Sabi se coneishetz ua emission de duas o tres minutas que passa cada ser sur França 2 o França 3. Qu'ei desbrembat lo nom, mes qu'es ua emission ont ua colheta-pampan sab pas jamei com har tà cosinejar "dieteticament" e ont ua auta colheta li explica teoricament e un "chef" li muisha ua petita receta de merda !

L'aute dia, qu'ei vist ua receta de las bonas ! La Mayonnaise !

"-Mes i a tròp d'òli dens la maionèsa ! Qu'es pas bon per lo hitge !
-Mes non colheta ! çò-digó lo chef. Te vau muishar lo mon secret de familha ! Dens aquèra maionèsa, i a sonque un chicòt d'òli ! Qu'ei lhevat dus blancs d'ueus en nèu, e atau, la mia maionèsa qu'es onctuosa e que mossa !
-Quina bona idèia Cap-Colhon !"

Ua maionèsa shens òli ! Quina vergonha ! L'òli, b'es l'arma de la maionèsa ! Lo crestianisme que'ns volèva har créder a un òmi que se sega pas jamei, e adara la television que'ns vòu har créder a ua cosina shens gràs ...

La setmana que ven, que vederem com har un aiòli shens alh ! Ah ben òc, pr'amor l'alh, que pud !

Adieussiatz,

Dins la seria França 3 diffusavia far qualques anadas un dacòs que se disia "Zapping du monde", e i'avia una emission saborosa especialisada dins la cosina francesa amb causa maravilhosas, mention especialas per 3 receptas le "Kokovin" (galinet a las ormonas al vinagre de California de la mena "Nightrain" (vin que bevon los que fan mandigot al USA magnificiat per Guns'n'Roses dins un troç del lor primier disc "Appetite for Destruction"), la "Solmeunier" (peis estranh a la margarina) e lo "Bwiencrout" (fromatge dins de pasta fuelhetada ja presta).

Me brembi qu'a d'aquel periode amb un amic que dormissia a l'ostal, evitavian "La Cosina del Mosquetaris" que nos balhavia talent (erem totes dos caumaires doncas acondemnats a las pastas a l'aiga) mas mancavian pas un episodi d'aquel que nos passavia la talent e nos fasia faire l'economia d'un repais.

Bon profiech

Cedric