Que voleri saber quin crear un blòg ?
Ne coneishi pas arren. Qu'espèri los vòstes conselhs.

Mercés hòrt.

Bonser,
quo es pas malaisat. Te fau chausir una auberja : nireblog, over-blog, blogspot, wordpress...
Sus lo fiau dau Bloguitge, n'autres am pas mancat de criticar los uns los autres demest los fornissors de servicis :
http://occitania.forumactif.com/ciber-cafe-f46/lo-bloguitge-malhum-de-blogs-occitans-t888.htm?sid=0d57e20cc2e57c971266a4948933531d

Personalament, Nireblog© es suffisant per me mas eu balha pas de las fonccionalitas estrambordidas.
http://rapieta.nireblog.com/post/2009/08/30/lo-da-lematges-code

Balhe un còp de man per un tipe (~65 ans) sos Blogspot©, eu se'n tira mai que ben aprep un pitit temps per s'adaptar, mas per quauqu'un que n'i coneissava ren.
http://notesdemusees.blogspot.com/

Balhe un còp de man per l'ADC45 e per dire verai, Over-blog© quo es mai-que-mai colhon per s'i far.
http://assosdecroissanceconviviale.over-blog.com/

Coma mon autre nom es Shivà, sei aprep aidar mon assò teatre per farjar un joèb sos Wordpress©. Me semble que de la gent dau forum poran t'aidar jos 'queu auberjor.
http://fabrikapulsion.wordpress.com/

I a maitot daus minijoèbs coma
http://www.tumblr.com/
Son aisats.

Aprep ses pas tòni, sap que te fau ubrir un compte (chafre e mòt marcat) e li balhar a minjar a ton joèb. E rapela te que 'quò ne'n minja dau temps, de l'energia, de las envèias... mas se saber legir d'aici a Colombò, quau bonur !

qu'es un "joèb" ?

Sembla que parla del "Microblogging" mas soi pas segur (http://en.wikipedia.org/wiki/Microblogging). L'idèa es de far de messatges fòrça corts, un pauc coma Twitter, sai pas se coneisses.

Se vòls vertadièrament crear d'articles normals que fan mai de 100 mots e non escriure sonque qualques mots per jorns cal causir un blòg normal dins la longa tièra qu'existís. Pòdes ensajar Wordpress, perque l'interfàcia es en occitan (dins un mescladís de dialèctes), pòt èsser un ponch positiu.

http://oc.wordpress.com/signup/

i a dos auberjadors de blòg qu'an lor interfàcia en occitan : WordPress e Nireblog. Blogspot l'a en catalan.