Bon, coneishi plan lo desbat que i a avut aquí sus la manifestacion de Carcassona d'octobre 2009 (e òc, cau pas desbrembar que soi lo creator d'aqueth forum ... !!!) e quitament s'èi pas votat per dens lo petit sondatge qu'avem hèit aquí, ad un moment, se cau har tau coma au PS (de mes fesses) e rassembler les forces. Pr'amor quitament se soi pas d'accòrdi dab la causida deu lòc, e se tròbi que las revendicacions son tròp leugèras, seré pèc per tots los actors de la causa occitana (occitanISTAS e autes) de véder ua manifestacion mensh seguida que la darrèra. Los fanatics deu jacobinisme, de l'academia francesa (la Star Ac' peus vielhs), los melanchonistas de mon cuu, e tota la tropa deus tristons van sautar sus l'occasion per nos escompishar.
Es donc dens un esperit de cohesion que nosautes, quauques uns de Bordèu, avem junhat l'IEO33 entà dar un chic d'ajuda per la promocion de la manifestacion.
Qu'em a pegar d'afichas d'en pertot en Gasconha Nòrd, de distribuir de desplegants suus mercats o dens las hestas (coma la de Parentis de Bòrn ont seràm aquèra dimenjada), tà ensajar d'amassar lo mei de monde possible.


L'IEO33 es a organizar carris au despart de Gasconha Nòrd (per un pres aunèste) entà anar dinc a Carcassona. Se coneishetz monde que son interessats tà pujar dens aqueths carris, e'm podetz contactar aquí, o en MP, o sus l'adreça deu Med'Òc med_oc_bordeu@hotmail.com , e'vs balharèi lo numèro de telefonet de junhar, o harèi passar lo messatge (l'IEO33 es sonque a s'installar dens los naveths locaus, a pas enqüèra la linha telefonica, e èi un chic de reticencia de botar lo numèro perso deu president sus internet)

Las hestas de Parentis de Born que se preparan tamben

As rason l'òmi, e fa de ben de legir quicòm mai que de romegatges !

Justament, i a quauqu'un que sap se Anem Òc a previst d'estampar d'autas afichas ? Pr'amor las 200 qu'avem avut, ... son partidas en 2-3 còps ...

Segur que ne lor demòra pas mai ?

Ben e'ns avèva dit a Rodès qu'èran las darrèras ... Que benlèu i aurè ua auta seria

Sabi pas quant n'i aviá a la debuta, mas que ne demòre pas mai es una bona novèla ! Vòl dire que la difusion s'es plan faita, non ?

Se jamai son estada pejadas…

Puish, pas mei d'aficas au mes d'Aost, si n'i a pas d'autas serias... Vòu díser tanben que lo monde qu'a lo temps de desbrombar la causa...

Voli diser que lo pegatge de Parentis de Born qu'èra deus beròis !

Après, sèi pas se tot lo monde an la medisha utilisacion d'aquèras afichas que nosautes ... Avem avut l'impression de trucar un pauc a l'IEO33 quan avem parlat de pega ... Èi lo sentit (mes benlèu que'm trompi) que lo mitan occitanista pensa mei a anar afichar dab lo ruban adesiu en çò de l'especièr o deu cohador ... (mes qu'es ua causa de las bonas tanben).

E lo pegatge de Parentis de Bòrn sembla ua bona causa, pr'amor adara se parla de har partir un carri despuish lo país de Bòrn ...

La còla deus 20 ans avèva quitament pintrurat crotz occitanas pertot suu son estanguèt !!

Pensaram de jetar un uelh aus comercis de Carcassona de quí a quela diumenjada.

Lo bus lemosin tornarà plan dabora (afe, per me) e coma voldriam bringar un pauc coma la Clara, cerchem quauqu'un que nos podria auberjar lo dissbade de ser. Prendriam lo trin lo lendeman matin a Carcassona (o alhors si fau...).
Mercé per vòstra ajuda !

Jo tanben cerci un ostau per la nueit, apres los concèrts !!

Si que non lo bus de Libertat parteish de Pau de d'òra au matin e torna pres los cocerts:
vos podetz inscriver: bearn@libertat.org

Vene de reservat 'na chambra dins un ostelariá, pròpche de la gara. I a enquera de las chambras liuras, mas pauc, perqué coma la tipessa me iò disset : venetz per la manifestacion ? seretz pas sòl perqué sem qua'iment plen... de manifestants.

Pegatge a La Rèula (La Réole)

E ns demandam si pertot en occitania se pega com en Gironda?

M'estoneré