Totjorn dins l'idéia dau social bookmarking, ai pensat de crear un malhum de blògs en occitan. Quò seria sus lo modele dau Freemen : chade blògaire bota la lista daus autres sus son blòg. Entau los cerchadors coma Google o los sites coma Tecnorati te fan montar dins lor classament. Quò faria mai de buzz occitan sus lo web. Emai quò nos permetra de coneisser d'autres blogaires occitan.

Faudria un pitit logo, un nom per lo malhum. Perque pas lo bloguitge ? Los felibres fagueren lo Felibritge, los blogaires, lo bloguitge Oc-es, mon idéia es merdosa...

La charta dau malhum podria esser quauqua-ren entau :

1) Volem defendre e difusir la lenga occitana en l'utilizar sus l'Internet per parlar de tot.
2) Volem participar a la construccion de la civilizacion occitana, eiretiera daus trobadors, dau Felibritge e de la cultura populara per portar a la civilizacion umana mondiala nòstra votz, nòstra vesença originala.

Fuec de Diu ! Qu'es brave coma dau Felix Castan... Pertant, ai pas fumat la pipa de Lutz...

Per participar au malhum, fau esser de consent emb la charta, zo dire sus son blòg, botar tots los liams daus autres e se marcar (per que los autres te boten sus lor blòg).

De segur, podem chamnhar lo nom mai la charta. E per lo logo, podem fotre un drapeu occitan en esperar mielhs.

Bon, me marque. Entau i a un blòg dins lo malhum !!!!

Mon blòg es : ieu maitot !!! http://ieumaitot.nireblog.com

ohhh bona idea !!!!!!!
voi i èster tanben !!! http://parpalhon.nireblog.com

Quina bona idèia ! Pòdi crear un "topic" sus lo forum dab la tièra de tots los blògs. Cadun botarà lo son blòg en picant sus "Respondre" e apres, editarei lo purmer messatge tà aver ua tièra actualisada. Lo forum es haut o baish ben repertoriat, donc aquò es bon per lo buzz !

Bon, com me cau l'aperar aqueth subject ? Bloguitge ?

Vaquí una primièra proposition de logo :



L'idèia : la tèrra, lo malhum, los blògs reprensentats per las bolas de la crotz occitana, una escritura a la man perqué un blòg es coma un jornal.
Que ne pensatz ?

(m'en vau dormir un pauc, ieu !)

Ieu, ai ges de blog...totun aimi ben l'idèia de la tèrra emb la crotz en malhum

m'agrada tanben lo logò

E la carta perpausada per Maime, vos agrada ?

Ben… en fach… sabi pas tròp… me parla, mas sabi pas s'ai la pretencion d'esser « eiretiera daus trobadors, dau Felibritge », ni de « participar a la construccion de la civilizacion occitana »
Vòli sonque viure e charrar en occitan (« de tot e de res »), mon blòg es, e serà pas de los mai serioses ! L'idèia d'un malhum m'agrada, e serai urusa d'en estre, se Maime es d'acòrdi…

Io tanben, l'ideia m'agrada, sei quitament preste a m'en far un per l'ocasion.
Mas la charta, quo es pas mon afar... Sei eiretier de degun manca d'una familha de paisans occitans, e fau partida de la joinessa occitana, punt.

Ben òc, qu'es un pauc pretenciós ... N'i a que van se trufar de nosautres ...

Ne vaqui una bòna idéia !
Charrar en occitan, que que sia lo mejan e mai lo sicut, es far eisisitir la lenga. Sonque dire "siai occitan" (en occitan!) es un acte de militantisme.
Siai franc d'acordi ambe lo titol e lo logo
Ieu ai ja botat lo ligam dels autres sòcis del foròm sul mèu blòg (se n'ai doblidats m'o cal dire).

Botèri tamben de ligam sens ligam ambe lo foròm (mescladis e còps de gula, lo joan, resson d'òc...)
Lo tipe del CAN : pas encara trobat. Danis tenia una pista...

Es partit en dimenjada lo Maime o qué ?

(mercés…)

(a trobat lo biais per me faire calar, el…)

OK, vau faire un article tanben sus lo mieu blòg… quora Nireblog voldrà ben foncionar !

[edit]
E un pichon per botar sus los bògs, un !

Benlèu que dens la carta cauré parlar deu respect e de la reconeishença de tots los dialectes ? De que n'en pensatz ?

http://omidelafotografia.nireblog.com

Un de mei ...

Io ai una chausa d'ajustar : es que seriá possible dins queu topic, per fin d'encoratjar lo monde a crear daus blògs en occitan, de botar un mòde d'emplec, en explicar ente fau 'nar per ne crear un, coma lo rendre brave, e tot aquò ?

Io per exemple, n'en vòle ben farjar un, mas sabe pas dau tot ente lo crear. Una perpausicion ?

Per aver un blòg en occitan : coma dit Nireblog : Crea un blòg ara ! Es aisit e a gràtis

Te cal anar aquí : http://nireblog.com/oc

Marca un nom per l'adrèça del blòg dins aquela fenèstra :



(dins l'estile : danis.nireblog.com)
Serà lo nom d'URL, pas lo nom de ton blòg, ni de tu !!

Sus aquela pagina, marca tots tos entressenhaments :



Aprèp la chausida de las colors del blòg, es acabat !

Un còp lo blòg creat :

Per escriure un article novèl, botar de ligams, parlar de « quin(a) soi » eca, va dins « Administra ton blòg »

Se i a quicòm d'autre que comprenes pas, diga-zo…

Bon coratge !

lo ligam ( http://howtos.nireblog.com/cat/crear-blog ) que t'explica quauques causas entau nireblòg( mes en castelhan)
e s'as un problèma que pòdes escríver aus de nireblòg e que't responen de tira !

Sabe que Gavach es chas blogger e Clafotis es chas nireblog se tamben, de quì a pauc i aura 'na rubrica blog su MXL87, en esperar l'i traparetz lo ligam pel Blog dau Marçau "un_brave_pitit_nom_totparrièr" Peyrouny.

Fau regularament un digg sus lo blog de Clafotis/Rapieta, mas quò lhi permetèt pas d'enguerras de 'ribar en pagina d'accuèlh. Aura las gents poden me far lo parrièr mas me fau apondre daus articles !!

N'i a tanben, lo joan peiroton que vòu far partida dau Bloguitge. Son blòg : http://loblogdeujoan.blogspot.com/

(bon, aprèp una error, un plantatge d'ordi, et tot aquò… vau ensenjar de botar aqueste macarèl de code !)

Cossí botar la lista dels blogaires del Bloguitge dins la marge se son blòg ? (sus Nireblog)

Vaquí lo code de botar dins « Administrar > Mai (jos Quin(a) soi) » : (l'ai copiat sus lo Maime)

[edit : impossible de botar un code HTML… ne vaqui un imatge… o sabi es cagant…]



Primièra lihna : l'imatge, amb son ligam (a vis de cambiar lo ligam per çò que volètz…)
Cada lihna = cada nom de blòg amb son ligam tanben

mercés

Non Sòfia ! Marcha pas !!!! Arribi pas a botar lo code HTML, lo forum me le cambia en code PHPBB !!!