Òc'n roll

Sabi lo títol es poirit...

L'Estivada 2009 m'a fach cabussar dins una soscadissa pregonda (un pauc quand mèma alimentada per l'alcòl...). En considerar:

1- Que lo OFF del divendres e lo IN del dissabte an mostrat qu'existís una "scèna" rock d'expression occitana.
2- Que lo "movement occitan oficial" non sembla pas afogat d'aquel corrent musical. L'exemple n'es Sono Loco, grop qu'ai trobat plan simpatic, que canta dempuèi al mens 10 ans, e qu'ai vist pel primièr còp dissabte passat.
3- Qu'aquel forum es plen de gent bona a l'èime duberta

trasi doncas una prepausicion ja facha a l'oral pendent l'estivada a d'unes membres del forum.

Se n'i a que son motivats per bastir un concert/festenal per donar d'aire a aquela scèna "rock" occitana, aquel topic es vòstre.

En saber que se ai la motivacion es pas quicòm que se bastís tot sol e en 15 minutas...

_________________
http://conselhamistos.blogspot.com/

Oc, mes ont ? Besiers o Carcassona ? Ironic

Non, sinon es ua bona idèia, pr'amor l'Estivada es ben per amassar lo monde, mes a la basa, es un hestenau musicau ... E puish cau har sustot un hestenau de "rock" shens cadièra ...

_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR

Òmi a écrit:

Oc, mes ont ? Besiers o Carcassona ? Ironic

Sinon, l'idea qu'es de la bonas. Que soi prèste a signar.

_________________
Ací qu'ei l'alh ! ce disè la ceba. / Amic de cadun, amic de degun.

Citation:

Oc, mes ont ? Besiers o Carcassona ?

Seriosament, pel luòc una sola responsa:
Ont n'i a pro de mond per organizar, una sala e un endrech per durmir (l'ideal seriá un prat per pas d'unes element trebolesson lo som de paures neerlandeses)...
(mas ai una pichòta idèa que me cal cavar)

_________________
http://conselhamistos.blogspot.com/

Gavach, avem pas dich que fariam aquo a Agen? Escacalassant

Agen d'A. presumissi Plan Urós

_________________
http://conselhamistos.blogspot.com/

Bona idea, podem jà har ua lista deus grops de ròck occitans ?

Jo vèdi peu moment: Sono Loco, Dalfin, Seriol, Hantaoma, lo Quinse, Enlòc, Gojats of Hedas ... ?

Matieu a écrit:

Bona idea, podem jà har ua lista deus grops de ròck occitans ?

Jo vèdi peu moment: Sono Loco, Dalfin, Seriol, Hantaoma, lo Quinse, Enlòc, Gojats of Hedas ... ?

Reformacion excepcionala de Arnapi...?

Ah flûte, an finit Arnapi? Sabi ren ieu... Fauria trobar tanben l'equivalent oc de NTM, aqui si que saria un bèu concert.

Goulamas'k tanben d'apondre a la lista.

Nadau, per la galejada...

Nadau qu'an un bon tròç que se sona "un trin que s'en va de Pau", que's bolegant ! Grop

_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR

Alh Òli a écrit:

Fauria trobar tanben l'equivalent oc de NTM

KNR Posies o Imprononçable Crew ? lol

Gavach a écrit:

1- Que lo OFF del divendres e lo IN del dissabte an mostrat qu'existís una "scèna" rock d'expression occitana.

Me faguèt plaser de veire qu'i aviá una expression musicala occitana que siá pas « ragga-solelh » mas quicòm que m'i reconeissi mai !! Risolet

Citation:

Se n'i a que son motivats per bastir un concert/festenal per donar d'aire a aquela scèna "rock" occitana, aquel topic es vòstre.

Motivats… t'ai ja dit que trobiái ton idèa plan bona, e qu'es quicòm que m'agradariá de veire… nos sem pausats, Mç e ieu, la question, en tornant de l'Estivada. E vaquí çò que nos sembla :
• un festenal, se pòt faire, mas una sola annada, coma un « happening », sufís de veire coma podèm, sus aquel topic, far la tièra dels grops occitans rock que coneissèm, i a de que far per 1 còp, pas per quicòm sus mantunas annadas. Mas rai, seriá ja plan de mostrar qu'una scena rock existís ben…
• i a totjorn la question del cost : podèm pas demandar a de grops de jogar « per res, per la causa », de causa n'i a pas brica manca de faire un festenal que chirdé sa ceura… Cal far venir de grops d'Occitània tota, los pagar, mai desplaçament, auberjament… lo bar tanben, aver de begudas divesas, un sistèmi per o gardar al frecs, de las gents per montar/sonorisar/far lo lum d'un empont vertadièr… disi pas qu'es pas possible, mas se farà pas aisidament !! e pas a gratís !
• e enfin, la question que truca (perque nosaus, nos agradariá, mas…) > i a vertadièrament un public per aquò ?

