Confitura agra-doça - la sauvatgina

'Quo es pas tot de ramassar de las sauvatginas St Jan enquera fau-t-eu en far quauquaren.

Alaidonc, ma prumièra confitura agra-doça.
Veiquí per 1 Kg de fruch, çò qu'ai 'massat :

los fruchs lavats e copilhats en quatre bocins (fau gardar los pepins, la peu).
800 g. de sucre.
4 g. d'agar-agar (la mesura es de 4g. per 1 Kg).
3 culheras de vinagre de citre (lo "Xeres" fai l'afar, maitot).
lo jus d'un citron.
de la cardamona.

Dins un prumier temps, fau far cueire, fuòc fort, las pomas esbocinadas emb la meitat dau sucre, dietz a quinze minutas (juscanta poder las molinar). Aprep, fau las passar dins un molin, justamant :-)

Aquela purèa, fau la tornar sus lo fuòc, reglat doç 'questa vetz, per quaranta minutas de cueisson. Botar lo vinagre, lo citron, la cardamona maitot dins lo topin, puèis boirar tota la cinc minutas environ. La cueisson es lenta, 'quò sent bon e v'autres setz benaise.
Escumatz donc un pauc ! Non pas sinar coma se eriatz aprep vos droguar, paubres pitits.

Dins un veire, botar 4 g. d'agar-agar, lo descalhar emb un pauc d'aiga e botar iò dins la topina. Far cueire 2 minutas de mai sens dobludar de boirar.

Tuar lo fuòc e versar la confitura dins los pòts, pas sus los flancs, los barrar e los cuar tota 'na jornada.

Dins la seconda cueisson, podetz pebrar o metre un batonet de canela.

_________________
http://rapieta.nireblog.com

(\_/)
=°·°=
|")_("|

Grandmercé, Clafotis, qu'aquò sembla plan bon! N'en as encara, d'aqueste confitura?

(m'en bau comprar lo pan, vendre l'ostal e

m'en veni en Lemosin, s'as un cotèl, farem de tartinas!

)

_________________
"Sem pas aquì per ti faire cagar,
anem solament discutir e cantar"
Massilia Sound System
"Emai, sem pas 'qui per far de lingüistica mas per se far d'amics."
Maime

E paubreta, i sei gaire en Lemosin, mas dins 'na permenada pòdes culhir mai d'una planta per minjar. Dilun, i aguet 'na confituréjada chas me per gostar de las receptas balhadas aquí sus lo forum o sus mon joèb.

Per lo son d'aquela serada, coma lo forum es pas jamai estat classat « X », vau metre que quauquas letras, per enuiar degun :
- Aaaa ------ aaaa,
- Purea, -- es bon,
- De las pometas dau --- , geniau,
- -- mon diu.
- balha me -- còp de sauvatgina

_________________
http://rapieta.nireblog.com

(\_/)
=°·°=
|")_("|

Oh pecaire! Pobre Clafotis! Lo sabiai pas, ieu, qu'eravas tal luenh de l'ostal.

Per un còp, vau escriure un pauc de francès :"Eh bien moi, je t'irai, porter des confitures!" (per Victor Hugo, podem faire una pitchota exception

Corage, Clafotis, sem aquì ambe tù!

_________________
"Sem pas aquì per ti faire cagar,
anem solament discutir e cantar"
Massilia Sound System
"Emai, sem pas 'qui per far de lingüistica mas per se far d'amics."
Maime

Tavaneta a écrit:

Oh pecaire! Pobre Clafotis! Lo sabiai pas, ieu, qu'eravas tal luenh de l'ostal.

Per un còp, vau escriure un pauc de francès :"Eh bien moi, je t'irai, porter des confitures!" (per Victor Hugo, podem faire una pitchota exception

Corage, Clafotis, sem aquì ambe tù!

Ne't hascas pas maishant sang tad eth, qu'a dejà monde qui'u pòrtan pometas. De las rojas, que crei.

Lo ton vesin a écrit:

Ne't hascas pas maishant sang tad eth, qu'a dejà monde qui'u pòrtan pometas. De las rojas, que crei.

Aquò va plan, qu'ai pas besonh de viejar, ara : me vau maridar al fin qu'aquesta setmana (serai pas tròp aicì sus lo forum, ailàs!). Aquò's pas lo moment de jogar las marastres ambe mas pomas!

_________________
"Sem pas aquì per ti faire cagar,
anem solament discutir e cantar"
Massilia Sound System
"Emai, sem pas 'qui per far de lingüistica mas per se far d'amics."
Maime