Sei 'nat a Dakar 'na dietzana de jorns per lo trabalh, tornat en fin de setmana passada.
un apres-miegjorn qu'avia ren-t-a far de speciau, sei 'nat me permenar dins l'universitat Cheikh Anta Diop, un grand campus que 'massa totas las facultats de Dakar... E que compren tanben la bela biblioteca universitaria. Quela biblioteca es la mai importanta dau Senegal. Lo bastit es plan brave, mas los libres que i'a dedins, qu'es 'n'autr'afar! La manca de sous se fai veire crudelament...




Visatz per exemple lo fons de literatura francesa...


Bon, i'a dau fons mai braves que los autres, coma per exemple queu-qui de religion, um veu que i'aguet de generos donators (segurament un pais coma l'Arabia Saodita o l'Egipta)



En me permenar dins lo pitit fons "lengas", reflexe, ai cerchat un libre sus l'occitan, sens li creire p'una segonda... A l'Universitat Cheikh Anta Diop, Dakar, ente i'a benleu-ben 5 libres sus l'italian e l'espanhou, figuratz-vos que fuguei plan suspres de trobar un libre que tratava d'occitan! Oc-es! N'i'avia un!!! Malurosament, qu'era queu-qui... Ai començat de rire, mas rire a me ne'n far petar los budeus... tots los estudiants presents me visavan coma 'na bestia estranha... Li cresia pas, la situacion era surealista...

Vertat qu'an un polit bastiment, mes ma biblioteca personau sembla mei completa ... ça-que-là, enqüèra un o dus libes suu occitan e auràn quauqu'arren de mei seriós que Bordeaux III ...