_________________
// ❦ ± vertadièra cagaira ❦ redactritz de mòda en occitan ❦ // ☀ blòg ☀ // ★ Occitània Leopard Crew ★ //

E Parpalhon ? Escacalassant

E Joanda ? Idèa

Memòria daus Trobadors ? Risolet Progressiu

Son de galejadas.

Aquela idèa m'agrada fòrça sustot qu'es un mejan de mostrar qu'Occitània bolega musicalament. Ieu soi prèst de participar al projèct.
De grops coma disètz n'i a a bodre ; pòdi rajusta : Hyavralt (rock-trad de Tolon), Paures Nautres (Niça), Rock'n Trad (rock-trad de Lanas), Laids crétins des Alpes (ska-punk de Provença), Tric Trac (se son reformats), Lous Frakassats (de Narbona), The booze (rock celticò-occitan). Dins las Valadas : Raskas (rock-trad, ancians de Los Camisards), Cap levat (rock-trad) o Lou Tapage (rock-trad un chic celtic). En cercant ne podèm trobar fòrça. La màger dels grops citats pensi qu'avèm fait d'articles sul forum.

Cerièra de Mai a écrit:

Gavach a écrit:

1- Que lo OFF del divendres e lo IN del dissabte an mostrat qu'existís una "scèna" rock d'expression occitana.

Me faguèt plaser de veire qu'i aviá una expression musicala occitana que siá pas « ragga-solelh » mas quicòm que m'i reconeissi mai !! Risolet

Citation:

Se n'i a que son motivats per bastir un concert/festenal per donar d'aire a aquela scèna "rock" occitana, aquel topic es vòstre.

Motivats… t'ai ja dit que trobiái ton idèa plan bona, e qu'es quicòm que m'agradariá de veire… nos sem pausats, Mç e ieu, la question, en tornant de l'Estivada. E vaquí çò que nos sembla :
• un festenal, se pòt faire, mas una sola annada, coma un « happening », sufís de veire coma podèm, sus aquel topic, far la tièra dels grops occitans rock que coneissèm, i a de que far per 1 còp, pas per quicòm sus mantunas annadas. Mas rai, seriá ja plan de mostrar qu'una scena rock existís ben…
• i a totjorn la question del cost : podèm pas demandar a de grops de jogar « per res, per la causa », de causa n'i a pas brica manca de faire un festenal que chirdé sa ceura… Cal far venir de grops d'Occitània tota, los pagar, mai desplaçament, auberjament… lo bar tanben, aver de begudas divesas, un sistèmi per o gardar al frecs, de las gents per montar/sonorisar/far lo lum d'un empont vertadièr… disi pas qu'es pas possible, mas se farà pas aisidament !! e pas a gratís !
• e enfin, la question que truca (perque nosaus, nos agradariá, mas…) > i a vertadièrament un public per aquò ?

Jo personaument, soi pas un fanatic, mes sèi pas se m'avetz vist per Goulamas'K ...

Siquenon, soi d'accordi dab Lutz, se pòt pas har un hestenau "a gratís" (que sia de grops benevòls o un public que paga pas). L'idèia de non pas har un hestenau, mes un daquòs exceptionau m'agrada tanben.

_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR

Vertat que la question deu public potenciau qu'ei de las importantas .. E vertat que vèdi pas monde viéner en massa ..

Citation:

un festenal, se pòt faire, mas una sola
annada, coma un « happening », sufís de veire coma podèm, sus aquel
topic, far la tièra dels grops occitans rock que coneissèm, i a de que
far per 1 còp, pas per quicòm sus mantunas annadas. Mas rai, seriá ja
plan de mostrar qu'una scena rock existís ben…

Depen çò qu'ausisses per festenal. Vesiái un concert a la debuta (3 o 4 grops), se la motivacion demòra se pòt endralhar cap a un "festenal" se non rai...
Se interrèssa de mond, cal pas tanpauc pensar tròp grossàs a la debuta.

Citation:

i a totjorn la question del cost : podèm
pas demandar a de grops de jogar « per res, per la causa », de causa
n'i a pas brica manca de faire un festenal que chirdé sa ceura… Cal far
venir de grops d'Occitània tota, los pagar, mai desplaçament,
auberjament… lo bar tanben, aver de begudas divesas, un sistèmi per o
gardar al frecs, de las gents per montar/sonorisar/far lo lum d'un
empont vertadièr… disi pas qu'es pas possible, mas se farà pas
aisidament !! e pas a gratís !

