N'em pas de mala fe, qu'ei sonque que n'arribam pas a la cavilha deu ton engèni, que vòs ..

Que trobi eras toas remarcas interessantas, Zo.

zo a écrit:

Perqué lo monde legirian un jornal en occitan ? -Per se melhorar dins aquesta lenga ?

Perque pas. Mes tant qu'a har, autant vau abona's a ua revista literaria. Que pensi qu'eth but purmer d'un jornau d'informacion ei d'informar.

zo a écrit:

-Per aver las informacion (tipe La Dépêche) dins la lor lenga mairala ?

Oc. Mes quina sorta d'informacions trobam en La Depeche, o La Republique, Sud-Ouest, etc. ? Que son informacions hera locaus (compte rendut der'amassada generau der'amicala deths bolistas, resultats esportius de quatau categoria, rubrica necrologia...) qu'un jornau panoccitan sere en pena de concurrenciar, per definicion. De mes, quin La Setmana podere rivalizar dab maquinassas com aqueths dab ua equipa autan redusita ? I arribesse, que volere diser que 90% deths salariats de Sud-Ouest son en subernombre !

zo a écrit:

-Per aver d’informacions sus la vida culturala en occitan (o en general) dins lor canton?

medish comentari

zo a écrit:

-Per se passar un bocin de bon temps a legir la lenga ? -Per aver d’informacions sus politica occitanista o sus pòbles minoritaris d’endacòm mai ? Un dels problèmas mager amb la setmana, es que lo darrièr punt i pren una plaça disproporcionada, mentre que lo primièr o lo segond non son practica ment pas representats.

Vertat, que i a hera d'informacions d'aquera traca en La Setmana. Mes d'un aute costat, si n'ac haseva pas, arres n'ac hare. I puish aquera disproporcion que tien tanben ara paginacion redusita. Avossen mes de paginas, que soi segur que s'aubriren a informacions mes generaus. Sustot que ne'us interessa pas de har un copiat-pegat deras despachas der'AFP. Tant qu'a aver un jornau occitan, autant qu'aja ua linha editoriau originau. Mes redigir un article documentat dab un contiengut intellectuau que pren temps. Qu'ei normau qu'a dus (!) jornalistas n'ac poscan pas cobrir tot.

zo a écrit:

Doncas, òc-ben, podèm dire que La Setmana es un jornal occitanista, (al sens politic del term, es a dire que parla de l’occitan) e non pas simplament un media en occitan

Que soi d'acord. I que precisi, com Maime abans, qu'occitanista n'ei pas un termi infamant. La Setmana que's vira cap a un public occitan particular i redusit, d'eths qui an consciencia d'estar Occitans o de parlar occitan.
Perque ac he ? Que pensi que dab eth poc de mejans qui an, ne pot pas, denguera, har un jornau mes generalista. Denguera un cop, ne son pas que dus jornalistas a har virar eth setmaner, dab quauques collaborators regulars o ocasionaus. Per jo que tien deth miracle !
De mes, ne cau pas desbrembar qu'en Catalonha medisha n'an ua premsa en catalan que despuish poc de temps per'mor eth lectorat catalan n'existiva simplament pas.
Que podem ath mensh portar ath credit de D. Grosclaude qu'aja avut ua actitud ofensiva en gausant crear un jornau i sortir dera doctrina "mantenguer" deth felibritge.

zo a écrit:

Pel primièr punt, caldria quitar de se fotre del monde, es plan simple de metre en plaça un jornal atractiu, i tot un fais de monde que podrian provesir lo jornal amb de vira-lengas, d’expressions localas, de mots crozats e qué te sabi ieu ! Pel segond punt, sufis de revirar las despachas de l’Agence France Presse. Non demanda pas un trabalh enòrme. Cò mai complicat es lo tresen punt, demanda d’intervenents locals, mas bon, ja amb la seccions localas de l’IEO ,los municipis eca, se devria poder far quicòm (mas es pas sus aquò que La Setmana patis lo mai.)

