Estivada 2009

Bof...

Òc, bòh.
Urosament que i seràn quauques uns d'ací, dilhèu, qu'es la sola causa qui'm balha l'ahida de viéner.
Los Golamas'k que van sauvar la programacion musicau.

Vesi pas cap de film en occitan, poiriá èsser polit d'aver aquò non ?

L'an pas un pauc escorchida l'Estivada?
Nivèu musicau, Rassegna es un bòn grop, mai lo tot mi sembla un chícol leugier.

En ligent l'article ai l'impression qu'an la volontat de far encar un autre festenau que vòu petar mai aut que son cuou, en perdent fin finala tot çò que fa sa singularitat.
A escupir sus son public costumier acabaràn per si veire crear alhors un eveniment concurrent de pes, e seriá meritat.

Very bof ..

La presencia de la pop star Natasha Atlas vos estona pas mai que 'quò ?

Mièja bèlga, mièja egipciana, mièja anglesa, es vertat que vesi pas tròp que fas aicí la paure.

Que vien representar la "diversitat". E oc, la diversitat qu'ei per fòrça quauqu'un qui representa ua minoritat gessida de l'imigracion. E puish, que cau drin de hrancés totun, qu'èm en Hrança.

Jo çò qui m'estrambòrda mei qu'es la preséncia de Nadau

Bojarron, qu'as rason. E per un còp, que pensi que la programacion de Hestiv'òc pòt estar mei bona que la de l'Estivada.
Que i a enqüèra un pauc tròp de terrader bearnés.

Se i a un Hestiv'Òc... e per lo moment, non...

ne sabi pas on ei legit aquo, mes n'i aura pas d'hestiv'oc per 2009

Danís a écrit:Se i a un Hestiv'Òc... e per lo moment, non...

Hestiv'Òc: A priori malgré les galères de sous, ça se fait ... mais avec budget serré.
Estivada: Moussu T e lei Jovents en première partie, sur la même scène que ....Natasha SaintPier: c'est un scandale!!

Qu'ei oficiau: i aurà un hestiv'òc 2009, organizat tot parièr com las annadas passadas.
Ne son pas problèmas de moneda mes conflictes intèrnes. La mairia qu'a insistit e qu'ac hèn donc com previst.

Mei de precisions en escotar Ràdio País doman

Ou lo mond! Me semblatz un pauc "blasé"... Vesi de grops coma Bric a Drac que son excellents, o Sono loco que van far petar los acofenas (existis aquo?). Ieu trapi pas aquo tant poirit (amai per un cop que i podrai venir normalament...)

Io tròbe efectivament pas 'quò tant catastrofic. Enfin, m'esperava a pieger. Efectivament, los tres concerts dau darrier ser prometen d'esser plan, emb Brick a Drac, Sonoloco e Goulamas'K.
Espere tanben de veire Trigomigo, Mosaica, Peio Serbielle... mas la programacion demòra fòrça classica si que non (enquera e totjorn Lopez, Tisner, Fraj, Miquel Gil, Moussu T), quitament se son daus artistas que m'agraden. Vòle dire tanben que a priori vese pas d'espectacle poirrit, segon mos gosts personaus, e aquò quo es una prumiera.

Mas Natasha Atlas, comprene pas çò qu'ela fai 'quí...

IEU a écrit:(amai coma aquest an siái segur de venir...)

Òu putanier emb tot lo camin que ti fa?

- Ieu es pas tant aquest an que mi lanha, que sembla que lei cauvas si debanaràn mai ò mens coma de costuma, mai per l'an que ven si podèm pausar de questiens...

Bojarron a écrit:

IEU a écrit:(amai coma aquest an siái segur de venir...)

Òu putanier emb tot lo camin que ti fa?

Sas que lo problem es pas jamai estat aquo marrida lenga! (n'i a que trabalhan l'estiu!)

Segur que per l'an que ven, esperi qu'an ja de pistas per saupre ont aquo se va far.

hahaha es per aquò qu'ai chausit la prima!
Bòn, coma que siegue mi farà ben plaser s'arribes a ti desliurar dau tps dei vacanças, maniera de far un pauc fèsta

Mertyl a écrit:Mièja bèlga, mièja egipciana, mièja anglesa, es vertat que vesi pas tròp que fas aicí la paure.

Quò te fai 3 meitats, e te fas lo picon-bière-citron-curaçao amb quatres tèrc

Bojarron a écrit:L'an pas un pauc escorchida l'Estivada?

quora qu'es pas 'na "biennale" quò es totjorn entau.

Arf… i a pas gaire que lo divendres que me tenta, de primièra vista…

Danís a écrit:La presencia de la pop star Natasha Atlas vos estona pas mai que 'quò ?

Ieu m'agrada sa musica, alavetz, perqué pas ? Es pas de musica occitana, mas completa la serada amb Moussu T (senon, francament, i a pas de que de deplaçar fins a Rodés !!)

IEU a écrit:o Sono loco que van far petar los acofenas (existis aquo?)

Per curiositat, tanben, perqué pas ? Escotèri qualquas cançons sus Myspace, m'agradariá de ne coneisser un pauc mai…

Bon, anèm… 2 seradas… lo demai… moarf…

Descubriguèren Tres a cantar au moment que se 'restavan. Descubrissen Sonoloco en 2009, urosament que ne'n an pas 'gut pro de chantar dins lo desert pendent 6 ans. Los organisaires me semblan pas dau mai aventurièrs ! Sabe que ne'n fau per tot lomonde mas quò es pas 'na rason per visar lo Rock 'n Roll ren-mas quora demòra pas d'autra solucion.