Aquò segur mas un concert que fa ganhar moneda, coneissi pas...(o fasèm venir Nadau)

Citation:

e enfin, la question que truca (perque nosaus, nos agradariá, mas…) > i a vertadièrament un public per aquò ?

Non pensi pas mas es pas una rason per o pas far. Dins d'unes canton rurals faràs venir d'afogats coma un molon de gent que sabon pas de qué far de lora serada e que seràn aquí per far virar lo manetge carrat. I a pas tanpauc de public pels libres en occitan, mas empacha pas d'editors de publicar...

_________________
http://conselhamistos.blogspot.com/

Faydits, Test, Guy Bonnet?

Qu'ac torni díser :

Òmi a écrit:

Nadau qu'an un bon tròç que se sona "un trin que s'en va de Pau", que's bolegant ! Grop

_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR

Diubiband, Stille Volk, Familha Artus (?), la navèra formacion d'ancians d'Arnapi.
Perqué pas un grop basco o catalan o breton (qu'èi un amic qui hè punk) o aute.

_________________
Ací qu'ei l'alh ! ce disè la ceba. / Amic de cadun, amic de degun.

Alh Òli a écrit:

Faydits, Test, Guy Bonnet?

Hahaha !

fredoc a écrit:

Diubiband, Stille Volk, Familha Artus (?)

Stille Volk = Hantaoma

_________________
// ❦ ± vertadièra cagaira ❦ redactritz de mòda en occitan ❦ // ☀ blòg ☀ // ★ Occitània Leopard Crew ★ //

Alh òli sès genial : Test e Guiu Bonnet. Ajusti Pierre André pels lemosins. Per informacion Faydits existís pas mai Risolet

.
A despart d'aquò pensi qu'es dificil d'organizar un festenal : luòc, moneda e subvencions (putas de poilitics) mas un jornada amb gropes e infòs seriá ja pa mal. Mas se se passa quicòm soi prèst de m'investir coma cal. Cal soscar a tot per pas se plantar financièrament (luòc, grops, organizacion, etc...).
Fredoc a rason, oblidi grops : Diubiband o Familha Artús. Lo darrièr es plan e pòt menar mond.

Rock'n trad tanben a "desapareishut".
Per la moneda (que caleré de tot biais), vedi pas tròp, disi pas que los organismes occitanistas ne'n an pas, mes e serén prests a finançar causas atau, e serem prests a l'acceptar ? Content

Pels especialistas, quant còsta de fargar un concert (sens la moneda pels grops) amb
Sonò OK sens èsser calibrada per Johnny a l'estadi de F
Lum (pas besonh tanpauc d'anar tròp luènh)
Seguretat
Assegurança
Sala al piéger

Puèi quant prenon a vista de nas cadun dels grops citats?

_________________
http://conselhamistos.blogspot.com/

Lo project m'interessa tanben.

MAS :

-voletz far un festenau de rock occitan ? O un festenau occitan de rock ?

Lo segond m'agrada, lo prumier mens. Desjà, perçò que dau rock occitan, e dau bon, n'i a pas gaire. E per çò que personalament pense que fau surtir de l'ideia qu'un "festenau occitan se deu far emb nonmas de la musica occitana". N'autres sem jòunes, que lo prumier de n'autres qu'es estat influençat NONMAS per de la musica chantada en occitan se denoncie, mas pense que n'i aurà pas tròp.

Io, çò que vese, quo es un festenau que bòta en avant la lenga occitana pertot, sus tot çò qu'es marcat, sus sos estands, au bar, aus comuns, mas prener daus gropes que nos agraden, que chantessen o pas en occitan (au mitan, n'i aurà que aimem tots e que chanten tanben en occitan, veire lista mai naut...). Los basques fan 'quò desjà dempuei un brave moment (EHZ) e per ilhs, 'quò foncciona. L'avantatge ? Quand una estar dau hip-hop frances coma Kenny Arkana ven chantar, ela s'en tòrna en saber çò qu'es Euskal Herri. 'Quò fai d'una peira dos còps, pusleu que de far daus rock occitan per los occitanistas (que van pas aimar perçò que quò fai tròp de bruch) e los rockaires (que van pas aimar per çò que avem pas tròp de gropes que tenen la rota). Sabe, mon opinion es fòrça subjectiva, question de gost, dijatz-me çò que n'en pensatz.

