Los chauvetz

Los chauvetz

Las chastanhas son entamnar per un còp de coteu. Elas son grilhadas dins una pedarsa (una padela a cròs) pausada sus un fuòc (defòra o dins la chaminada) o dins un plat au forn emb un bocin de burre. Poce Levat

A noste las castanhas grasilhas que s'apèran las iròlas. E qu'ei bon diu vivant ! Benaise

En Lemosin, las fasem blanchidas. Quo es un pauc mai long, mas quo es cent còps melhor !
Las fau 'massar (evidentament... Vergonha

) e las far trempar dins l'aiga bulenta, apres aver enlevat la prumiera peu (la peu negre). Sabetz, dins las chastanhas (coma dins las notz) çò qu'es chiant a enlevar, quo es 'quela peu un pauc cotonosa que las sarra, entre la charn e la "ruscha".
E ben, nautres avem la "tecnica" : enfin, l'instrument adaptat, direm...
Quò s'apela un boirador, e vos aimariá botar una fòto, per çò que a descriure quo es pas simple.

Bon, enfin, anem ensaiar : vesetz dos bocins de bois, de un metre de long, carrats, clavats ensemble en lur mitan (pòden bolegar d'avant en arrier, donc). En bas, son talhats per de las entalhas.
Fau donc botar las chastanhas crudas dins 'quela aiga dins lo topin, e bolegar lo boiradis (boirar, qué !). A la riba d'un moment, l'aiga chauda e la manòbra ajudent, las peus s'en van totas solas.
E se sabetz plan far, vos demòra de las chastanhas entieras, redondas, blanchas coma un enfant juste nascut !

Ma granda-mair l'i bòta de las fuelhas de vinha au fond dau topin, per saborar, e mai quauquas pompiras novelas (quò lur balha lo gost de las chastanhas e de la fija...incomparable... e puei, quò empescha las chastanhas de tochar lo fons dau topin, ente i a tota la sòbra de peu crasmadas...).

Citation:

En Lemosin, las fasem blanchidas. Quo es un pauc mai long, mas quo es cent còps melhor !
Las fau 'massar (evidentament... )

E m**da, aviá preparat quò :
Las chastanhas blanchidas
-de las chastanhas sens los pelos.
-de l'aiga.
-un topin e los boiradors (2 batons en crotz atachats au quart inferior).

Pelatz la gròssa peu de las chastanhas lo seir (o ser ?) en escoutant la radiò.
Fasezt chaufar de l'aiga.
Versazt la dins lo topin sus las chastanhas.
Boiratz emb los boiradors cinc a dietz minutas.
Lavatz las emb una novela aiga chauda.

Aquí avetz la base. Me las aime coma quò :
Dins una brasiera en fonta, disposatz dins lo fond dos pompiros, cubrissetz emb las chastanhas blanchidas, una pincada de sau e un veire d'aiga.
Cubrissetz emb lo cuberclo e laissatz cueire demia-ora a pus prep. vidatz l'aiga e regalatz vos.

Ben, m'en torne Dormida

Coma disem, vau mielhs dos còps que pas un ! E aquò vòu dire que los grands esperits lemosins se rencontren sovent ! Poce Levat

Sei pas un rapide mas qu'es fach, de retorn dau país, ai botat de las fotòs de boiradors sur mon joèb.

Quò seriá plan de las aver 'qui tanben, coma quo es pas forçadament aisat a se representar.

Sabe pas coma far. Chas me, "Serving" marcha pas amb los Linux & Operà, aquí sei au bureu, mas sens las fotòs Tusta-Paret

.
Ai maitot fach una pita videò, vau la botar sur lo joèb dins la setmana, si v'autres sabetz o voletz la botar sus youtube o dailymotion, quò será possible.

Lo liam es aquí

http://rapieta.nireblog.com/post/2008/01/06/los-boiradors-lo-film