Campatge Estivada 2009

Bon, l'Estivada 2009, 'quò se passa dau 22 au 25, podetz veire lo programa dins lo QUIÒSC.

L'an passat, aviam mai o mens plan organisat lo campatge (enfin, per n'autres 'quò 'nava, per lo responsable, un pauc mens, avem tots creguts qu'anava perdre son suau avant la fin, per los que s'en sovenen... Content

), 'quò seria benleu 'n'ideia de zo tornar far ujan.

Alara, au mai leu, se podetz me dire se venetz (quora, se 'quò es pas tota la setmana), a quant, etc... io me charjarai en segre de reservar un emplaçament au nom dau forum.

Atencion, per sontre, sembla que los tarius ajen (fòrça) augmentat. Passats de 3 a 4 € l'an passat, desjà, aqui son a 6€ la nuech per una tenta de una o doas personas... (en mai, fau totjorn ajustar la taxa de 0.50 € per persona/jorn).

Per vos marcar, respondetz a queu messatge, o mandatz-me un pitit quauquarren en MP, a io o a L'Òmi.

Jo que i vieni deu dijaus au dimenge (3 nueits). Es possible de reservar per 2 tendas ?

_________________
Ací qu'ei l'alh ! ce disè la ceba. / Amic de cadun, amic de degun.

Subretot, vos precipitatz pas... Risolet

@Fredoc : deuria 'nar... me faudrà benleu saber qui ocupa la segonda tenda (istòria de far professionau davant nòstre amic a bicicleta... Escacalassant

). Manda-me un MP se vòs (as enquera lo temps).

BOn, quauqu'un mai ? Que pueschem aver una ideia de quant serem alai ? Interrogacion

E ben, e ben... quo es la descreissença per rapòrt a l'an passat ! Meitat Chen Meitat P

Urosament que i vieni jo.

_________________
Ací qu'ei l'alh ! ce disè la ceba. / Amic de cadun, amic de degun.

Ieu, ribarai coma la Clara mai benleu la Sandrine (mas qu'es pas segur) lo divendres de ser. Per veire Moussu T e lei jovent !!!! 'Laidonc i aura segurament doas tendas de mai au campatge.

_________________

Obrar coma 'na 'belha
que podrià saber
coma sa venguda
emb un poton de fada
chanja las flors en fruchas
en tirar de sa vita
dins la cira viva
d'una lenga populara
Michel-François Lavaur

Citation:

E ben, e ben... quo es la descreissença per rapòrt a l'an passat !

Cau compréner, en véder lo programma .. Soi pas segur qu'i serei anat s'èra pas peu tribalh.

Aquò ditz, serei pas dab vosautes au campatge, ne'n soi desolat. Com l'an passat, dromi en çò de las monjas, au ras de siti de l'Estivada.

Per los qui'm saberàn convéncer, i aurà benlèu ua plaça mei dens la crampa Content

Danís, desencusa-nos de t'o dire tant tardièrs, mas serèm aquí nosaus tanben, normalament dimercres de ser, fins a dissabte compres… 4 nèits, 2 personas, doncas ! Risolet

_________________
// ❦ ± vertadièra cagaira ❦ redactritz de mòda en occitan ❦ // ☀ blòg ☀ // ★ Occitània Leopard Crew ★ //

maime a écrit:

Ieu, ribarai coma la Clara mai benleu la Sandrine (mas qu'es pas segur) lo divendres de ser. Per veire Moussu T e lei jovent !!!! 'Laidonc i aura segurament doas tendas de mai au campatge.

a oc-es??? e li 'natz mesma pas lo 22 au ser, per veire nostre grope nacionau, ai nomat Tres per doS ??? Aimatz mielhs los Provençaus aus Lemosins??? Vergonha sus te lo Maime!!! Escacalassant

_________________
Quand Lemòtges dòrm, sovent, dins las nueits lentas,
Velhan dusc’au jorn brudent d’obrants rums.

Pau-Loís Granier (1879-1954)

Tiston a écrit:

a oc-es??? e li 'natz mesma pas lo 22 au ser, per veire nostre grope nacionau, ai nomat Tres per doS ??? Aimatz mielhs los Provençaus aus Lemosins??? Vergonha sus te lo Maime!!! Escacalassant

Los as vuds dissabde passat a Saint Chartier ? Non ! E ben, me, l'i era ! E prefere los Goulamas'K aus provençaus (qu'es las dròllas que los vòlen veire los provençaus !!).

_________________

Obrar coma 'na 'belha
que podrià saber
coma sa venguda
emb un poton de fada
chanja las flors en fruchas
en tirar de sa vita
dins la cira viva
d'una lenga populara
Michel-François Lavaur

Bon, quo es bon per tot lo monde. Ai 'gut paur un moment, que la femna me volia far creire que i avia pas mai de plaças... Descolorat

Mas 'quò vai, aurem donc un emplaçament, au nom de "Forum Occitania", o a mon nom a io se trobatz pas.

Danís a écrit:

Mas 'quò vai, aurem donc un emplaçament, au nom de "Forum Occitania", o a mon nom a io se trobatz pas.

Viva lo Danís ! 10 sus 10 !

(eh euh... tot lo monde coneissen lo nom dau Danís ?)