Cerièra de Mai a écrit:

fredoc a écrit:

Diubiband, Stille Volk, Familha Artus (?)

Stille Volk = Hantaoma

Uns membres en comun, mes n'ei pas tot a fèit parièr, SV son mei estranhs. Que m'agrada hèra.

Danís a écrit:

Io, çò que vese, quo es un festenau que bòta en avant la lenga occitana pertot, sus tot çò qu'es marcat, sus sos estands, au bar, aus comuns, mas prener daus gropes que nos agraden, que chantessen o pas en occitan (au mitan, n'i aurà que aimem tots e que chanten tanben en occitan, veire lista mai naut...). Los basques fan 'quò desjà dempuei un brave moment (EHZ) e per ilhs, 'quò foncciona.

Que juntas çò qui èi prepausat. Que i a pro de grops bascos, militants, qu'ei de bon trobar. Ex : Skunk.
Si n'i a qui coneishen Okploïde, un grop de punk de Pau ' Guitarista Punk

', dilhèu que pòt estar interessant tanben. Matieu, l'un d'eths que va a la tor, ce'm sembla.

Sinon, que i a Nadau.
Fotut Defòra

Danís a écrit:

voletz far un festenau de rock occitan ? O un festenau occitan de rock ?

Lo segond m'agrada, lo prumier mens.

+1

M'agrada mielh la desmarcha Euskal Herria Zuzenean. M'interessa mielh de mostar ad'un public rock que se fai de las chausas en Occitan que pas lo revers sens garantia de succés.

Pensave ieu a un happening pro gros per permetre a daus grops occitans d'èsser programats aprèp dins los eveniments qu'existissen jà, que siá au dediens dau « mitan » (traparan bien que quò fai tròp de bruch mas sabèm jamai) ò melhor, dins un festenau qu'es pas etiquetat occitan ente i a dau vertadier public.

Si de non legiguèi « subvencions » en responsa au besunh de moneda, quò me fai totjorn un pauc paur d'aver par tota libertat per organisar. ai dins l'eideia qu'un sponsior privat es mens a visar darrièr nòstra eschina qu'un institucionau.

_________________
Los Occitans son tant valents que son los sols d'aver obtengut un premi Nobel amb de las dechas d'ortografe.

Tot a fèit d'acòrd !
Que demanda un tribalh de recèrca important.

_________________
Ací qu'ei l'alh ! ce disè la ceba. / Amic de cadun, amic de degun.

fredoc a écrit:

Tot a fèit d'acòrd !
Que demanda un tribalh de recèrca important.

Òc per los esponsors, pas per los musicians, puei que prenem çò que nos fai enveja, sens que i aja una etiqueta "grope occitan" pausada dessus.

Me sembla que sens tròp cherchar, podem desjà aver una lista de quauques gropes pas tròp chars (pense aus que son passats au Off de l'Estivada, mai daus que podem veire benleu dins las festas de las musicas, e tot 'quò). Per los esponsors, fau veire localament, chascun de son costat. Lo que n'en tròba lo mai determinarà l'endrech ente se farà lo festenau, non ?

Danís en "star" oficiala. Guitarista Punk

Bon alara pas degun a una idèa d'una forqueta de prètz per cadun de las cargas d'un concert?

Citation:

Pensave ieu a un happening pro gros per
permetre a daus grops occitans d'èsser programats aprèp dins los
eveniments qu'existissen jà, que siá au dediens dau « mitan » (traparan
bien que quò fai tròp de bruch mas sabèm jamai) ò melhor, dins un
festenau qu'es pas etiquetat occitan ente i a dau vertadier public.

Pensi que soi d'acòrdi mas compreni pas lo concepte d'happening (per ieu es un òme tot nud que se branda en public en tot manjar de patanas Geinat

)?

Citation:

Si de non legiguèi « subvencions » en
responsa au besunh de moneda, quò me fai totjorn un pauc paur d'aver
par tota libertat per organisar. ai dins l'eideia qu'un sponsior privat
es mens a visar darrièr nòstra eschina qu'un institucionau.

Per un festenal grossàs los dos son necites, per un concert pichon vesi pas tròp l'interés.

Citation:

Per los esponsors, fau veire localament, chascun
de son costat. Lo que n'en tròba lo mai determinarà l'endrech ente se
farà lo festenau, non ?

Soi pas segur que la questions dels esponsors siá determinanta dins la causida del luòc... La disponibilitat d'una sala e la densitat de gent prestes de s'investir me sembla mai importenta.

_________________
http://conselhamistos.blogspot.com/