Anem, veiqui, per far segre lo desbat. Lachatz-vos !

Que sèio que hei cagar, mes pòdi pas responer..

An pas compres que falia surtir dau Lengadòc per ganhar en credibilitat.MES SOI OBLIGAT D'ANA'I TAU TRIBALH ...

Alara te vau ajustar 'quela opcion...

Per lo moment, la majoritat es a "I anirai, mas pas emb plaser". Autrament dich, la solucion "vaselina"... mAs fasetz çò que voletz...

Qu'i anarèi, mes bon ... Es coma aquèsta AG de l'IEO que se hasó a Clarmont ...

Aquesta chausida es ren mai que la pròva de l'estupiditat deis occitanistas, au mens d'unei, de son incompeténcia, de son mesprètz per la realitat de la lenga.
Es un present fantastic donat ai gents que denegan la realitat d'òc.

Vai sensa dire que l'anarai pas.
Avem començat de ne'n parlar aier a l'Ostau dau Pais Marelhés e eriam d'acòrdi aquasi totei per pas l'anar e per escriure una letra - que servirà en ren, pecat - ais organisaires. Una letra qu'explicarà perqué la boicotarem aquela manif e perqué farem ren per sa publicitat e mai perqué encoratjarem lei gents a pas l'anar, au mens nòstrei sòcis.

Aquesto còp anarem ambé lei provençalistas, estent que son a Marselha e que li podem pas laissar lo terrenh. Siam a chifrar a coma li participar per far ausir la nòstra vòtz e lei nòstreis idèias.

L'OPM fai 'na letra, pense que n'autres farem un comunicat, ara qu'avem un bon resson, 'quò pòt esser nòstre ròtle tanben. A veire coma se debana lo vòte.

Vòs rire ? Son 3 a l'IEO Gironda, n'autres sem casiment 200 !

Aquo's pas francament un subjècte polemic. Tot lo monde amb qual parlèri a l'estivada èra d'accordi sus l'oportunitat qu'auria estada una manifestacion granda a Marselha. Vesi cap d'interès a tornar a Carcassona, ni en terme de visilibilitat, ni d'eficacitat, ni de facilitat per l'organisacion, nimai subretot dins un pseudo-simbolisme post-catar que apporta res de nou e nos menarà pas enloc. Mantèni doncas -tot lengadocian que siaguèssi- que Marslha per mantunas rasons ja explicadas dins un autre subjecte èra la ciutat ideala per aquel eveniment.

Aquo dich, vèsi gaire clara la tendéncia qu'es de moda d'aquesta passa de veire dins cada lengadocian un affros centraliste jacobin en potencia. I a d'ases en Lengadoc coma n'i a endacom mai... Merce plan de nos esparnhar los clichés ridiculs que servisson ren mai qu'atisar l'odi e appojar los arguments dels nostres detractors.


La question que me pausi ieu, es qual prenguèt part a aquela decision de la causida de Carcassona? Benlèu n'i a demès vautres que participèron a las acampadas, es que me poirian explicar cossi una decision tant pauc consensuala capitét d'èsser votada a la majoritat? Existis un lobbing carcassonès que baileja tot aquo?

L'ostau dau pais marselhés a mandat una lètra clara a l'ieo avans que la decisien fuguèt presa. Voliam PAS d'una autre vila de la regien lengadoc rosselhon. Per mantunei rasons.
Jà, fa dos còp que si debana ailà. E pensam que lo moviment occitan a besonh de mostrar a la França que la lenga occitana es pas la lenga solament dau lengadoc. Es per aquò qu'eriam d'acordi per anar siá dins Aups, siá en Provença, siá en Auvernha, siá en Lemosin, siá dins las Lanas, siá dins Biarn.
Ieu personalament, m'auriá tras qu'agradat una manifestacien dins Occitania Nord. Lemotges, Gueret, Clarmont, Briançon, Gap.
Perqué si parla JAMAI d'elei. N'ai pron d'aqueu moviment auto centrat.
E la segonda rason, es que cada còp, far una manif dins la regien lengadoc dòna ais associaciens occitanas d'aquela regien un argument de talha per demandar de subvenciens. Es aisit coma aquò de dire a l'administracien "vesètz, eriam 20 000", segur aquò dòna de credit. Mai per leis associacien que luchon en provença còntra la man mesa poletica dei provençalistas de drecha que dison pertot que l'occitan es pas de provençau e que lo provençau es pas d'occitan, aquò's un brave present de pas far la manif en provença.
Per totei leis associaciens deis autrei regiens talas que Lemosin, Biarn, Aups, qu'an un brave besonh d'aguer d'ajuda e de supòrt, aqui tamben gramaci per lo sosten.

Anirai pas a Carcasona, cieutat dei crosadas vò pas. Li anirai per mon plaser un autre còp, mai en aquela manif, esperatz pas trobar quauqu'un de l'ostau dau pais marselhés.


Per l'OPM. Rodin Kaufmann.

Soi hèra decebut, mes vos compreni, puish a qu'avem portat lo medish argumentari a l'amassada d'Anem òc ..

Belèu que lo prochin còp, escotaran un pauc d'autrei gens qu'elei mesme.

A Marselha si ditz una cava:

Quand parlam, avem parlat.

Basta

Per çò qu'en sabe, e estranhament, quo es lo Felibrige qu'a apuejat la "candidatura" de Carcassona. E tot lo monde a estat mai o mens d'acòrdi, que pas una autra vila se seriá desclarada presta a z'organisar. Cherchaven dau monde, en nombre sus plaça...

I credes tu Danis ? Jo francament.. sei pas..

Senhale au passatge que lo Conselh de la Joventut d'Oc, pus en nombre sufisent per assegurar l'organisacionau, s'es retirat dau colectiu un pauc avant la presa de decision.
N'autres dau forum que sem jòunes, se n'i a que son interessats, podem far una chausa : lo tornar prener, se tornar botar dins lo colectiu per apueiar nòstras ideias.

Tornar préner lo conselh de la joventut o crear ua associacion deu Foròm ?

Que pensi que los organizators ac averén volut har aulhors. Qu'ac sèi, que n'èi parlat dab uns d'eths. E ne son pas lengadocians. E en efèit, a Carcassona qu'èra lo sol lò on monde prepausavan d'organizar la manifestacion. Que m'mmèrda a jo tanben, mes que serèi. Per'mor que i cau estar.
Sonque si hèm ua manifestacion diferenta drin pertot en Occitania lo medish dia.

Einucent > non, èri pas a las 2 autres, perque :
• èri una pichona colhona (qu'aviá pas encara fach son coming-out) !
• la 2na foguèt lo meteis jorn que la manif contra l'EPR…
Ma sera contenta d'i anar aqueste còp, qualque vila que siá…

Mas cresi que Marselha es la melhora idèa, perqué es una granda vila (per la visibilitat, e la preséncia dins los medias), e Tolosa es pas possible (lo centralisme lengadocian, tot aquò…)

E mercés a Romegaire de veire pas en cadun lengadocian un « francimand d'òc » !