Adieu, siau estudiant au clapàs e me demandan de fargar un espausat sus los for`om qu'existisson en occitan. Coneisse pas qu'aquel forom ( n'exist`is d'autres??). E mai que mai voliau aver quauques testimoniatges de los que se ne servisson (ço que n'esperan, ço que lor agrada, e ço que manca tanben)...
julien

En occitan i a lo babel, e lo FPL dilhèu, mes son pas redigits sancerament en òc ..

I a un afar sus google tanben, quauques vielhs benleu en activitats coma 'quò se fasia a l'espòca sus wanadoo-sabe pas que.
Apres, i a los un pauc mais localisats o un pauc mai precis que queu d'aqui (per que sem generalistas), a començar per lo sus Provença de sebastian, lo forum de paraulas.net, etc... en cherchar dins lo CIBER-CAFE, deurias trobar pro de liams mai o mens vielhs que t'ajudaran.

Te, d'alhors me fa sovenir, coma ses estudiant, que queu forum era a la debuta un forum per los Med'Oc, per comunicar entre ilhs... sabe pas se 'quò a fonccionat (e pense que non, pas tarriblament, chascun demòra un pauc dins son canton), mas en tot cas, z'es pas demorat mai de...anem... doas-tres setmanas, la necessitat s'es facha sentir de generalisar un pauc lo perpaus, subretot quand avem vist que lo sol forum perpausat en occitan sus la tiala era lo de Babel. Un forum de linguistas e punt, adiu l'imatge de l'Occitania !

Ten, ben com soi lo creator , que't poi díser que lo forum, l'èi hèit pr'amor aví l'impression que se contunhava atau, dens l'embarrament de la fac bordalesa, seré pas doman qu'aurèi conegut "l'Occitània". (Bon, sèi pas e l'èi trobada, mes au mensh, es un bon utis tà béver a l'Estivada).
La tòca èra tanben la coneccion inter-Med'Oc, mes a pas fonccionat, sèi pas tròp perque.
Çò que me manca uèi sus aqueth forum, es benlèu lo manca de reconeishença qu'avem, pr'amor m'agradaré qu'aqueth luòc sia près mei au seriós, pr'amor avem adara benlèu autant de visitor que la Setmana a d'abonats, e a despart de quauquas excepcion, l'actualitat non passa pas per aqui. Soi estat vertaderament urós quan la letra d'Alessi estó postada aquí tanben. O per exemple, los membres com Petacepec que non an pas jamei participat a una discutida mes que postan d'informacions son membres que m'agradan pr'amor an comprés que lo forum èra un utis. Los autes membres "actiu" utilizan tanben lo forum com un utis de comunicacion.
Bon après, soi totun urós que lo forum sia un lòc conviviau e "bon enfant".

i a maitot lo forum aranes dau site occitania.org : http://www.occitania.org/forum/

E i avia un forum italian de l'Espaci occitan mas es barrat. apres, i a maitot los forums de partits politics coma paratge : http://forum.lixium.fr/cgi-bin/liste.eur?paratge

N'i a un provençau maitot : http://enprovence.forumactif.net/index.htm

N'i a segurament d'autres, te fau cerchar un pauc

Sus lo forum d'occitania.org, i a 'gut beucòp de catalans. Qu'era lo sol forum en occitan que coneissia. Apres, i a 'gut queu forum, qu'e sinteressnat perque perms de parlar de tot (emai de ren). Crea daus liams entre daus occitans, sovent daus jòunes. Qu'a reüssit de far çò que la lista de diffusion "parlar occitan" a pas reüssit crear de la convivialitat. Qu'era benleu pas lo mesme public. Lo forum suert un pauc daus brejadis internautes occitans (la list-oc es lo luec privilegiat per quilhs brejadis !!!).

Bon, crese qu'ai tot dich...

Òc-es, io era pas sus la list-oc, mas n'en coneisse tot plen que son venguts aqui per aver un luec d'eschamnhes sus internet luenh de las pelejadas de la list-oc. Finalament, podem dire que lo forum a marchat tanben a causa d'aquò.

'Laidonc, i a maitot :

Lo forum « soc.culture.occitan » tengut per JFB contra lo felibrebarloc
http://groups.google.fr/group/soc.culture.occitan/topics

e per ne'n parlar tot-de-mesma, lo forum dau felibrebarloc, qua'iment bandit a la gent qu'escrivan en grafia neoclassica perçòque : l'Aŭvirnhanhà-es-pâs-d'Oŭccitañ
http://groups.google.fr/group/info-doc

Aprep ai pas compres, l'atge benleu te fau mandar las nòstras vudas sus los forums ? mas ente ? aquí dins queu subjet o per messatgonets privats ? per corièl ?

per começar vos merceje totes.
sas que s'ai escrich lo messatge dis la categoria Gendermaria es que mancva la de las entresenhs generalas (R.G m'avetz compres)... Non galegi estent que me siau pas servit dau forom sonque dos cops pel med'oc. voliau aver de vejaires de los que ne se servisson mai. E mai que tot d'argument fora d'aquel d'aqui: "es ben, es occitan"...
alara fas coma o vos, aqui en public o per mp