Quò es la sason de las nesplas, veiquí tornada las confituras dau chaçorculhor.

Fau massar de las nesplas bledas (aprep las prumieras gialadas, son moflas e la charn es bruna). I a tres faiçons de far per ostar los nogeus :

1 - las pialar emb un coteu e botar los nogeus de biais (quò marcha ben quant elas son pas pro maduras. Los nogeus e la peu van au borrier.

2 - ostar lo restant de la flor e pressar per far surtir la char e los nogeus dins la caçairòla. Aprep cuecha, faudrá passar lo boiradís au molin.

3 - la metòda de lo coá dau margaud. Quò es de dire de prendre la nespla per la coá e la bradassar d'aici a veire los nogeus tombar. Quo es pas sens garentida.

Bon, aprep quo es coma totjorn, per 1 quilograma de fruch :

- 500 gramas de sucre blanc o b'etot cassonada
- lo suc d'un citron
- un pitit veire d'aiga
- de l'òli de cobde.

Cueire d'aici a aver 'na pasta espessa. Tuar lo fuòc e botar la confitura dins los topinots, barrar fòrça-fòrçada e virar los pòts.

Las variantas son :
- de ne pas botar l'aiga e de far cueire mai longtemps. La pasta deu èesser fòrça espessa per l'estendre sus 'na 'sieta e l'esbocinar. V'autres avetz 'quí : de la pasta de fruchs.
- d'adjúnher de la vanilha o de la cardamòna dau temps de cueisson per la gietar aprep, dau ròm o dau cognac.
- de pas obludar de passar la pasta dins un molin per ostar los nogeus se v'autres los avetz laissar. Autrament

de que son las nesplas?

cresi que ai trovat:nèfles.'cos aquo?

òc es. De las nesplas o b'etot de las mèsplas / mespolas per la gent dau sud.