Avem quauques problemes anuech emb lo forum. Espere que 'quò será leu reparat.

ièr aprèp-marende lo css semblava pas reconegut, dau mens pas los imatges que vestissen las casa de tablèu, avia dau roge e rossèu ren-mas.

Queste matin qu'es tornat normau.

Quo es 'quò, en fach l'eberjaire nos a desactivat la fuelha d'estil CSS, a causa de modificacions a i aportar. Mas io ai pas lo temps de me botar a escriure las novelas linhas que fau per lo moment. Donc ai tornat botar una anciana version dau forum, intermediaria, doncas i ará benleu quauques pitits problemes d'afichatge.
Mas 'quò tendrá benleu pas longtemps...

Subre tot, seria pecat de gardar pas lo papièr pintat maronàs qu'es darrièr (n'ai agut un tot parrier dins la chambra quand eri pichòn). Aquò's l'identitat del foròm !

Avem enquera daus problemes, relativament greus 'queste còp...

La situacion es simpla : sia charjem nòstre fuelha CSS abituala, sia botem daus messatges, si que non, i a pas mejan...

Anem donc demorar un pauc emb quela mesa en pagina, plan òrra, sei d'acòrdi, lo temps per n'autres de trobar una solucion...

Son plan gentes chas forumactif, mas chasque còp que nos fan una mesa a jorn generala (totjorn planvenguda, aquò dich, n'en podretz jutjar d'aquí novembre, segurament) quò nos fot en l'aer lo design, anatz saubre perqué...

Desencusatz per lo desrenjament...

Aqueste design "sang e òrre" es pas tant marrit...
(Bon, Danis, vas dire encara qu'ai un gost d'escobilhaire)

Ten fagues pas Danís , siam aqui per consolar lo paure LaurençD qu'a perdut son papier pintat maronàs...Coratge laurençD, te laissaram pas tombar !

De vertat que fa estranh de veire lei messatges sus un fond gris .Me siau trufada dau ròse e dau violet mai ara , nen siau quasi a regretar ....


Vo sabi, lei fremas sabon pas ço que vòlon ....mai Joan peiroton ten rason:pòs anar en patz danís , men tornarai mettre ...

Fau pas creire, quitament se quò l'i sembla, lo problema es luenh d'èsser reglat. Per los que coneissen, sei estat oblijat de contornar lo CSS e de copiar nòstras colors personalisadas una per una dins lo module de las colors dau paneu d'administracion...
Per çò que trobava lo rotge e jaune tròp òrre e que vos voliá pas desorientar mai.
A l'aparencia dau forum de d'acostuma, mas nonmas l'aparencia, atencion...

Per los que coneissen pas, quo es un pauc coma s'aviam botat una espessor de plastre sus lo morre de Michael Jackson per lo recondre, mas que pòt tombar n'importa quand...e far apareisser quauquarren d'afrós...

Fau pregar!!! Vòli pas lo retorn dau jaune e roge

Tornará pas, quo es pas possible. Aquí as la "version de basa definitiva" dau forum. Quo es la que será emplejada, coma ara, quand los estiles personalisats fonccionarán pas mai. I a pus un sol rotge e jaune que sia dins lo paneu d'administracion, manca benleu un drapeu que pòt trainar...

Vesi pas de quin drapeu parlas ^^

E t'as pas conegut los prumiers jorns dau forum, ente i aviá nonmas un drapeu occitan, sens l'estela, fotografiat, escanerisat, tot pitit, carrat...
Crese que l'avem enquera, dins las archivas...

Los problemas de quela nuech semblen reglats. Dise semblen, per çò que sem enquera a l'acialat de ren, e la ChatBox s'aficha totjorn pas correctament.
Se vesetz un autre problema, merces de zo senhalar.

Bon, nos en surtissem pas tròp-tròp mau (quo es pas chabat !), mas tots los messatges de diumenc son definitivament perduts. Se vos sovenetz de quauquarren d'important qu'aviatz botat queu jorn, seriá benleu plan de lo tornar botar, si que non, tant piei.

La chatbox e l'aparencia dau forum desconen enquera a plen regime, mas a la limita quo es pas tròp greu...