_________________

Obrar coma 'na 'belha
que podrià saber
coma sa venguda
emb un poton de fada
chanja las flors en fruchas
en tirar de sa vita
dins la cira viva
d'una lenga populara
Michel-François Lavaur

Per lo moment, dins los qu'an reservat, me sembla que òc. Ben si que non, lo juec 'quò serà de lo devinar ! Content

Si lo disi en gascon, va passar ?

Pensi qu'an paur de nos véder a arribar a 50 hartanèrs cridassèrs vomidors cantassaires...
Que lo compreni.

_________________
Ací qu'ei l'alh ! ce disè la ceba. / Amic de cadun, amic de degun.

fredoc a écrit:

Pensi qu'an paur de nos véder a arribar a 50 hartanèrs cridassèrs vomidors cantassaires...
Que lo compreni.

Coma l'an passat ? Content

Me sembla qu'an pas (enquera) fach lo rapròchament. Çò qu'es a nòstre avantatge...

Adieu Danís, es totjorn possible de reservar?

Si de òc, 2 personas de dijòus a dissabte.

_________________
http://conselhamistos.blogspot.com/

Entà jo, e pòts ajustar ua tenda ? Reverar

Mercés !!

_________________
Ací qu'ei l'alh ! ce disè la ceba. / Amic de cadun, amic de degun.

Bon, ai ben notat tot çò que m'avetz dich, aqui e per mp. N'en sei a 13 tendas (malur !) e 17 personas.

Io, ai reservat per 10 tendas, espere que nos faràn pas tròp chiar, o alara...prumier 'ribat, prumier servit ! Risolet Progressiu

O alara, faudrà se sarrar un pauc dins las tendas... (i a un administrator de forum occitan totjorn a sec que vai 'ribar en cors de setmana, se quauqu'un lo vòu prener, l'anem pas abandonar au pe d'un aubre tot parier ! Diable Content

)

@ Maime : setz dos o tres finalament ?

Danís a écrit:

(i a un administrator de forum occitan totjorn a sec que vai 'ribar en cors de setmana, se quauqu'un lo vòu prener, l'anem pas abandonar au pe d'un aubre tot parier ! Diable Content

)

_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR

Cerièra de Mai a écrit:

Danís, desencusa-nos de t'o dire tant tardièrs, mas serèm aquí nosaus tanben, normalament dimercres de ser, fins a dissabte compres… 4 nèits, 2 personas, doncas ! Risolet

2 personas, solide, confirme.
Crotzèi dissabte Nicolau Deslol e Maricel Puloc, que me damandavan coma se passava. Suèi charjar de los senhalar 'quí : 2 personas per la nuèch dau diMècres.
Que lor dise ?

_________________
Los Occitans son tant valents que son los sols d'aver obtengut un premi Nobel amb de las dechas d'ortografe.

Se ilhs quo es nonma dimecres, 'quò vai, pas de problemes, serem nonmas 9 (6 tendas) la prumiera nuech. La majoritat dau monde rieben l'endoman.

Danís a écrit:

@ Maime : setz dos o tres finalament ?

Tres ! 'Laidonc, doas tendas Cool

_________________

Obrar coma 'na 'belha
que podrià saber
coma sa venguda
emb un poton de fada
chanja las flors en fruchas
en tirar de sa vita
dins la cira viva
d'una lenga populara
Michel-François Lavaur

maime a écrit:

Danís a écrit:

@ Maime : setz dos o tres finalament ?

Tres ! 'Laidonc, doas tendas Cool

Nonmas lo divendres ?

Non, lo divendres mai lo dissabde.

_________________

Obrar coma 'na 'belha
que podrià saber
coma sa venguda
emb un poton de fada
chanja las flors en fruchas
en tirar de sa vita
dins la cira viva
d'una lenga populara
Michel-François Lavaur

17 tendas, 23 personas. Finalament, tot lo monde s'es marcat en retard, mas 'ribem a esser mai nombros que l'an passat, o casi ! Quo es pas lo programa que vos fai venir, tot parier ? Vau chabar per creire que venetz nonmas per lo campatge !

Venem per te... Zo dise perque los autres son tròp timides... Risolet Progressiu

_________________

Obrar coma 'na 'belha
que podrià saber
coma sa venguda
emb un poton de fada
chanja las flors en fruchas
en tirar de sa vita
dins la cira viva
d'una lenga populara
Michel-François Lavaur

Es la crisi !! Ironic

_________________
// ❦ ± vertadièra cagaira ❦ redactritz de mòda en occitan ❦ // ☀ blòg ☀ // ★ Occitània Leopard Crew ★ //

L'an que ven, caurà reservar per l'ostalaria Broussy, pr'amor n'i a pró deu campatge, tròp de monde, tròp popular, es la crisí. Ironic

_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR

E coma ses tu lo mestre dau forum, te faràs un plaser de tots nos eberjar alai ! Risolet Progressiu

Una cambra per totis ?? Escacalassant

(senon, es car lo Broussy, sèm -pas encara- pro VIP's...)

_________________
// ❦ ± vertadièra cagaira ❦ redactritz de mòda en occitan ❦ // ☀ blòg ☀ // ★ Occitània Leopard Crew ★ //