De nissart de Niça qu'aiman l'OM ne'n rescontrat mai d'un sabes.
Encara que parlar de "ver nissart" mi tafura un pauc. De qu'es la condicien per l'èstre fin finala ?

Òc, lo budget de l'OM es pas aqueu de Niça. E sabes perqué ?
Perqué l'OM es un club, maugrat ce que ne'n penses, qu'es totjorn estat un grand club. L'èra avans Tapie e lo sarà après. Ti ramenti que l'OM a pas ganhat sei tìtols solament sota Tapie mai ben avans, au còntra d'autrei clubs coma Lion, St Esteve ò ... Niça que fabreguèron 90 % de son paumarès dins un espai de dètz annadas.


Aquò estent dich, ai ren còntra Niça, es una ciutat que m'agrada e ai tot plen de simpatia per lo Gim qu'es un dei tròps rares clubs de França d'aver una particularitat pròpia.

M'agrada mièlhs de veire lo Gim en naut dau classament que Valenciennes, Lorient, Le Mans e tutti quanti.

(anecdòta en passant : Perqué lo segond club marselhés, l'US Endoume-Catalans a un camisòt raiat de negre e rotge ? Per de qué l'OGC Niça; qu'èra lo campion de França en cors, sauvèt lo pichon club marselhés de la quincanèla dins leis annadas 50, l'ofrissent sei camisòt. Despuei aqueu temps, Endoume-Catalans juega ambé lei colors nissardas. Coma qué, pòu l'aver tanben de belleis istòrias entre lo Gim e Marselha !)

Un nissart qui defen la BSN e qui me ditz que soi un fascista perqué lo provòqui ..

Que sauneji aquiu !

Quina ipocrisia de créser que i pas de mond racistas dins CADA grop ultrà, fans, top lads d'Occitània o de França (que siásquan majoritaris o pas). Solide, m'agradèt plan lo tifo dels Ultramarinas Bordèu per Bordèu/TFC en octòbre passat mas digús me farà pas créser que cap sòci dels Ultramarinas de Bordèu siásque pas racista ... Es plan polit de se fargar "d'ideals" mas per jo, damòra pas que d'ipocrisia tot aquò. Jo, soi sòci dels Indians Tolosa e fasèm pas que representar çò qu'es la joventut tolosana. I a de tot: de monde de dreita, de monde d'esquèrra (benlèu majoritaris), de blancs, de negres, ... Apuèi, oficialament, fasèm pas de politica (estant tota la mèrda que pòt fotre dins un grop ultrà) e alavetz i a pas de drapèu francés (nimai pas cap de presa de posicion politica) e "oficializam" pas lo nòstre anti fascisme pr'amor que coneissi qualques personas dins mon grop (que coneissi dempuèi prèp de 15 ans) que son puslèu de dreita o mai (son pas pr'aquò de boneheads, luènh d'aquí). Coma disi, sèm pas que lo rebat de la nòstra societat, un grop ambe tota mena de compausantas.
Apuèi, per se far una idèa, de saber se la BSN, los CU o los Indians son fafs, tant val mai d'anar A L'ESTADI macarèl de dieu!!! N'i a pro del ciberultrà o del ciberoccitanisme ... Es aisit d'escupir sus totis aquelis grops dempuèi son ordenador sens anar pas jamai a l'estadi!

Disi pas qu'es un fascista, oh ! Disi qu'es bravament colhon se te rendes pas compte que la BSN ei un nid de fascistas.

Los as ja vistes (en defòra de te çò que pòdes legir sus internet)? Los as ja encontrat vertadièrament? Sus quines critèris te permetes d'afortir tot çò que dises?

Jo que i soi anat a l'estadi, en l'un d'aqueths grops. E ben que'vs disi mèrda!
N'aimatz pas lo fot, n'aimatz pas l'espòrt.
Ne sèi pas quin se compòrta tau o tau club de suportaires, mes qu'èi seguit un còp un grop de suportaires, de mei occitanistas (Brigada biarnesa) qui'm semblava simpatic, qu'èi abandonat tota idea d'anar suportar un club de fot en un ambient atau. E ne parlem pas de la qualitat de l'espectacle perpausat suu terrenh...en Liga 1 tanben.

Per çò qui ei de la BSN, que soi d'acòrd dab Matieu. Qu'èi lejut mei d'ua enquista sus aquò. Que pensi que las èi guardadas. Que las me vau tornar léger. Mes que semblan mesclats a un hialat de suportaires d'estrema dreta de França.

Jo tanben, èi ja legit tot plen de causas mas tant val mai de los anar véser de prèp e atal de se far una idèa. Es çò melhor. Cal arrestar ambe internet un pauc. Podèm legir talament legir d'asenadas suls grops ultras ... Non, desencusatz-me, mas Internet es pas una referéncia per aquò.

