Libres de religion en oc

Adiushatz a tots e a totas,

Nosautres en Bretanha qu'èm de libres ancians sobre la religion; n'i a que son
escrivuts en "brezhoneg beleg" (breton de preires) qu'es un breton de
marrida qualitat mas n'i a d'autres, escrivuts per de preires a la lenga rica que son de bon legir entà aprener de biaises
de diser las causas en breton e trapar l'esperit de la lenga. Parli pas deu contengut d'aqueths libres, qu'ei, solide, un pauc vielh de cops.
Coma ei dab l'occitan ? I a de libres de religion qu'an de l'intérès entaus qu'aprenon la lenga ? O aqueths libres son mai-que-mai en francès ? La religion, catolica o protestanta, benlèu ha que dins un parçan i a mei de libres que dins un autre (en pais protestant n'i avè pas tant de libres en dehora de la Bible). Qu'en pensatz ?

Uccellino a écrit:

Coma ei dab l'occitan ? I a de libres de religion qu'an de l'intérès entaus qu'aprenon la lenga ? O aqueths libres son mai-que-mai en francès ? La religion, catolica o protestanta, benlèu ha que dins un parçan i a mei de libres que dins un autre (en pais protestant n'i avè pas tant de libres en dehora de la Bible). Qu'en pensatz ?

Adiu, que't responi per çò qui ei deu gascon.

Ne i a pas a la mia coneishença libes recents, a despart de l'arrevirada de l'Evangèli segon Matèu per Miquèu Grosclause e d'un missau gascon.

Dens los libes ancians:

- l'arrevirada de L'Imitacion de Jèsus Crist peu R.P. Lamaisoeta qu'a la reputacion d'estar escriuta dens ua hèra bona lenga. Qu'ei de la fin deu sègle XIX.
- tanben, de la medisha tempsada, los Evangèlis virats per l'abat Bidache.

(Peu moment que'us cau consultar sus plaça au CIRD'Òc, mes lo CIRD'Òc qu'a començat de numerizar tots los sons documents, que seràn donc batlèu telecargaders).

Mei anciana: l'arrevirada deus Psaumes per Arnaud de Saletas (fin deu sègle XVI), ua edicion recenta que's tròba a las edicions Per Noste.

Enqüèra mei ancian: lo tèxte dit Récits d'histoire sainte, ua istòria deu monde segon la Bíblia, escrivut en Bearn au sègle XIII o XIV.Que's pòt telecargar suu site Gallica de la Bibliotèca Nacionau de França.

Qu'ei tot çò qui coneishi en fèit de libes religiós en gascon, mes que n'i a lhèu d'autes. Segon jo, los qui an un interès entà apréner lo gascon que son los tres prumèrs, l'arrevirada de Bidache qu'ei conhida de mots arcaïcs qui ne s'emplegavan pas mei a la soa epòca, e los dus darrèrs que son subertot interessants entà conéisher lo gascon de l'Edat Mejana o deu sègle XVI.

libres de religion en occitan ? Beeerk... preferisses pas lo Feuerbach ? ^^

lo julien vertadier a écrit:

libres de religion en occitan ? Beeerk... preferisses pas lo Feuerbach ? ^^

Qu'a dit libes de bonaqualitat.

Ne vei pas çò qui i a apréner dab lo començament deu tèxte. Apréner a mau conjugar "considerar", a escríver un problematic "abstreitament", a emplegar un "i comprés" que't demandas d'on sòrt, e a calcar la sintaxi de l'occitan sus la deu francés

"Lo principau defaut, dinc adara, deu materialisme de tots los filosòfs
– i comprés lo de Feuerbach – qu’ei que l’objècte, la realitat, lo
monde sensible ne i son pas gahats sonque jos la fòrma d’objècte o
d’intuicion, mes non pas en tant qu’activitat umana concreta, en tant
que practica, de faiçon non subjectiva. Aquò qu’explica perqué
l’aspècte actiu estó desvolopat per l’idealisme, en oposicion au
materialisme, – mes sonque abstreitament, puishque l’idealisme ne
coneish naturalament pas l’activitat reala, concreta, coma tau.
Feuerbach que vòu d’objèctes concrets, realament desparièrs deus
objèctes de la pensada; mes eth ne considera pas l’activitat umana era
medisha en tant qu’activitat objectiva. Qu’ei per aquò que dens l’Essença deu cristianisme,
eth ne considera pas coma autenticament umana sonque l’activitat
teorica, mentre que la practica n’ei pas gahada e tatjada per eth
sonque dens la soa manifestacion judèa sordida. Qu’ei per aquò qu’eth
ne compren pas l’importància de l’activitat “revolucionària”, de
l’activitat “practica-critica”."