Ai recuperat lo lor album, es plan simpatic.

Matieu a écrit:Qu'ei oficiau: i aurà un hestiv'òc 2009, organizat tot parièr com las annadas passadas.
Ne son pas problèmas de moneda mes conflictes intèrnes. La mairia qu'a insistit e qu'ac hèn donc com previst.

Mei de precisions en escotar Ràdio País doman

Tè, mi siau perdut ton telefòn. Aurias pas un contact dins l'organisacien de l'Hestivòc ? Ai de causas de li prepausar.
Pos repòndre per MP se vòs, ò mi sonar s'as mon numèro.

Ensagi de contactar de mond per difusar lo film Grand Torino amb de sostítols en occitan, mas ai pas cap de responsa pel moment de l'IEO 12 nimai de l'estivada.

Mertyl a écrit:Ensagi de contactar de mond per difusar lo film Grand Torino amb de sostítols en occitan, mas ai pas cap de responsa pel moment de l'IEO 12 nimai de l'estivada.

Ti faudria bessai començar de contactar la societat qu'a lei drechs de difusien dau filme en França.

Mertyl a écrit:Ensagi de contactar de mond per difusar lo film Grand Torino amb de sostítols en occitan, mas ai pas cap de responsa pel moment de l'IEO 12 nimai de l'estivada.

Danís a écrit:La presencia de la pop star Natasha Atlas vos estona pas mai que 'quò ?

Non, quò m'estona pas mai que quò. Me sembla que fai part de l'exotisme ideologicament correct costumièr dins lo mitan :
« visatz si sèm de las bravas gents, dubrissèm la programacion a l'autra riva de la miegterrana. »

Quilhs que passèren a Tolosa a la davalada dempuèi 2001 auran 'gut drech aus « Orients d'Ocitanie » a totas las sauças. L'eideia de basa me geina pas, m'i coneisse quitament. Per contra son usatge sistematic pòt venir conflant, quò mena a mostrar qu'avem 'mas la posibilitat de trapar de las star en defòra, que n'avèm pas n'autres. La presença de cabrel l'an passat era calculada entau : trapar quauqu'un qu'a 'na notorietat mai granda que los artistes estampilhats « occitan »
Amai, tan que sèm a daus convidats de mai luenh i a un « club daus acceptables » (Magrheb, Países Catalans, eiretièrs d'Al Andalus e assimilats) que son cool de mostar en davant. Per contra lo demai d'Euròpa dau Sud es tant daissat de costat que dins los autres eveniments exagonaus. A creire qu'a l'Est de Coni existís pus ren ! Me sembla un pauc snob. Las gents de la riba Sud son daus cosins, solide, mas pense qu'obludam suvent quilhs que son lo long dau Danube.

Oèi, se passa coma se França avia pus de sud, puèi qu'es fòrçada de n'anar cercar un delà la mar. Un sud un pauc teoric : tolerant, dobert e tot aquò, una invencion polida. Lo politicament correct asseptisat se remira lo monilh. Aqui dedins Occitania sentis trop a l'alh, aquò fa pensar al projecte de Marselha capitala culturala.
E soi d'acòrdi ambe tu a perpaus de l'ausencia d'Europa de l'Est, es plan damatge. Aqueles tamben fan taca, son pas "proprets", son comols de nafraduras, de la dificultat de viure ensems, an quicòm desparrièr de dire que lo bòbò parisenc (amai deslocalizat) a pas gaire enveja de se faire cagar a escotar.

Matieu C. a écrit:

Mertyl a écrit:Ensagi de contactar de mond per difusar lo film Grand Torino amb de sostítols en occitan, mas ai pas cap de responsa pel moment de l'IEO 12 nimai de l'estivada.

Ti faudria bessai començar de contactar la societat qu'a lei drechs de difusien dau filme en França.

Pensi pas, aquò pòt se far amb los cinèmas de la vila de Rodés non ? Mas me vesi pas tròp telefonar a un cinèma e dire : òc voldriái difusar lo film Gran Torino amb mos sostítols en occitan, volètz plan ?

Vau tornar mandar un corrièr electronic a l'estivada per veire.

Mertyl a écrit:

Matieu C. a écrit:

Mertyl a écrit:Ensagi de contactar de mond per difusar lo film Grand Torino amb de sostítols en occitan, mas ai pas cap de responsa pel moment de l'IEO 12 nimai de l'estivada.

Ti faudria bessai començar de contactar la societat qu'a lei drechs de difusien dau filme en França.

Pensi pas, aquò pòt se far amb los cinèmas de la vila de Rodés non ? Mas me vesi pas tròp telefonar a un cinèma e dire : òc voldriái difusar lo film Gran Torino amb mos sostítols en occitan, volètz plan ?

Vau tornar mandar un corrièr electronic a l'estivada per veire.

Siau gaireben segur que non. Ò alora faudria que lo cinemà aguesse la licéncia dau filme. E puei, per lei sostitols, l'a encara un problèma de licéncia mi pensi. Aguer lo drech de traduire una òbra, aquò si paga.