d'Escobilhas" quora om sap lo sisteme del Ragot d'Escobilhas aquo far pissar dins las bragas, non pas de paur mas de riser

Aprep per las bonas adreiças restaurant a Mtpl vos conselhi la cronica d'Arte sus RLO Mtpl

Non Sofia ne vas pas díser causas atau suu mon d'Aush, que't rapeli dens lo Baish Armanhac ne sèm ni deu Gers, ni de Lanas, ni de França, simplament deu Baish Armanhac. Los qui vòlon coneisher las vilas deu Biash Armanhac : Nogaro, Manciet, Casaubon, Estang, La Bastida d'Armanhac, Vilanòva de Marsan, Mont Guilhèm o Lo Hogar. Mèi qu'un nom, un païs !
Que cau anar sus Facebook que ja lo F.L.B.A (Front de Liberacion deu Baish Armanhac).

E lo mond de Sijan ? Lo primièr que me parla de la resèrva .

ehh non mes jo que soi vaduda a Aush

Prauba de tu e prauba de jo que soi vasut au Mont dens las Lanas e lo hrair, eth au mens qu'èi vasut a Estang (643 personas en 1999).