Ièr, èri dins Armanhac e gaitavi lo jornal regional amb la mameta e vegèri l'ancian deputat europenc verd de Tolosa Gerard Onestà. Faguèt una declaracion a prepaus del 14 de julhet e ben pòdi dire que m'espantèt. Segur trabalha regularament amb lo P.òc mas francament èra pas obligat de dire aquò e trapi plan.
Sabi es pas sovent que disi de ben dels politicians franchimands.
De veire. Sus la vidèo es a l'entorn de 7 minutas 30.

http://jt.france3.fr/regions/popup.php?id=b31a_1920

oc-es, bon... vese pas ço que i'a d'excepcionau... eu ditz pas de mau dau 14 de julhet, eu fai nonmas referencia (5 segondas) ad'un evenament istoric important dins vostra region... Onesta se ditz regionaliste despuei longtemps, vese pas ço que i'a qui d'extraordinari... eu parla mesma pas d'occitan qui, eu parla mas d'un fach istoric, conegut e reconegut, quitament per l'Estat francès... a la limita, dins la bocha dau Sarkozy quo auria estat mai espantant

Benlèu i a res d'excepcional mas per un còp qu'un politician franchimand parla d'una data importanta per nos e que los mediàs pel moment ne parlan pas brica mai s'es conegut. Segur es pas un eveniment gloriós per França. Plaça a mai lo 22 de julh davant lo 14. Per contra Sarkozy e sos amics es clar, ne parlaràn pas.
Quand pensi que lo Conselh General d'Aude volián comemorar la Crosada d'un biais festiu (si!) e que l'IEO-Aude a respondut : 20 000 mòrts a Besièrs, cresètz qu'avèm enveja de faire la fèsta ?
En tot cas ieu disi un pichon mercé al Gerard.

Ai jamai 'gut de probleme ideologic coma se, ne'n pòde pas dire tant d'autres membres dau partit. Balhat lo nacionalisme françès ambient, un típe qu'a sa responsabilitat que fai mainar que la celebracion dau 14 de julhèt es nècia e que vaudria mielh far coneissèr l'istòria de la crotzada, quò me vai.
Solide, la paraula « occitan » es pas surtida, mas de quèu costat sabèm qu'es un convinçut. Òu a pus ren de probar. S'interessa mai a l'identitat occitana que bien dau monde dins lo grop locau de Tolosa, a-s-Albi los coneisse pas.

Amai l'entrevusda era pas exactament sus quela question, òu la plaçèt, degun l'i oblijava pas. Se i a 'na chausa que trape de reprochar qu'es a 'quela jornalista de voler ren-mas saber se quò sirá Gerard la testa de lista Verd per emplaçar Malvy, la peoplesacion completa qué.