Godolin, arresta uas segondas, segur que racistas que n'ia de pertot, aquò vòu pas diser que i a pas de tendéncias. Sabem plan que los de Bordèu o Marselha son majoritariament monde d'esquèrra, e que los nissart, com 95% deus clubs italians son mei qu'a dreta.
N'i a pro deu ciberoccitanisme,(te diseréi n'i a pro de l'occitanisme tot simplament..), mes alavetz arresta d'espiar lo foròm !

Citation:

"oficializam" pas lo nòstre anti fascisme pr'amor que coneissi qualques personas dins mon grop (que coneissi dempuèi prèp de 15 ans) que son puslèu de dreita o mai (son pas pr'aquò de boneheads, luènh d'aquí). Coma disi, sèm pas que lo rebat de la nòstra societat, un grop ambe tota mena de compausantas.

L'opinion politica qu'ei ua causa, lo fascisme e lo racisme, aquò n'ei pas ua opinion, qu'ei un crime.

Per lo "cyberultra", avem besonh d'estar ultrà per suportar ua equipa o diser çò que pensam deus autes ?

Jo, m'arribèt de far la protèsta de Carcassona en 2005 ambe de monde de la BSN e (subretot) del collectiu embriagoun e te pòdi díser qu'èran pas brica fafs. Solide, qu'existisson de tendéncias mas davant lo faicisme dins d'unis grops, existís tanben una majoritat silenciosa ... E òc, los fafs fan páur e fòrça se cagan dessús. Es atal. Es pr'amor d'aquò tanben que me pensi qu'es perilhós d'afortir tot çò que dises (e subretot tot còp luènh d'èsser la vertat).

Qu'ès completament de mala fe, basti de parlar dab tu ..

Subretot que l4AS ROma es istoricament LO club fasciste.
L'es talament qu'es lo fascisme que decidiguèt de sa creacien.
Mussolini agropèt set ò clubs de Roma per far une granda còla populara dins lo còr de la capitala.

Me permete d'intervenir en tant qu'observator (fòrça) exterior, que lo football m'en fote plan, mas vòle pas que la situacion chabe mau sus un subject tant sensible.

Cyril06 a écrit:

Anas dins touta la França e demandas a toui quau es lou club de Liga 1 doun li tifosi fouton lou pus la mèrda, e toui diron qu'es aquelu de l'OM. Ai vist dai miéu propi uèlh lou coumpourtamen dei fanat de l'OM e ai audit lu siéu prepau... Soun tamben raciste.

Io que l'i coneisse ren, m'an totjorn dich que los fafs eran a Lion...après, çò que n'en dise...
Aquò dich, ai ausit parlar de la presencia de gropes d'extrema drecha tanben a Marselha, a Tolosa, a Nissa...
Mas coma vau pas a l'estadi, me permete pas de jutjar sens coneisser, e pense efectivament coma Godolin que un club de suportaires es sovent qu'un rebat de la societat, quo es donc normau de l'i trobar de tot. Mas coma sovent los fafons son mai violents, fan mai parlar de ilhs, e quò pòt leu farjar una reputacion a un club.

Matieu a écrit:

Qu'ès completament de mala fe, basti de parlar dab tu ..

Per lo còp, ses tu que me semblas de marrida fe emb tas generalitats sus los clubs de suportaires, en mai quo es tu que as començat de tractar los suportaires de Nissa de fascistas, z'ai laissat dire, pensant que quo era au segond gràs, dija-mez se me sei trompat...

Parier per Cyril06, fau pas se desfendre de çò que ditz Matieu sus Nissa en tornar far la mesma generalisacion per Marselha, si que non n'en surtissem pas !

Se voletz ensaiar de far creire que tau o tau club de suportaires es un nis de fascistas, fau un pauc de pròvas, tot parier !

Merces

Seré plan qu'aqueste forum ne sia pas un endret un quauquas pegòts que se disen antifashistas cridan las suas odias.

Car matieu, un tipe brave coma tu....pr'amor(se ai plan compres la tua argumentacion, qu'ès un tipe brave pr'amor qu'ès d'esquera....), qu'ei sonque aquiu tà balhar "ua vertat" shens nada argumentacion e donc shens nada possibilitat de contradiccion...

E mei... que cau pensar d'un tipe que ditz que castilha ei plea de nazis e de fashistas????

Alavetz que cau que sapias que lo monde n'ei pas atau coma vòs, per exemple Marselha es ua vila de dreta dens ua region de dreta, dab un "record" de votes FN.... e prauve colhon n'ei pas pr'amor d'aquò qu' i auré sonque colhons a Marselha o entremiei deus afogats de l'om (soi pas briga per Marselha, sonsteni lo tfc...e i a de cons tanben aquiu, que't ac pròmeti.

Donc fin finau, car matieu, Maugrat çò que pensas, qu'as Metòdes de fascistas e seré un plaser que ne tornes pas dab rasonaments d'aquera mena.

Se que non, tà parlar deu subjècte qu'esperi que los vrilolets ganaran la partida en contra de marselha lo 30 de noveme.

Visca lo tfc!