Quò es la plena sason per 'quela recepta. Vos fau per dietz binhets :
180 g de farina - 1 uòu - 50 g de sucre ne'n podra - 100 ml de lach - 150 ml de bièrra blonda - 1 sachon de de sucre vanilhat - de la sau (una pincada) - de l'òli per la padelada - las flors dau cacier ;-)

1- Fasetz chaufar lo banh d'òli (dins la padela nauta o dins una caçairòla)(max 180°c).
2- Dins un ensaladier, botatz la farina, la sau e vos fau far un pitit potz. Dins queu potz, adjunhetz l'uòu, lo sucre, lo sucre vanilhat e boiratz lo tot.
3- Apondetz le lach, la bièrra. Foetazt un momenton per rendre la pasta lisa. Daissatz posar 15 minutas.
4- Secodatz las flors per las netiar e far tombar las pitas bèstias.

Per far los binhets :
5- Prenètz una grapa par la chamba e botatz la dins la pasta puei dins la padela plena d'òli 3 minutas de chasques biais. Far 2 binhets a la vetz.
6- Apondetz un pauc de sucre (o b'etot dau sucre glaça e minjatz tant que qu'es chaud.

Cacier ? Chas n'autres disem enquera l'acaciá... (quo es per los qu'aurián pas compres lo mot...)
Ajuste que fau que las flos sian justa dubertas, quand quo es en boton, quo es pas bon (amar), e quand quo comença de tombar las flors, quo ven toxic...

Dins lo mesme genre, e emb la mesma pata, podem far dau bunhets de seicau (saüc/sambuc, lo "sureau" en frances), quo fai un especie de parasòu, aqui trempat tot entier dins la pasta e l'òli, i a de que minjar.
O alara en crespas (fau enlevar totas las flors de l'ombela e las far trempar dins la pasta).
Chas n'autres, quo es sovent que minjem los dos a la mesma sason (per indici, aqui la sason se 'chaba).

"cacier" quò es ma mair (la charenta adonc) que lo me balhet, mas dempuei ai legit un pitit tèxte de Chapduelh :
Los bunhets d'acàcia...

Pense aver fach de l'iperlocalisme sens lo voler

Perdon ;-(

Las ei mancada aquesta annada las flors d'acacià ...