Que son deja ajudats per benevoles (enfin que'm sembla). Mes eth temps deths benevoles n'ei pas eth medish qu'eth temps deths professionaus, qu'ei a diser que n'ei pas possible de demandar a benevoles, qui ne son pas tan nombros qu'aquo, de tribalhar autant com un professionau i sustot autan regularament, sus eth long terme.

zo a écrit:

E òc, es un pauc complicat, cambièsse La Setmana, agradaria pas pus als occitanistas, mas es pas segur qu'agradaria mai als demai. Compreni que volgan pas prene de risc, mas se ne prenon pas, non ganharàn pas d'abonat

Per jo, com tar ensenhament, qu'ei denguera ua question de moneda. Si an era moneda que haran mielher...

LaurençD a écrit:

Bon concretament, dins lo darrièr numerò, i a un article sus l'ors en Val d'Aran qu'es puslèu bon (mòstra la manca de cooperacion entre comunitats pirenencas sul sicut, puèi que tot s'engimbrèt entremièg Paris e Madrid) e puèi un article sus la concurencia entre despartaments e regions qu'es un vejaire desparrièr sus la question, s'òm compara ambe çò que s'es ecrich dins la premsa nacionala (de cultura parisenca per natura).

Tot a feit d'acord. Que son capables de har de bons articles, mes pas pro, per manca de personau.

zo a écrit:

Perqué trabalhar pas tanben en còla amb los catalans, bascos e bretons pel setmanièr per adultes e non pas sonque pels magazines per drollets?

Perque pas. Mes ta Plumalhon o Papagai que partatjan sustot eths dessenhs. En La Setmana que calera tostemps hera de redactors deths bons. Aquera "matiera grisa" qu'ei de mau partatjar.

zo a écrit:

]I a pas de pagina economía, quand se parla d'actualitat es forçadament sus l'occitan, i a pas res d'internacional manca sus de subjèctes relacionats a las minoritats etnicas.

Oc, que manca.
De tota faiçon, que pensi qu'un modele possible ta La Setmana que sere a anar cercar deth costat de Le Monde. Qu'ei a diser un jornau d'informacion generau i de reflexion pro elitista, qu'ei vertat, ço qui ei deja Era Setman d'ua certa faiçon

Segur que cau avançar, mes a qué serveish de comparar un quotidian dab centenats de jornalistas e centenats de milièrs de tiratge, dab ua equipa de 3 salariats ? Ei plan productiu ?
Un jornau de reflexion, dab articles longs e hèra pregons que demanda temps, malurosament.
MEs se n'i a qui an e lo temps e la motivacion, que s'i cau hicar ! e suu pic !

I a una causa qu'es aital utila e mens cara qu'es de participar a wikipèdia en occitan amb nosautres. O tanben podes escriure dins los vòstres jornals regionals en occitan, aquò es util.

Es pas vengut lo jorn ont vau comprar un jornal, solament per çò qu'es en occitan e non per la sieuna qualitat subretot s'es a mai de 50€ l'annada.

Compreni çò que vòs díser Arf

Citation:

I a una causa qu'es aital utila e mens cara qu'es de participar a wikipèdia en occitan amb nosautres

... I a pas arren a véder enter ua "enciclopedia" sus internèt e un jornau d'informacions. Arren.
Personaument, n'èi pas enveja de pérder temps dab aquò, briga.

E s'es pas capable de foter 50 euròs per an per un jornau setmanèr, qu'ei plan triste.

Fa 3 bièrras en çò ieu.

D'apres un universitari, eths jornalistas ne crean pas pro de valor ajustata enta poder demandar salaris hauts. Ar'ora d'internet, qu'an perdut eth monopoli qui avevan de difusir era informacion, i ne saben pas qu'escriver tots eths medishs articles. Per Robert G. Picard, eth salut ne podera pas vier que d'ua especializacion com

Citation:

le Boston Globe [qui] pourrait se spécialiser "dans l'actualité de l'éducation et de la santé", et profiter ainsi du grand nombre d'universités sur son aire de diffusion. Le Detroit News ne fait pas autre chose: le journal local de Detroit est devenu une référence en matière d'actualité automobile, profitant de sa proximité avec les sièges sociaux des trois grands constructeurs américains (GM,Ford et Chrysler).

La Setmana qu'ei tot a feit en aquesta tralha despuish era debuta, puish que cobreish mes que mes era actualitat der occitan i deths pobles minorizats.