Perqué un president ? perqué un govern ?!

Vau pas tornar hartar lo monde dab aquò, va véder sus lo topic "quina capitala per Occitania" o qqren atau, e'm parlam dejà.

de tot biais...lo problèma se pausa pas tròp peu moment...lo purmeir es d'ensajar de sauvar la lengua e la nòsta cultura...! Aquo seré dijà la purmèira independencia que podem aver!

Òc per un castèu, ma don anaran trabalhar lu ministres? A maion?

Òc, qu'as rason, que nse'n fotem. Cyril, ne poderés pas díser en un còp las causas? Que dèishas tostemps 2 o 3 messatges d'ua frasa.
Hè 1 messatge de 2 o 3 frasas.

Per contunhar de rire, avem desjà un govern... Provisòri de segur (enfin, tant mielhs que queu gorvern es provisòri...)

un govern provisori??? qu'ei aquo?

Coneish pas lo GPO ???

La rumor ditz que son tots morts, exiliats en franchimandia de l'èst ..
Estranh, ne mancan pas a Occitania ..

Estranh ...

Lo president es virtualament present de las vetz sus "sos.culture.occitan" e quo es un brave batalhor contra lo felibre-meitat-fou-d'auvernha.

ah lo GPO....si...coneishi! mès n'entenen pas gaire

E se òm parlava dels paisses occitans amb una autonomía adaptada a cada país, aurèm l'autonomía que meritarèm !

Cò qu'arrepresenta exactament l'autonomia per tu ? per'mor i a pas qu'un tipe d'autonomia !

Aaa, aquò m'agrada. Aqui lo pragmatisme del PÒc ! Ieu siai d'acòrdi, cal i anar dapàs. En primièr, escafar los despartaments...

Ieu tamben, me sembla que los despartaments son pus 'na necessitat uèi, lor eschala era belèu adaptada en 1790 mas aura avèm (totjorn) daus baçins de vita mai pitits e (per contra) daus espandis coerent economicament que son mai grans.

Anèm lascham-nos :

Au dediens d'un despartament (ò a chavau sus mantuns) d'unes baçins coma Charenta Lemosina, Coseran, Lauraguès, Biarn podrian èsser d'entitats distintas dau demai, e a n'eschala mai bèla i auria mejan de constituir de las regions un pauc mielh talahadas.

Dins mon eideia s'agis de coordonar daus territòris que sirian '"unitat de basa" daus biais conferau daus cantons soísses, parle pas de bòstias embricadas coma coneissem aura. Lo mai piti nivèu estent la comuna, la confereracion : Occitània. Sens deguna obligacion d'aver tots los nivèu de federacion intermediaris.

Las Calandretas fonccionan entau ; en tot segre lo decopatge françès. L'unitat de basa es l'escòla, l'ensem es la Confederacion, tota escòla es membra de la Confederacion, mas i a pas pertot d'estructura federala per lo despartament ò la region, que tots los biais emplaçan pas jamai la Conf.

Amai permet d'integrar los parçans qu'an pas la mesma administracion en lor gardar las avançadas qu'an jà en defòra de l'exagòne (Comunautat montanha, Val d'Aran).

Dos exemples per èsser mai clar :
Comuna : Chaisson > Parçan : plan de Miuvachas > Region : : Lemosin > conf
mens embricat
Comuna : Bossòst > Parçan : Val d'Aran > conf
mai embricat
Comuna : Milhau > Parçan : Causses > Region : Roergue > d'aquòs : Lengadòc > conf

Los exemple venen de quò que coneisse a pauc prèp, s'agís pas de metre las gents dins 'na cas ò n'autra. Diguèi pas jamai que fau pas de la Val d'Aran dins Gasconha ò que Roergue pòt pas se suffir a se mesme, son d'exemple coma me venen !
Amai me semblan pertinents los programes transversaus, de la mena que segiussen los massiu de montanha ò los axes flumièrs.

Lhi sèm pas d'enguerras, mas me sembla mai interessent que la chausida de 'na capitala unenca. Lo tòrne dire, de las vilas-capitalas per un domèni especific, quò se fai per las institucions Europencas : la justicia a Luxemburg, lo Parlament a Straßburg, la comission a Bruxelles.