òu i a qualqu'un que fa de BTT aici?

Baisar en Tota Tranquilitat?

Jo que n'èi un pas tarrible, que'n hèi de temps en quan per camins e camps de noste. Que 'agradaré de'n har en montanha un còp, pujar e baishar. Mes la mea bicicleta qu'ei tròp basica: n'èi pas nat amortider, los travaders que son en maishant estat (que me'n vau dilhèu crompar a disc). Que sèi que las estacions d'esquí ne lògan l'estiu tà baishar las lors pistas.

Mountain bica; baisar en tota traquilitat a la montanha, quina diferencia?

Ne fau de còps en quand amb guigui (de bicicleta tot terrenc, pas de bica). Me deu mostrar una caminada del perfil davalant (enfin al tornar) en Arièja la dimenjada del 27. Se n'i a que son interessats, que nos contacten.

Qu'auri hòrt aimat estar dab vosautes. Mes que soi dejà en montanha aqueth dia, mes en Bearn. Se vienetz dinc a noste un dia, que m'agradaré de har ua passejada dab vosautes per la montanha bearnesa o la campanha. Que me'n vedi tà trobar monde a qui agrada la bicicleta tà m'acompanhar. Lo convit qu'ei lançat. A lèu.

Ieu que demori en un pais tot planier, mes som crompat una de rota (de bici, pas de bica!). Ensagi d'en faire una ora a una ora e miejas cada setmana.

Fai un bocin de temps que surtiquèi pas la mèuna,

Hòrt polit

Visca lo velotaf!
Lo velotafaire es lo contrari de l'esportiu del dimenge...

Jean christophe peraud, medalhat d’argent als J-O en BTT cross-country.

E alavetz?

Alavetz agacha al centre/naut de la fotò (enrodat de roge): i veiràs un daquòs que te deuriá pas esser inconegut, ne soi segur... aquò's la marca dels campions!

Òsca Joan-Cristòu !!! Es la marca dei campions, de segur!!

bahh dilhèu sap pas díser un mot d'occitan lo tipe, e que tàd eth ei un crotz com ua aute
En çò de jo en i a que la portan pr'amor que disen qu'ei lo simbèu de Tolosa o deu "Sud-oèst"

Senon tà parlar de bicicleta, qu'en hasèvi hèra quan demoravi a Tarba, o quan soi dens las Lanas, au miei deus toristas, qu'en hèi tanben ^^ .... mes dens l'Armanhac, dab las colinas armanhaquésas e las rotas de la talha de pistas ciclablas ...e los cabiròus que te sautan dessús ... aquò qu'ei tròp dangerós tà jo ( e ara qu'an ubèrt la caça qu'ei enqüèra mei dangerós de's passejar dens la campanha ^^)

Ha!
HILH DE PUTA!!!

N'avèvi pas vist qu'avès entornejat la crotz, Zo. Òsca J-C Perraud!

Citation:

bahh dilhèu sap pas díser un mot d'occitan lo tipe, e que tàd eth ei un crotz com ua aute En çò de jo en i a que la portan pr'amor que disen qu'ei lo simbèu de Tolosa o deu "Sud-oèst"

Aquò rai, la nosta cultura, la nosta nacion que començan de s'afichar e d'estar conegudas. Se la crotz ei lo vector d'aquò, tant de bon. Lo tipe qu'a escrivut "France" sus la cueisha, mes qu'a la crotz penuda au còth. Que parle la lenga o pas, que hè véder qu'apartien a ua region o ua cultura auta, e aquerò qu'ei important.

Qu'ei exactament çò qui's passa dab l'Ikurriña (lo drapèu basco): quantas personas e l'an penuda au retrovisor? Quantas parlan Euskara? Quantas son bascas?
Que'm contenti d'un tipe qui pòrta la crotz, jo.

En parlant d'aquò, e n'i a qui an vist la partida Italia-Georgia de fotbòl la setmana passada? De tira après lo but de De Rossi (futur balon d'aur, au passatge - Forza Roma!), qu'avem apercebut per las tribunas la banèra occitana qui segotivan quauques suportaires. Bissè monde de las valadas italianas.

_________________
Ací qu'ei l'alh ! ce disè la ceba. / Amic de cadun, amic de degun.

D'efièch, es d'origina Tolosana (de Granada cresi) e ara demòra en lemosin, doncas es del "sud-ouest".Non sabi pas se parla la lenga, mas es un tipe d'una umilitat remirarabla, e mai que mai es un amator, ingenhaire dins lo civil...

per passar a quicòm mai e perque m'agradèt aquesta vidéo:
http://www.youtube.com/watch?v=-AFc0gAaVF0&feature=related

Cerièra s'aventura pas dins los chamins.

Vaquí l'istòria d'un ex campion del monde occitan(ista):

Hugues Richard : Lo Spiderman del VTT Hugues es nascut en Roèrgue d'una familha gascona. Mai conegut jol nom de « Spiderman » del VTT per aver pujat a bici sens pausar un pè al sol mai de 25 monuments celèbres : la Tor Eiffel, l'Arc de Triomfa, les Cascadas del Montmorency (Quebec), lo Mont Sant-Miquèl, las Twins Towers de New York, l'Aven Armand.... Foguèt detentor de 6 recòrds del monde. Hugues ajuda tanben la Calandreta de Milhau e seguis de corses d'Occitan. Hugues Richard dins lo Guiness Book per un fum de recòrds mondials coma en 2002 amb la pujada de la Tor Eifel en 19mn 04s o en 2001 amb la Tor "LA PART DIEU" a Lyon...

O vesètz aquí dins los escaliers de la Tor Eifel !
Anavi doblidar auèi s'ocupa de vestits occitans amb la marca "Val Pas Res"
www.valpasres.com

@Ein >> (diga-me, KGB, òm pòt pas postar d'imatges sus son blog tranquilament…)
(seriosament, perqué l'as botat aicí, es poirit aquel dessenh… val que per la galejada…)

Mancava 'na brava conaria sus quèu forum, ven tròp seriós l'afar dau referenciau.
Lo tire ?

Bah, non… vau ensejar d'assumir, se vòli seguir l'idèia de la Mela…
Torna pas o faire sens me demandar, se te plai…

...

Siès mai brava sus lo mèu