Ai ajustat un juòc musical al forum de Paraulas en Òc. Son 10 pichons troces de cançons fòrça cortets e cal devinar l'artista o lo grop que o cantan e lo titol de la cançon.
Vos convidi totes a i venir jogar !

http://paraulas.forumactif.com/lo-juoc-de-paraulas-en-oc-f17/

Juòc qu'es aquò? es jòc segon panoccitan ? Sembla pas que siás roergàs, en çò nòstre se ditz [jouoc] (prononciacion en francés), s'escriu pas juòc* mas jòc, i a una mena de difontg sus la 'ò' qu'es prononciada "ouo" e non "o".

La de Aura benleu, e çò melhor, mas la de Mertyl ?
Se vòu tornar prener chasque mot que pensa escrich faus dins daus messatges que an pas una mira a far aprener la lenga, n'en vai pas surtir lo dròlle, e lo juec risca de virar cort pro leu...

Mercés plan Mertyl per aquèra rectificacion importanta. Es tu lo Bertrand Renard occitan.

MDR ! euh, perdon .. MDA !
Lo son compte qu'ei bon !

De tot biais, me'n bati de l'ortografi sus un forum, soi pas a escriure una dissertacion !
Mas pensi qu'avètz totes compres que sul forum de Paraulas en Òc, se pòt jogar a un daquòs ont i a de musica !
D'efièch, ai faita una deca, mas siouplet, i a de biais d'o dire.

Sabia pas que Narbona era en Roergue...

Òc-es desjà, sabe pas perque Aura auria de se justificar per una fauta de ren dau tot (que en mai m'en sembla pas una, ai totjorn vist escriure "juòc", mas io passe pas ma vita sus Panoccitan.org o dins l'Alibert) dins un subject qu'a ren a veire emb l'aprentissatge de la lenga.

Donc, veiqui, parentesa clavada, avetz donc un juec (io, ai lo dret de botar una "u" ) sus lo forum de paraulas.net qu'es plan risolier, anatz donc i far un torn !

Per contra, Aura, pita critica que n'es pas una : lo tròbe un pauc tròp aisit lo teu juec quand coneissem tots gosts musicaus (vòle dire, i a pas gaire de chausas d'en defòra daus gropes desjà repertoriats sus ton site)...
Enfin apres, quo es benleu a n'autres de t'en far descubrir daus noveus...

Es vertat que los primièrs juòcs (o jòcs) èran faits amb ma discotèca personala e eran de segur d'artistes que m'agradavan.
Mas mèfi ! Ai fait lo plen de las musicas de mon paire e los seguents saràn benlèu mens aisits. Ensacharai de veire ont trapar d'autras musicas, los conselhs son de segur los benvenguts.

Ah, d'acòrd, veiqui çò que falia dire !
Mas io, se conselhe, pòde pas jugar...e ai enveja de jugar !

Ben me... Tròbe pas ren... Ai pas de cultura musicala occitana crese... Quitament emb las responsas tròbe pas !!!

M'agrada a ieu aquel blind-test occitan ! ^^

Es Ditonilhada uèi ? Lo jorn de la tonilhada ?

Per un còp es pas ieu !

Héhéhé !

Mercé per las correccions, ai una question a prepaus de l'anglés "it's not me", ont lo primièr mot (it) servís a mostrar qu'es quicòm qu'es pas personal, o que designa la causa -> aquesta causa (qu'ai facha) es pas (estada facha per) ieu, en anglés e francés es la tresena persona, mas es vertat que sembla qu'en occitan qu'es puslèu "soi pas ieu" per cal utilizar, e es pas lo primièr còp que fau aquesta error.

Sabètz perqué cal utilizar la primièra persona e non la tresena del singular?

Mertyl, zo fas a l'expres, o que ? Podes pas botar ta question a la facultat ? Perque quò m'estonaria que Aura (quo es son subject) te responde...