E n'i pas tanben una revirada deus Psaumes per Pèir de Garròs ?

_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR

Òmi a écrit:

E n'i pas tanben una revirada deus Psaumes per Pèir de Garròs ?

Quiò, qu'èi cercat suu site deu CIRDÒC, ne sembla pas que n'ajan ua edicion completa

I a lo Joan Larzac , plan conegut per esser lo "Curat Rotge d'Occitania", non?

Cresent o pas cresent, cresedor o pas cresedor i pas grand chausa, levat la revirada de Sent Mateu en bearnes per lo regretat Miqueu Grosclaude, la de Cantalausa "Bona Novèla" e la, anciana, mas escricha dins una remirabla lenga carcinòla de l'Abat Juli Cubaines, i a de Biblias en creòle completas i a totjorn ren en occitan.

En Peirigòrd ente i pas mau de gleisas e sectas (gleisas ortodoxa, monasteri boddistas...) diversas deurian far de revirada de la Biblia e mai dau Bardö Tödòl boddista, seria originau de zo far en occitan, e dins lo Gers i a mai un monasteri ortodox ente las préjarias se fan tot en occitan, sens obludar los liures-pensadors de l'autre costat e la lòjas maçonicas en linga nòstra...
En Bearn i a las pastoralas que se fan totas en lenga locala e, cresents o non, i a monde que s'i amassan.
L'Occitan sera sauvat quante podram nos minjar lo morre e lo nas entre cresedors e non-cresedors mas en OCCITAN!
En Occitania i a ren mas qu'una religion qu'es forabandida, la religion de la linga nòstra, coma disia lo grand Max Roqueta: "sei entrat en lenga occitana coma òm entra en religion" , la Fe sens Òbras mòrta es.

Mercès plan a mon vesin e aus autres tanben. Me cau diser, totun, entaus qu'an paur: cerqui pas a apregondir ma coneishença de la religion, mas a veser se, coma tau breton, se pot aprener ua lenga rica e/o autentica peu biais de libres coma aquo.

Amistats !

Euh se me brembi plan (e me brembi plan) ai entrevistat far d'unas annadas lo Jacme Taupiac que venia de revirar en lenga nostra "Pace in Terrum" (o quicòm d'aquela mena, ieu en mitologia, mestresi mielh la mitologia greca egipciana o romana (o a la rigor nordica) que non pas la catolica) un enciclic de Joan XXIII (o quicom atau tanben, sabi qu'era un pape, mas me brembi pas de la marca)

Amistats

Cedric

lo julien vertadier a écrit:

libres de religion en occitan ? Beeerk... preferisses pas lo Feuerbach ? ^^

Lo Feuerbach, es pas un libre religios tanben ?

Aprep cadun es liure de creire en Dieu en Allah, en Jahvé, en Jehovah en Marx, en Engels, o en Crestian Clavier, del moment que ven pas rompre los alibofis dels autres

Fredò avia revirada La Genèse a l'epòca

Adessiatz en totei !
Ieu ai leis Evangèlis, revirats pèr lo Paire Savié de Forvieras (Xavier de Fourvières), en provençau, grafia mistralenca. La promiera edicien fuguèt facha devèrs 1904, e la reedicien qu'ai en mans es de 1986, en cò de Marcel Petit.

Alh Òli a écrit:

Fredò avia revirada La Genèse a l'epòca

Fredò ? lo qu'un Fred'Oc (aparentament el seria mai per revirar la bibla tantrica lol) Fred dels Goulamas'k ? Frederic Mitterand (ah non el es l'autor de "J'élève mon enfant" lol

bon d'acordi

Mistral, quoi...

Alh Òli a écrit:

Mistral, quoi...

Bon d'acòrdi sias "Gagnant" (empacha te aquela es capilotractada que nina, cresi que los meus emplegats me fan trop travalhar lol)

Lo cantic dels cantics revirat per Joan Rigosta pel compte de l'EOE. N'an d'unes que rabalan, sufís de telefonar.

Aquí es la religion de l'amor vertadièr!